Skip to Content Facebook Feature Image

羅啟豪與李龍基上中山登台 分享翻唱葉蒨文30年前歌曲〈回歸自然〉

娛圈事

羅啟豪與李龍基上中山登台 分享翻唱葉蒨文30年前歌曲〈回歸自然〉
娛圈事

娛圈事

羅啟豪與李龍基上中山登台 分享翻唱葉蒨文30年前歌曲〈回歸自然〉

2024年02月14日 10:00 最後更新:11:07

初三啟豪更加去搵真銀,獲旅行社邀請跟前輩李龍基上中山登台

十二月、一月不斷有演出嘅英國豪羅啟豪(Ramon)嚟到農曆新年繼續忙不停。繼佢連同一班中年好聲音第一季及第二季參賽者與一眾 TVB 藝員及歌手年三十晚喺油麻地天后廟為新年倒數後,初二更有份為一年一度嘅花車巡遊匯演演唱。嚟到初三啟豪更加去搵真銀,獲旅行社邀請跟前輩李龍基上中山登台。今次 Ramon 第一次去內地登台,好多豪殼(歌迷暱稱)都遠渡而嚟撐場。偶像一出場同大家拜年並帶嚟觀眾耳熟能詳嘅〈愛是永恆〉,觀眾聽到熟悉嘅前奏幾時熱烈歡呼。唱罷,啟豪喺台上分享話原來中山係自己公公嘅鄉下,不過自己對中山嘅認識唔深,希望以後有機會多啲嚟認識呢個地方。佢隨即用普通話向觀眾拜年同埋唱出〈親密愛人〉。之後佢揀嚟最近同譚輝志喺中年好聲音第二季令輝取得第二個MVP嘅歌曲〈今天等我來〉。Ramon 先前亦喺社交平台分享自己好開心呢首歌上咗串流平台嘅熱門排行榜,一個禮拜嘅點擊率更合共超過四十萬,怪不得豪殼聽到佢唱呢首歌嘅獨唱版都非常興奮。然後可能因為新年關係,英國豪少有地一連唱兩隻快歌〈夢伴〉同〈愛將〉,加埋個個都識跟住唱嘅〈霧之戀〉,將現場氣氛推向高峰。最後,估唔到年紀都算後生嘅羅啟豪帶嚟羅文嘅〈好歌獻給你〉為演出作結。

更多相片

網民欣賞啟豪翻唱30年前冷門歌

網民欣賞啟豪翻唱30年前冷門歌

網民欣賞啟豪翻唱30年前冷門歌

網民欣賞啟豪翻唱30年前冷門歌

表演期間,Ramon 不斷有觀眾上前派利俾佢同埋同佢自拍,佢都一貫笑到見牙唔見眼,來者不拒。啟豪話:「以前睇演唱會嘅片段,見到好多前輩例如李克勤同譚詠麟新年期間開演唱會觀眾會派利是,今次自己可以體驗一下覺得好得意,同埋真係好多謝每一位送俾我嘅呢啲祝福同心意。」演出唯一美中不足嘅係,當啟豪正準備唱《霧之戀》之時,咪高峰竟然突然冇電,令演出暫停近三分鐘。好在意外唔係演唱緊一首歌嘅中途發生,而觀眾更加趁呢段時間湧上台邊俾利是啟豪同埋同佢自拍,氣氛完全冇受影響。隨後工作人員將新咪交俾啟豪,至令佢可以繼續演出。

