《本尊就位》一場井底戲拍足兩日 謝東閔孔德賢冬天拍淋雨戲眼都擘唔大

拍攝當晚只有十度！

由梁耀堅監製、葉世康及鄭忠泰擔任編審的《本尊就位》，逢周一至五晚八點半翡翠台播映，主要演員包括孔德賢、謝東閔、陳嘉慧、黃嘉樂、韋家雄、李成昌、樊亦敏、甄采浠、黎燕珊及區明妙等。

樊亦敏個角色相當神秘，佢一時係何仙姑，一時係何仙，到底點分架呢？

因為何仙姑嘅幫忙，呂洞賓先知自己係令木昆走上歪路嘅罪魁禍首。

昨晚（1日）一集劇情講述，木昆（孔德賢飾）調查杜鵑被殺（劉嘉琪飾）真相期間、遭真兇谷世祥（黃建東飾）扑暈兼掉入井中，事件殃及趕到現場營救的呂洞賓（神仙名）／雷石（人間化名）（謝東閔飾）。齊齊被困井底的木昆及雷石，無論如何花盡力氣仍逃不出古井，最終在千鈞一髮之際雷石「法力回歸」，並施法帶木昆逃離古井，並自此纏著木昆瘋狂說教，「煩到冇朋友」。原來獲元始天尊親自落order的呂洞賓，在何仙／何仙姑（樊亦敏飾）幫助下終了解到自己是導致木昆走上歪路的罪魁禍首，是次下凡真正目的是協助木昆走回正軌順道贖罪…

呂洞賓原本想救木昆，當然畀兇手掉埋落井啦。

呢個「比達頭」真係笑咗。

喺木昆好著急同生死關頭嘅時候，呂洞賓依然慢吞吞之餘，仲要繼續大堆道理咁說教。

加埋呢個悲天憫人樣。

煩到谷世祥都嗌救命。

昨晚古井一幕，謝東閔與孔德賢相當大犧牲，二人除了要花大量力氣想辦法以背對背形式爬出古井外，更要全程浸在水裏；當中最令人有記憶點的，是場口下著滂沱大雨，跌入井底仍不忘瘋狂向谷世祥說教的呂洞賓，要一邊說教一邊硬食大量人造雨，頭髮更被弄濕至成「比達Look」，相當爆笑；而謝東閔身旁的孔德賢雖然不用應付這麼多對白，但被人造雨瘋狂「襲擊」的他，不但被「襲擊」至面容扭曲，更連雙眼也睜不開，十分誇張。謝東閔受訪時，坦言井底戲拍足兩日，並透露與孔德賢的「二人四足攀井」場口，是在棚架、威也及動作替身幫助下完成拍攝，製作認真：「呢場戲差唔多臨尾聲先拍，嗰時已經開始變凍，落水都真係幾凍。我哋嗰場係吊威也，同埋搭咗個好大嘅景，都拍咗兩日架。」

留意番孔德賢個樣，就知啲人造雨幾咁「大力」。

難為謝東閔仲要硬食人造雨一輪嘴講咁多對白，Respect！

呢個位係集合咗好多工作人員嘅努力拍出嚟！

呢個位係集合咗好多工作人員嘅努力拍出嚟！

呢個位係集合咗好多工作人員嘅努力拍出嚟！

「煩音」呂洞賓反應慢半拍有喜感
是次謝東閔飾演的神仙呂洞賓相當出位兼入屋，皆因這位神仙不但傻吓傻吓兼不靈通（皆因失去了法力）、反應全部慢半拍又錯Timing之餘，更生性囉嗦愛說教！無論大是大非、或是小事一則，呂洞賓都能說到天涯海角，當中還夾雜大量古文及詩句，「煩音」程度令人不禁想起羅家英的經典角色「唐三藏」。謝東閔受訪時坦言有被古文考起：「啲古文真係背得好辛苦，呢套係我拍咁多套背得最多古文嘅一套戲，有啲仲要我自己都未必好明，所以都要花好多時間研究。」雖然呂洞賓「煩到冇朋友」，但正正因為「做乜都錯」，反而成功入屋，有網民留言笑指謝東閔角色可愛：「戇居得嚟幾好笑」。對此東閔笑言：「係呀，我自己就設計咗神仙同凡人有代溝呢個位出嚟，咁樣希望出嚟效果搞笑啲，好多謝網民睇得開心。」另黃建東今早亦在社交網補充，指拍攝當晚只有十度，雖然拍得辛苦，但他笑言Enjoy，皆因很喜歡自己的悲情角色：「拍戲永遠都係咁，平時又唔見咁凍，到拍嗰日半夜超凍，好似得10度，我嗰陣又唔識得用保鮮紙打底，一路跪喺泥地一路打住冷震咁講對白。」

