何超儀爆與老公陳子聰家中「互照」 歌路不同拒夫婦檔上台

何超儀負傷上陣！

由AXA安盛贊助第一場《The Wild Ones Music Festival》昨晚（3月2日）順利完成，演出單位包括何超儀、Alan Po 布志綸 、 NoWhere Boys 、Dear Jane 、 LMF等等，超儀除了跟樂隊The UniBoys表演外，更邀請劉以達齊齊Jam歌，臨近尾聲亦與LMF同台演出，搞到全場數千「Band友」熱血沸騰！超儀呢日負傷上陣，笑言與陳子聰歌路不同，故未有同台演出：「我試過同佢唱過嘢，不過點解合作唔到，因為唔啱歌路。呢晚好多工作人員，佢都唔敢上台阻住大家嘅，但到聽晚就搵張棉胎冚住佢。依家我腳傷係我衰啦，要達哥代我行近台邊見吓觀眾。」

《The Wild Ones Music Festival 2024》昨晚（3月2日）炸爆西九竹翠公園，作為音樂節召集人的何超儀，Rock爆黑絲Look！

何超儀撐住拐杖一樣咁有型，分別同劉以達、樂隊LMF jam歌！

LMF壓軸出場。

LMF在Closing時介紹聽晚嘉賓有盧巧音，何超即話：「嘩呢個要X旗！」

超儀同陳子聰都有傷病在身，笑言在家中「互照」對方：「依家行唔到咪叫佢幫我斟杯水，其實我地好怪，佢怕熱我就怕凍，呢啲天氣佢仲話想開冷氣，我就偷偷開個暖氣，搞到佢瞓瞓吓成頭汗。」同場嘅Band壇老大劉以達大讚夠晒氣氛，盼Round 2再玩過：「係唔夠喉，聽晚我嚟撐場咋，唔好霸住個舞台，下次搵多啲Band嚟玩，都有好多未邀請。」

然後LMF再講：「仲有近排好多是非嘅ToNick。」笑爆全場！

昨晚陣容強勁，其他表演單位包括有Alan布志綸。

NoWhereBoys

而Dear Jane主音Tim自爆受傷，將接受手術治療：「因為照完X光話一定要做手術，工作有少少阻礙啦，但經理人幫我安排高椅坐定定，希望快啲好翻可以喺台行吓，計劃2025年出道20周年開個大Party。」

Dear Jane

吳彥祖亦有現身捧場。

8月20日公開發售。

Dear Jane自2006年出道以來，搖滾式情歌一直深受樂迷愛戴，明年踏入成軍20週年，Dear Jane繼推出新歌《多謝你自己》提醒未來要繼續保持熱血外，宣布將於9月28及29日，在倫敦人綜藝館舉行由棋人娛樂主辦《Dear Jane Live at The Londoner》。演唱會上，Dear Jane將首次聯弦樂團、敲擊樂等樂器演出，門票將於8月16日（明天）10時起在BOOKYAY優先訂票，8月20日於金光票務、大麥網及貓眼公開發售。

Dear Jane慶祝成軍20週年。

成軍邁向20週年，Dear Jane的4位成員Tim、Howie、Jackal及Nice本身完全沒有概念，是年初一個訪問被記者突然問到20週年慶祝活動，四子互望後才突然醒覺；並啟動了Dear Jane20週年慶祝企劃籌備，而其中不能少項目自然包括出碟、開演唱會，Howie及Tim齊道：「唔驚唔覺就廿年，證明大家一齊好開心！廿週年會出一隻破格冇精選歌、全部新歌嘅大碟外，嚟緊下月28及29日嘅澳門演唱會應該算係kick off 20週年序章，我哋都好期待！」

9月聯乘弦樂與敲擊澳門開演唱會。

與粉絲同訂下「九月之約」！

一連兩場《Dear Jane Live at The Londoner》將在倫敦人綜藝館舉行，配合場地設計，四子已鎖定演唱會將首次以樂隊crossover弦樂、敲擊演出，達至音樂共融Tim 說：「睇完場地後，好喜歡倫敦人綜藝館嘅氣氛，特別係舞台嘅延伸，可以令演唱加設不同原素、擺放不同樂器，所以今次兩場澳門演唱會，我哋會加強樂隊聯乘不同樂器，包括弦樂、敲等等。我哋好多歌編曲上其實都有弦樂，今次係一個幾好伸延樂隊與弦樂嘅機會，出嚟應該會好特別，算係一次為澳門期間限定的演唱會。」Jackal補充今次樂隊與不同樂器聯乘，變相會更突顯了live部分，所以歌單上會有部分的歌專為與歌迷大合唱而設，以做到台上台下共融共樂，現場氣氛一定很震撼。

另外，今次澳門演唱會將作為20週年團慶序章外，Dear Jane透露還有一個深層意義，事關Dear Jane每次到澳門做騷，澳門的熱情氣氛都令他們非常難忘，其中去年9月在澳門舉辦演唱會後，主辦看到台下fans的熱情便有個超正建議，Tim說：「主辦話五月天有『五月之約』，不如Dear Jane同fans都嚟個『九月之約』，咁橋一年後下個月就係九月，我哋又真係返到澳門開騷，如果每年九月，Dear Jane同fans大家互相見吓面，『九月之約』係一定要做嘅事。」下月28及29日Dear Jane與大家首個「九月之約」， 約定大家倫敦人綜藝館見！

四子已鎖定演唱會將首次以樂隊crossover弦樂、敲擊演出。

演唱會詳資料如下：

《Dear Jane Live at The Londoner》
主辦單位：棋人娛樂
協辦單位：光尚娛樂、福樂至寶、小金鹿娛樂
日期及時間：2024年9月28日（六）晚上八時
2024年9月29日（日）晚上七時
地點：倫敦人綜藝館
票價：HKD/MOP $1388，$1088，$788，$588
優先訂票日期及時間：2024年8月16日 早上10時起
優先票務網站：BOOKYAY https://www.bookyay.com
公開售票日期：2024年8月20日
公開發售票務網站：金光票務 https://m.cotaiticketing.com
更多關於演唱會公布：https://www.chessman.com