首度以Solo姿態勇奪MVP　古淖文公開多謝小辣椒谷婭溦：佢係我最大後盾

10強名單誕生！

歌唱真人騷《香港何濟公止痛退熱散呈獻：中年好聲音2》，25日晚8點30分翡翠台播出，節目由車婉婉擔任主持。本集是第十部曲《雙語之歌，累積排名榜 十強隆重登場！》下半場，有肥媽、伍仲衡、張佳添、周國豐和陳慧嫻擔任評審。25日晚一集最亮眼選手是顏米羔，他獻唱王傑名曲《幾分傷心幾分痴／一場遊戲一場夢》，他笑言：「呢首歌由細聽到大，次次唱都會變王傑聲，細個好鍾意模仿，今次試吓挑戰搣唔搣得甩（王傑腔）！」米羔最終獲得91分不俗成績，伍仲衡笑言：「我鍾意喎，我上一回合話你有少少殺父仇人感覺，你今次搣甩咗喎，聽到顏米羔嘅柔情，呢個係一個好好嘅方向，情歌係要咁唱。」陳慧嫻說：「呢隻歌你放輕聲音去唱，聽到另外一個米羔，而呢個米羔係更加好聽。」張佳添則說：「你係冇王傑嘅，我聽到嘅係黃貫中，如果你音色可以多啲變化，你就唔再係王傑、黃貫中，而係顏米羔！」

顏米羔搣甩「殺父仇人」感覺，大晒鐵漢柔情一面！

伍仲衡話聽到米羔柔情嘅一面。

張佳添話米羔如果喺音色上做到多啲變化，可以表現得更加好。

昨晚最後兩位登場的陳蒨葶及陳燕娜，兩人不約而同僅獲82分，與上半場同獲82分的鄭梓浩齊齊跌入危險區，氣氛緊張！獻唱《小城大事／大城大事》的陳蒨葶 坦言以「跳樓」心態演繹歌曲，惟因演繹的版本太過Dark，不太受評審青睞，肥媽說：「其實真係唔使咁Dark，我覺得女人好鍾意傷害自己去令嗰個人記得你，如果佢唔記得你，你傷害自己都會唔記得你啦，Short Short地嘅，你唱得係唔錯，畀唔到高分係你好Dark，但Feel唔到個痛。」獻唱《原諒自己／半途而廢》的陳燕娜則因唱得太似王菲而未能獲高分，張佳添說：「呢隻歌擺明係王菲陷阱，你就踩咗落去，似唔似王菲呢？起碼都5、6分㗎喇，個問題係你真係用咗王菲嘅方法去唱，冇人可以唱得好過王菲㗎喇，咁點解你唔諗吓用其他方法呢？」經過評審退庭商議，最終鄭梓浩、陳燕娜冇得留低，陳蒨葶逃出生天！

陳蒨葶以「跳樓」心態獻唱《小城大事／大城大事》。

可惜畀肥媽嫌太過Dark。

陳燕娜跌入王菲陷阱！

張佳添話陳燕娜唱得太似王菲。

至於上半場獲得93分的古淖文最終獲頒MVP，是次是他第二度獲得MVP，對此古淖文興奮表示：「今集對我非常特別，第一次以Solo姿態拎咗9字頭嘅分數，特別想多謝一個人，佢係我音樂上最大嘅後盾，佢就係小辣椒谷婭溦老師，佢幫我改善咗啲咬字同江湖味，多謝你小辣椒！」

陳燕娜

鄭梓浩

古淖文再度獲得MVP，佢笑言要將MVP筷子送畀谷婭溦。

10強名單出爐！

《ZONE D FUNtas4ic 音樂會》於麥花臣場館圓滿完成

由《中年好聲音2》的顏米羔、劉威煌、梁浩賢和甘永傑一起參與的《ZONE D FUNtas4ic 音樂會》昨晚(16日) 於麥花臣場館圓滿完成，台下星光熠熠，包括蔡卓妍 (阿Sa)、譚俊彥、丁子高、周國豐、張佳添、「中2生」譚輝智、陳譽文 (陳燕娜)、陳芊芸(陳蒨葶)、林思彤 (林若盈)、王玥、陳俞霏等，非常熱鬧。四子先以包括多首黎明快歌的 90 年代廣東歌 Dance Medley 炒熱全場氣氛，觀眾即時站起來陪他們又唱又跳。

中年好聲音2》的顏米羔、劉威煌、梁浩賢和甘永傑一起參與的《ZONE D FUNtas4ic 音樂會》

譚俊彥

台下星光熠熠

阿sa

四子先以包括多首黎明快歌的 90 年代廣東歌 Dance Medley 炒熱全場氣氛

之後便是他們四子各自的獨唱時間，劉威煌唱出「2001太空漫遊」、「 哪裡只得我共你」、「擦身情緣」和他自己的個人歌曲 Time；接着的梁浩賢先唱出他 01 年時的華星出道作「含蓄」，緊接的是「重新長大」、「你的男人」、「致明日的舞」，演繹「燕尾蝶」時劉威煌更和他一起合唱； 甘永傑則以一段夫子自道的棟篤唱去介紹自己，他先問大家會否知道他的花名是什麼？「那就係《乜水》，因為很多人經常在留言板上話我係《乜水》，我係參加「全球華人新秀歌曲大賽」後， 曾花了一段時間係娛樂圈工作，拍過廣告又係電影中客串，但風頭只係「一時」，但「無兩」，雖然係《中年好聲音2》嘅比賽中冇贏到任何獎項，但就贏咗今晚呢個演出機會。」；顏米羔在特設的燈光效果下先唱出「你的答案」、「娛樂人生」、「我的歌」，而最後他唱出名為「一首歌」的作品是米羔於樂隊時期的創作，首次在公開場合演繹。天氣點啊？thank之後又回復四子合體演出，有感性的「幸福之歌」，充滿動感的「龍珠二世」和「愛情當入樽」，他們唱「叮噹」時更走到台下和觀眾握手合照，接着四人各自說了一段非常感性的內心話，最後以一曲「我們」為全晚演出畫上完美句號。

顏米羔

甘永傑

劉威煌

最後以一曲「我們」為全晚演出畫上完美句號。

在接受媒體訪問時甘永傑說：「我13、4 歲嗰陣已經認識阿 Sa ，佢係我同學個朋友嘅同學，我返嚟參加《新秀》時，佢畀咗好多意見我，同埋其實我冇近視，都係佢叫我戴眼鏡畀啲造型大家睇，多謝佢為我改機票，其實佢今晚要飛，但怕個
騷睇得夜，又唔想咁趕，所以索性改第日嘅早機走。仲有要多謝丁生(丁子高)，係佢逼我參加《中2》比賽，否則我都唔會有機會做到呢個 show。」而梁浩然表示和譚俊彥一齊成長，一起度過人生高山低谷，他說：「我見證佢攞視帝，今晚我開騷佢梗係要嚟捧場。」劉威煌希望可以再開Part 2 ：「今次音樂會和一班兄弟玩，所以玩得特別開心，至於可會集合更多人齊開騷？」威煌笑言：「咁大家係個騷講嘢都講半日，唱歌都要唱8個鐘。」米羔則說：「今晚我們玩得開心，觀眾看得開心，真的很多謝大家入場對我們的支持。」

合照

完滿結束