鄭中基初四紅館開show密密練歌 抽空為市集宣傳

鄭中基向粉絲拜早年！

鄭中基（Ronald）將於2月13日起於紅館舉行6場《Fragments of Wonder 鄭中基世界巡迴演唱會2023》，一兼5職的Ronald近日密鑼緊鼓排練，務求帶俾大家一個充滿驚喜的演唱會！

鄭中基紅館演唱會將於年初四開鑼。

近日Ronald密鑼緊鼓展開排練。

雖然演唱會不能怠慢，適逢過新年，大佬好嘢@機動娛樂同時舉辦了大佬好嘢期間限定店，推出各式新年精品！作為大佬，Ronald早前更抽了時間化身店長為大家服務，推薦大佬好嘢新年精品之外，同粉絲拜早年、自拍合照全無托手踭，Ronald話：「今次市集係第一次展示大佬好嘢嘅巨大化實體公仔，真係每一個公仔嘅 Details 都完完全全展現俾大家，希望大家買得開心過肥年！」

仍抽空現身市集！

同粉絲拜早年！

化身店長為大家服務。

自拍合照全無托手踭。

幫粉絲簽名！

梁思浩爆一事件證余思敏份人好忍得。

鄭中基日前突然與合作多年的經理人何慶湘終止合作一事引起外界不少關注，有網民翻查時間線及其IG照片指太太余思敏疑似去酒店捉小三，而鄭中基的聲明更被發現有改動，從「會去美國參加戒酒中心嘅療程」改成「太太會陪我去美國參加戒酒中心嘅療程」，網民認為事件疑點重重，太太余思敏疑似操縱鄭中基的社交平台。

不過余思敏的好友梁思浩在其主持的網台節目《娛樂好好玩》開聲支持余思敏，指﹕「何慶湘同余思敏，我係企喺余思敏度！」

梁思浩與江美儀、吳家樂主持的網台節目《娛樂好好玩》

二人因當年在有線一同主持《怪談》而結緣，後尾有段時間因梁思浩不停被記者追訪而須入住酒店，當時余思敏亦不諱嫌而去探望，梁思浩形容對對方印象說：「無論個聲明係太太定鄭中基寫，我可以講吓我認識佢太太，我幾鍾意呢個女仔，佢個人係一個幾聰明嘅人。」之後更大爆一事顯露余詩敏的為人。「當年佢有一件事忍讓得好緊要，呢個人幾忍得㗎！」」

二人 因一同主持《怪談》結緣

他續指當時節目後期高層空降了一位女主持，而新女主持更多次搶余思敏對白﹕「嗰件事我睇住佢忍忍忍忍，忍到根本好難忍，但係佢好好，佢忍到忍唔到，呢個女仔就會發炮！」梁思浩當時亦覺得新女主持太過分，不怕得罪高層，出聲護航，二人因而成為好友。

思浩更為余詩敏出頭，二人成為好友

就鄭中基事件，梁思浩相信余詩敏個性沒變，他表示：「佢忍讓，佢聰明，佢好識得畀位大家，但係去到你踩佢，無路可退佢都會反擊。」

此時，吳家樂隨即要求梁思浩即場打俾余思敏，認為以二人的關係應無所不談，之後梁思浩就在吳家樂望住的情況下傳訊息畀對方，又揚言：「如果佢即刻打嚟，我即刻駁條線！」不過最終余思敏並無回電。

思浩話無諗過要喺呢個節目打俾余詩敏，不過發了個訊息俾她