關注一下過去24小時娛圈事Top 5熱話。
麥明詩漫步沙灘婚照首曝光 盛勁為機師Look上陣勁有型
「十優港姐」麥明詩被傳將於3月下嫁飛機師男友盛勁為，1月30日盛勁為在IG公開被求婚短片，更透露是麥明詩主動求婚，令他十分感動，獲各界送上祝福！麥明詩在IG首度分享甜蜜婚照，公開愛的見證。相中盛勁為穿上型仔機師制服，右手拿著機師帽，同着上簡單藍色連身裙的麥明詩漫步沙灘，麥明詩一手執白玫瑰花球，一手拖實未婚夫，真係Sweet到爆！
▼詳情點擊圖片查看或按連結
45歲小S大晒性感水着照 獲網民激讚：人間極品
台灣女星徐熙娣（小S）出道多年，即使已經45歲，樣貌同身材依舊保養得宜。她近日與家人一起出遊度假，不時在IG分享靚相。昨日（1月30日）小S更大晒性感水着照，身材凹凸有致，讓她自信表示：「45歲有點肉還挺性感的啊，什麼螞蟻腰？走開！」
▼詳情點擊圖片查看或按連結
Do姐鄭裕玲偕《口水多個浪花》主持快閃上海遊 余德丞與女子繑手合照引關註
鄭裕玲（Do姐）早前現身廣州為劉嘉玲擔任節目嘉賓，時隔多日Do姐帶著節目《口水多過浪花》的多位主持包括余德丞、余迪偉、傑朱等到上海冬季大旅行，因為需要在星期一至五開咪，因此今次旅行只逗留了短短幾天，大家仲一齊到東方明珠塔、黃浦江等地觀光打卡！
▼詳情點擊圖片查看或按連結
林寶玉全裸沖涼片曝光 尺度極大震驚網民：嘩嘩嘩！
現年33歲的「最索經理人」林寶玉上年與「亞視一姐」薛影儀（阿儀）正式決裂，並宣佈離開AMM亞洲心動娛樂。回復自由身之後，除了有自己的生意，亦都重新運營自己的YouTube頻道進軍KOL界，早前更在影片中全裸洗澡，引起網民關注！
▼詳情點擊圖片查看或按連結
李連杰一家四口到尼泊爾修佛 利智近況曝光
1986年亞姐冠軍利智於1999年與武打巨星李連杰結婚，並育有兩名女兒Jane及Jada，之後就專心相夫教子，一直低調過少奶奶，鮮少公開露面，而近日網上流出李連杰一家四口到尼泊爾修佛的相片，利智的清晰近照曝光，明顯暴瘦引起網民討論。
▼詳情點擊圖片查看或按連結
榮升媽媽的麥明詩大談陀B感受！
「十優港姐」麥明詩（Louisa）於懷孕後首度出席公開活動，榮升媽媽的她接受傳媒訪問，分享不少感受。
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
本網記者攝
麥明詩宣布懷孕喜訊，「其實都好幾個月啦，一直同老公嘅共識都係順其自然。我𠵱家都係日常返工，今日亦好開心可以出席活動，提早少少賺奶粉錢。」其身體曾出現不適，「都一段時間喇，同埋之前自己都唔係好舒服，身體一直都適應緊，想心理、身體各方面都適應好啲先面對其他嘢。家庭都非常支持，老公、爸媽、老爺、奶奶即刻非常關注我嘅健康，令我有少少呷醋，因為佢係關注BB多過關注我。都有啲孕吐，發覺頭嗰3個月好攰，自己亦有工作。原來其實一個準媽媽要兼顧工作、身體、心理上，即係Physical方面都會有幾大嘅挑戰，所以好多香港嘅媽媽都好厲害。身體上最大嘅轉變就係好攰，體能都會下降，經歷咗大慨兩、三個月嘅孕吐，進食、運動各方面都有影響，步入咗另一個階段，身體適應咗，同埋都做返運動會游水、做Gym，變咗𠵱家係開心。」
本網記者攝