最後全靠呂洞賓忽然有番少少法力，兩位先逃出生天。

呂洞賓其實啲法力長期失靈。

不過講道理同說教方面從來唔甩拖，但網友就讚佢戇居得嚟幾好笑。

謝東閔（左）、孔德賢爬井場，其實仲有黃建東。

除了主角，《本尊》配角亦甚有發揮，昨晚飾演杜鵑（劉嘉琪飾）死亡事件目擊證人傻姑的梁珈詠，在2分半鐘的演繹中明顯花盡心思，除了刻意以小孩tone說對白，眼神亦相當孩子氣！其中一幕邊憶述杜鵑被殺經過、邊嘟嘴撒嬌及企圖推開雪花（陳嘉慧飾）的手作自我保護，更是看出珈詠已完全進入狀態，說至激動處還眼泛淚光。有「御用師奶」之稱的「大頭妹」梁珈詠，入行24年演過劇集超過100套，直到前年終憑參加《全能司儀選拔大賽》打開知名度；當年珈詠在節目中一句勵志bite：「我都真係仲有堅持緊」感動不少觀眾。

齋睇相，都Feel到佢拍當日好辛苦，但佢依然話好Enjoy，唔怪之得孔德賢都留言讚佢專業啦。

梁珈詠雖然戲份唔多，但睇得出好畀心機做。

講講吓，佢仲有眼泛淚光添。

網民最期待畫面朱智賢謝東閔首度情侶同場演「反枱戲」惹關注

由騰訊視頻和TVB聯合製作的台慶劇《位元堂養陰丸呈獻：企業強人》，本周一至周五晚八點半翡翠台播映結局周。進入結局周的《企業強人》高潮迭起，為「吞併」世代物流，趙愷（陳豪飾）前度丁寧（朱智賢飾）行動升級，先利用程璐（尹詩沛飾）以「反無間道」身份接近趙愷，並以「落藥咖啡」令趙愷跌入毒駕陷阱；為了大局趙愷被逼放棄世代物流主席身份，並點名理念相同的方芳（龔嘉欣飾）接棒，不過方芳因資歷問題備受嚴重質疑；另邊廂丁寧以趙愷清白問題逼令宋翹（張曦雯飾）與方芳力爭主席，令趙愷與宋翹及徐道明（譚俊彥飾）的鐵三角關係備受動搖，更有網民好奇徐道明角色會否最終「反轉反轉再反轉」，成為劇集最終極Big Boss。

焦點圖片

而昨晚（15日）焦點場口，非真‧情侶朱智賢與謝東閔鬥智鬥力莫屬，相關場口在正式播映前，已在網絡引發熱討。為力阻方芳當選主席，丁寧利誘Vincent（謝東閔飾）在媒體面前大爆方芳黑材料；一直對方芳心存妒忌的Vincent表面配合，但在重要關頭掉轉槍頭力撐方芳憑實力進入世代物流董事局，令原以為奸計得逞的丁寧方寸大亂…相關場口，無論是謝東閔一副運籌帷幄的突然變節樣，或是朱智賢的「口蜜腹劍」及方寸大亂後的秒速變臉樣均演繹到位；而謝東閔一句夾雜浮誇與憨直的「你當我Kai架」，更獲網民大讚醒目又可愛。

