41歲梁芷珮拖實老公晒幸福 晒當年婚照結婚20年兩公婆外貌零變化

兩人好似食咗防腐劑！

41歲的梁芷珮（Christy）以主持旅遊節目《潮什麼》系列而人氣急升，2004年就與丈夫Kenneth結婚，並育有兩子一女，2月21日是她與老公的結婚20周年紀念日，梁芷珮在社交平台曬出兩公婆結婚相，當時21歲的Christy與現在模樣基本沒有太大變化！

一家五口超幸福！

已經結婚20年！

梁芷珮曬出當年婚照的同時並感性留言：「見今日係我同黎大叔結婚20週年（冇錯，係已經結婚20年）比張從未公開過嘅絕密婚照大家欣賞下。想當年仲係20歲出頭嫩口嘅我哋，駝住Brendan ，傻下傻下，好鐘意大家，話結婚就結婚，一跟就跟咗佢20年喇！好彩，20年日日夜夜對住佢，都仲未覺得厭（可能佢比我煩到麻目咗)希望你繼續比我keep住煩你多更多嘅20年！」，相片中第一張是二人的婚照，當年只有20歲出頭的Christy相當青春，而梁芷珮的老公與現時分別不大，兩人都好似食咗防腐劑一樣！另一張二人的合照，Christy露出打底的Girdle酥胸半露，與老公手拖手另一手攬住老公，可見非常幸福。

當年婚照

超恩愛！

連媽媽Christy自己都忍不住感歎：竟然同我撞咗樣。

TVB主持梁芷珮（Christy）憑旅遊節目《潮什麼》系列而爆紅，新一輯《瑞士潮什麼》帶同一對仔女到瑞士拍攝，梁芷珮的11歲女兒Kasey節目中有不少挑戰與嘗試，玩得盡興，梁芷珮早前分享囡囡的水著照，兩母女十足餅樣，連媽媽自己都忍不住感歎：竟然同我撞咗樣。

梁芷珮與老公育有2子1女

最新《潮什麼》系列，帶仔女到瑞士拍攝

兩母女感情好好

梁芷珮晒出細女Kasey的水著照片，11歲的囡囡長相甜美，手長腿長，遺傳媽媽的好基因。梁芷珮留言：「救命，正當我想post一啲多謝大家嘅瑞士潮什麼相嘅時候，發現阿妹呢張相，竟然同我撞咗樣，咁似嘅？好似佢個身key咗我個樣咁嘅？你哋覺唔覺？」

Christy貼囡囡相片

笑稱囡囡同自己撞樣

不少網民都認同梁芷珮兩母女如餅印，紛紛稱讚Kasey靚女：「人靚景靚」、「同你餅印一樣」、「越嚟越像媽咪靚樣」、「連笑容都同你一樣啊」、「你細個啲相都好似阿妹」、「大個女了！穿件復古泳衣更有味道」等。