對於上圍升Cup，她表示：「有好多變化，當然有好嘅地方，有令我擔憂嘅地方，好嘅地方係原來都可以靚嘅，好似今日出席活動咁，有好多人幫我Keep住靚啦，都開心。有時其實見到自己個肚愈嚟愈凸出嚟，有啲擔憂咁樣，之後會唔會回復到呢？呢啲都係諗得太多，盡量做多啲運動，保持一個開心嘅心境。老公都幾好，好似我今朝做緊孕婦操，有啲運動同拉筋，佢會一齊陪我做。」談到老公的服務，「佢會好關心我嘅飲食，Make Sure我飲得夠水、湯水、進補藥材，氹我食嘢，之前可能冇咩胃口。佢會幫我搽去妊娠紋嘅產品，提升我嘅心理健康。佢會特登帶我出去食，可能好食啲我胃口會好啲。𠵱家可能變咗少食多餐，有機會係我老公嘅體型比較大，我懷疑令我個胃相對......個胎較大，每次食少少。佢好好嘅，例如食完晚餐七、八點，夜晚約十點佢會問我係咪差唔多肚餓，可能炒隻蛋畀我，或者整啲乳酪，Make Sure我唔好有飢餓嘅感覺。佢（老公）都好健康，比較Organic，所以佢都會自己整，唔想我食太多出面可能唔太健康嘅食物。」
本網記者攝
穿上四吋高踭鞋現身的麥明詩獲老公力撐，「佢知（四吋高踭鞋）嘅，係佢車我過嚟，佢不嬲都好信任我，信任我嘅選擇同判斷，我都揀咗啲粗踭同穩陣嘅高踭鞋，佢都支持我。」二人暫時未有公布BB的性別，「我哋暫時想Keep一個Surprise，可能遲啲有機會再做Gender Review。BB應該係蛇B，之前都嚮往同老公一齊組織一個家庭，都知道唔係話想計劃到就計劃到，我覺得我哋都係好有祝福，好感恩。過去嗰9個月都互相監察對方嘅健康，叫對方唔好飲酒，大家會食Supplements，提早由結婚之後開始食，但做好準備之餘都要放鬆心情，平常心，心態先係最緊要。會覺得好Lucky，呢半年暫時都好順利，當然仲有幾個月，再努力，同埋希望一切都順利。」被問到之後會否再生B，她回應：「目標嚟講，當然我嘅願望係自己嘅小朋友第時有個伴，但我覺得𠵱家就言之過早，每一個媽媽嘅經歷都唔一樣，都有佢辛苦嘅地方，都要睇自己嘅彩數，如果一切比較順利嘅當然就會比突順利啲，如果冇咁順利就到時再決定。冇話好大嘅Plan，可能每個階段每人嘅反應都唔一樣，到時睇自己嘅狀態，我都已經卜定咗12月去旅行，會同埋爸媽、老公，因為我都想一家人享受埋寧靜嘅時光。我哋應該都會去啲渡假嘅地方，都唔係話適合太走動，都好想趁最後機會有多啲時間相處，都相信有咗之後，即係下年可能就翻天覆地。老爺、奶奶已經有3個孫，唔係話好緊張，都係好事，變咗都教到我哋點樣放鬆心情，我媽媽𠵱家就超級開心，佢超鍾意小朋友，會有好多準備同計劃，例如請工人姐姐。」
本網記者攝
談到BB的名字，她笑言：「我哋有傾嘅，但我哋暫時傾嘅都係搞笑，唔出得街，你哋諗吓啦，佢姓盛㗎。我好簡單咋，驗孕後就話畀佢（老公）聽，我冇搞驚喜。我哋都係好實際嘅人，唔想自己提早開心，提醒自己都係平常心，一直保持健康，好快就同埋爸媽講。佢（老公）知道後處之泰然，因為我哋都係Plan咗，就冇太驚訝，佢都開心自己係得嘅。時間上，佢覺得下年呢個時間請到假，成件事就配合得幾好。因為工作性質方面，佢請假都要提早啲請，有啲季節係比較難請，如聖誕節。預產期係3、4個月，佢都知道我心靈比較脆弱，所以都申請飛多啲唔係留喺外地咁多日子嘅Trip，都關顧我感受。佢飛咗去外地之後就唔出去玩咁多，佢話佢想善用時間溫習佢工作上嘅嘢，佢份工係需要持續進修、溫故知新，佢希望𠵱家有時間，工作上準備得好啲，BB出世後就可以Focus喺BB嘅成長上。唔好做啲幫唔到手嘅嘢，多啲氹下我開心，畀我多啲精神上嘅支持。」順產還是開刀？她認為：「冇需要太早諗，自己或BB嘅身體已經幫你決定咗。想順其自然，即係醫生到時覺得需要咩就咩，費事太多計劃，唔想當趕唔上計劃時，自己會不知所措或失望。」她向好友朱千雪取經：「早幾日啱啱同咗Tracy（朱千雪），我都跟佢學咗好多嘢，佢分享咗好多，成個過程，佢啱啱行咗成個過程，仲係記憶猶新，畀咗我好多貼士，小朋友嘅物資點樣安排，點樣應付四大長老嘅關係，同埋自己嘅心理健康，我都好開心佢早我一段時間，幫到我好多。」