問到英國豪佢嘅新歌幾時推出,佢就話聽公司講話好快,呢個消息必定令佢嘅歌迷引頸以待。不過喺日前嘅初一,啟豪都喺自家YouTube 頻道為當中一個叫「歌曲重 Sung」嘅系列推出咗「新歌」。啟豪想透過呢個系列重唱一啲舊嘅冷門歌或者一啲自己鍾意嘅舊歌,向有份參與嘅音樂人致敬,以及將歌曲重新介紹畀樂迷。今次嘅「新歌」係葉蒨文超過三十年前嘅一首作品〈回歸自然〉,係當時 TVB 一套叫《又是冤家又聚頭》嘅電視劇嘅片尾曲,由鮑比達作曲、編曲及盧永強作詞。啟豪同製作團隊特別前往流水響為 MV 取景,以香港少見嘅紅葉作背景。歌曲嘅 MV 留言區內雖然好多網民表示從未聽過呢首歌,但都一致大讚啟豪演繹得好,並形容一向靚聲嘅佢將首唱到好似新歌咁。問啟豪點解揀選翻唱呢首歌,佢話:「我由細到大都好鍾意、好鍾意呢首歌嘅旋律,加上歌詞以大自然嘅生態作比喻,鼓勵人與人之間要回復真我、重拾友善態度,為彼此重新帶來最真、最自然嘅互動,所以我覺得喺大年初一送呢首歌俾我嘅歌迷,為大家帶嚟一個咁正面嘅訊息最適合不過。」問佢覺得葉蒨文聽到有人翻唱自己一首咁舊嘅冷門歌會有乜嘢感覺,啟豪話:「我唔奢望葉蒨文前輩會特別鍾意我嘅演繹,我只希望有人會轉發呢首歌畀佢聽,因爲有機會畀佢聽到我嘅版本已經係我好大嘅榮幸。」希望啟豪如願以償。

網民欣賞啟豪翻唱30年前冷門歌

網民欣賞啟豪翻唱30年前冷門歌

網民欣賞啟豪翻唱30年前冷門歌

網民欣賞啟豪翻唱30年前冷門歌

往下看更多文章

李佳月底西九文化區大盒開騷 邀《中年好聲音》羅啟豪任嘉賓

2025年03月10日 15:00 最後更新:15:10

李佳希望現場觀眾聽得盡興!

將於3月29日(星期六)在西九文化區自由空間大盒舉行,《Canadian Rock Paintings Association呈獻:Date withMiranda Lee 佳佳有約演唱會》現正進入如火如茶的階段,演唱會主角李佳每天早上必定和製作團隊開會,看如何把整個節目流程精益求精,做到最好。

李佳將於3月29日(六)在西九文化區自由空間大盒舉行首個演唱會。

李佳將於3月29日(六)在西九文化區自由空間大盒舉行首個演唱會。

《Canadian Rock Paintings Association呈獻:Date withMiranda Lee 佳佳有約演唱會》海報

《Canadian Rock Paintings Association呈獻:Date withMiranda Lee 佳佳有約演唱會》海報

佳佳也和樂隊開始練歌,因今次演唱會風格以 Jazz Music 為主軸,再加上伴奏樂隊大部份為外國樂手,所以先集中排練重新編曲成Jazz風格的中文歌,每綵排完一首中文歌便立時和樂隊聽重播,看那些部位要修改,好讓他們可以有更多時間練習。日前佳佳也特意去了尖沙咀,在主辦單位投放了她演唱會視頻廣告的重慶大廈前拍片打咭留念,雖然打咭當天氣溫驟降,但看到很多市民駐足觀看她的個唱廣告覺得非常感動。

努力綵排。

努力綵排。

佳佳表示今次演唱會找了《中年好聲音》的羅啟豪做嘉賓,之前她和 Ramon 已在舞台上多次對唱,也有和他推出合唱歌,所以非常之有默契。伴奏樂隊也常常和佳佳合作,技術精湛,佳佳說:「Jazz風格的音樂可以很 Free Style,並不拘禮於單一格式,今次演唱會歌單中、英文歌比例各佔一半,當中已揀選了的經典中文歌重新編排後既保留原裝韻味,但又能以新面貌和大家見面,希望屆時現場觀眾能夠聽得盡興,一起享受充滿音樂感的間末晚上。」

將經典中文歌新編成Jazz風格。

將經典中文歌新編成Jazz風格。

李佳預告將邀請《中年好聲音》戰友羅啟豪擔任嘉賓。

李佳預告將邀請《中年好聲音》戰友羅啟豪擔任嘉賓。

你 或 有 興 趣 的 文 章