一劇多款造型過足戲癮陳嘉慧與謝東閔「壁咚」強吻戲喜感十足

娛圈事

一劇多款造型過足戲癮陳嘉慧與謝東閔「壁咚」強吻戲喜感十足

2024年02月21日 13:00 最後更新：13:04

陳嘉慧「強搶」謝東閔時嗲聲嗲氣的猴擒急色tone，獲網民大讚有喜感、嗲功一絕！

《本尊就位》踏入結局周，「神棍」木昆（孔德賢飾）及呂洞賓（謝東閔飾）遇上妖孽大危機，事緣木昆拔走了封印穿山甲妖的王母娘娘髮簪，重獲自由的穿山甲妖先後上了雪花（陳嘉慧飾）及鎮長辛正義（黃嘉樂飾）母親黃桂菲（黎燕珊飾）身，令雪花性情大解放、由「含蓄小花」變「仗義豪放女」之餘，更令黃桂菲起死回生…不過死過翻生的黃桂菲因急需新鮮血「醫肚」，最終演變成四出咬人，令五族房鎮人心惶惶，前鎮長辛虎（李成昌飾）成眾矢之的…對於故事畫風突變驚慄除魔片，網民看得肉緊，並笑言《本尊》是《凶宅清潔師前傳》，認真有想像力。

點擊看圖輯

陳嘉慧「強搶」謝東閔時嗲聲嗲氣的猴擒急色tone，獲網民大讚有喜感、嗲功一絕！

仲要連身手都忽然好起上嚟，穿山甲妖嘅威力真係咁大？

呂祖最後靠反冧雪花，成功氹到佢入咗個驅邪陣。

前鎮長夫人屍變，令前鎮長受盡千夫所指。

前晚（2月19日）及昨晚（2月20日）絕對是無綫小花陳嘉慧（Erica）晒冷之夜，由於雪花被上身後「性情」及「能力值」均出現異變，除了變得好打又兇狠，面對暗戀多時的呂洞賓更變得相當進擊，拉呂祖入房連環主動示愛之餘，更一度「壁咚」兼強吻呂祖；該幕謝東閔的「被強搶民女」及「驚嚇」樣，配以陳嘉慧（Erica）嗲聲嗲氣猴擒急色tone相當有喜感，網民更大讚Erica嗲功一絕：「悅耳動聽」、「Erica有喜感喎」、「Erica嘅反常同閔大人嘅反應都好搞笑」、「雪花忽然變開心少女，體內黑氣忠定奸？」

謝東閔爆發喜感，睇到網民好開心。

Erica呢兩集真係好有發揮，首先佢有晒喊功。

仲有可愛萌功。

畀雪花逼到埋牆嘅呂祖，騰雞樣好搞笑。

擒柱壁咚都玩埋，雪花今次真係好進擊。

呢一幕Erica同謝東閔都好放。

呢幾個close up鏡頭一絕，難怪網民盛讚二人喜感大爆發。

強吻呂祖都好盡吓。

除了聲線夠嬌俏，擁有一雙清澈大眼睛的Erica眉目傳情亦甚有功力，單憑一雙腰果眼，已成功做出電力十足的「撒嬌三式」，齋睇相都甜到入心！而謝東閔其實自劇集播出後絕對是正評不斷，每天都有網民盛讚他演技有進步。

除了性情、Erica劇中造型亦相當多元，為了以最佳姿態向呂祖示愛，雪花昨晚換上鮮紅色旗袍兼化濃妝，由於造型與Erica一貫呈現的清純tone截然不同，新鮮感十足。到了大結局，Erica除了不時以仙氣滿溢的「牡丹仙子」look亮相，最後還會以「少婦」Look登場，一套劇能有如此多變造型，難怪Erica也大嘆過足戲癮。

被上身後嘅雪花發起䧳威上嚟好有睇頭。

呢個樣型到爆。

雪花時而硬朗、時而嬌俏，都幾考演技。