Vincent嘅突然變節大快網民心。

朱朱及謝東閔同場引爆期待值。

謝東閔同朱朱一個浮誇、一個內斂嘅演繹，令場口更添睇頭。

謝東閔同朱朱一個浮誇、一個內斂嘅演繹，令場口更添睇頭。

謝東閔同朱朱一個浮誇、一個內斂嘅演繹，令場口更添睇頭。

呢個場口無論朱朱「贏變輸」嘅微表情變化，抑或謝東閔啲連環挑機樣都令人留下深刻印象。

呢個場口無論朱朱「贏變輸」嘅微表情變化，抑或謝東閔啲連環挑機樣都令人留下深刻印象。

呢個場口無論朱朱「贏變輸」嘅微表情變化，抑或謝東閔啲連環挑機樣都令人留下深刻印象。

呢個場口無論朱朱「贏變輸」嘅微表情變化，抑或謝東閔啲連環挑機樣都令人留下深刻印象。

朱朱呢個表情，真係幾嚇人。

謝東閔劇中角色激到朱朱生蝦咁跳。其中謝東閔一句「你當我Kai架」獲網民激讚。

由於謝東閔與朱朱是首度以真情侶身份合作對手戲，場口自然別具話題性，不少網民笑言「相當醒神」。談到與男友首度合作拍劇，朱朱笑言二人在拍攝現場「零交流」：「我哋事前冇特別溝通，因為驚夾定會好假。同埋我本身一拍劇就會工作mode，所以現場冇乜話同佢好多交流，我想專注做番丁寧，唔想突然抽離做咗朱朱。所以一埋位我哋只係對戲，冇傾偈嘅。」朱朱坦言起初知道與男友會有對手戲時，確實有點緊張：「因為太熟喇，開頭有擔心自己投入唔到。」問到二人私下意見不合時會否嗌交時，朱朱說：「我哋冇鬧交架喇，唔出聲就算，之後就會冇事，咁多年大家都好習慣大家嘅性格。」

相關劇照

相關劇照

相關劇照

相關劇照

相關劇照

相關劇照

相關劇照

另憑劇中造型贏盡好評的朱朱，前晚一襲露腰套裝短裙將其葫蘆身形、小蠻腰及長腿三大優點展露無遺，而且即使著住坐低仍是「零唧肉」，顏值及健美度再獲關注。問到Keep弗心得，朱朱大方分享三大心得：「我不嬲唔太飲甜嘢，就算飲珍珠奶茶，我都係走甜，我慣咗飲冇糖份嘅嘢。因為我覺得飲嘢係會唔覺意地飲咗好多糖份，所以我覺得要戒得好清。第二要戒宵夜，當然我都覺得好困難，尤其冬天夜晚開工，硬係想食啲熱辣辣嘅嘢。第三係要做少少帶氧運動，因為可以幫助燃脂，例如行山、跑步咁。」

朱朱真係好弗。

但其實張曦雯都一樣勁弗，佢哋劇入面除咗鬥霸氣，仲要鬥靚。

朱朱呢個造型，仲晒埋長腿。

朱朱劇中造型一再獲讚，不過由於佢個角色都幾奸險同有手段，所以獲封「核心大反派」。

另一焦點場口，絕對是「反骨秘書」程璐的慘淡下場！為了個人利益一再背叛趙愷的程璐，昨晚終遭丁寧反出賣、以其「落藥」罪證威脅其到警局自首、大快人心。尹詩沛在相關兩分半鐘的場口亦盡顯其綠葉實力，將戒備、心虛、狡辯、不甘、驚恐、無助及悔不當初等情緒富層次地演繹出來，獲讚成功Carry全場；亦有網民力斥程璐忘恩負義，更投入至叫程璐要「出街睇路」，相當搞笑。

喺《企業強人》演出一直備受好評嘅尹詩沛，呢場戲大晒實力演技，簡單幾個眼神，已成功呈現場口角色複雜嘅心理狀態。

喺《企業強人》演出一直備受好評嘅尹詩沛，呢場戲大晒實力演技，簡單幾個眼神，已成功呈現場口角色複雜嘅心理狀態。