《再見‧枕邊人》李芷晴性感登場騷驕人身材 羅天宇半裸騷結實腹肌 黃智雯奉旨捽胸

李芷晴劇中造型性感艷麗！

由廖晉碩監製、林麗媚擔任編審的《再見‧枕邊人》，逢周一至五晚八點半翡翠台播映，主要演員包括馬德鐘、黃智雯、張曦雯、羅天宇、徐榮、鄭俊弘、尹詩沛及杜燕歌等。

李芷晴昨晚性感登場！

羅天宇半裸騷結實胸肌兼腹肌！

昨晚（4日）劇情講述朱善美（張曦雯飾）約顧晴天（黃智雯飾）商討輪流照顧志騫（劉宸熙飾）的方案，陷入桃色醜聞的已婚名模Janey G（李芷晴飾）為向任公關的善美展開報復，利用社團頭目大Mike哥手下陳晉久（麥秋成飾）擄走兩女，欲拍善美「閃卡」！另邊廂，善美與晴天被禁錮，為撞跌櫃上的玻璃瓶以作鬆綁之用，兩女不惜扮鬥嘴掩飾撞櫃聲音，鬥嘴過程愈吵愈激烈，內容句句勁有骨，疑幻似真：「嗰個女人你惹返嚟，你死你事，我仲有個仔㗎！」、「你都揼低個仔7年啦，依家返嚟做咩呀？」、「咁即係你唔想我返嚟啦！？」、「我想過番原本嘅生活。」、「我都想攞番原本個家庭呀！」、「呢個家庭已經唔係屬於你。」、「係因為你搶走咗嘛！」、「我使搶？係屬於我㗎，依家你先係第三者呀！」

朱善美（張曦雯飾）與顧晴天（黃智雯飾）被社團小頭目陳晉久（麥秋成飾）擄走。

李芷晴飾演已婚名模Janey G，劇中造型性感艷麗！

朱善美得罪Janey G。

aney G利用陳晉久擄走朱善美同顧晴天。

演活「富商殺手」 大讚鄭啟泰係好前輩
李芷晴雖然僅出場不夠三分鐘，即成為整晚焦點，甫出場以低胸西裝造型亮相，擁有好身材的芷晴將驕人優點表露無遺，更大騷白滑修長美腿，難怪在劇中成為「富商殺手」，甚至連社團頭目也成功被收服。芷晴坦言角色造型比想像中性感，拍攝前刻意節食，務求以最佳效果上鏡：「其實我平時係一個好懶做運動嘅人，多數都係靠控制飲食去減肥，之前試過用番薯做主要嘅澱粉質，亦都試過用一個來自台灣嘅西柚餐，每餐都配合半個西柚，盡量減少食澱粉質，食多啲蛋白質同埋菜。不過我覺得最好嘅減肥方法，一定要係持之以恆嘅方法，唔可以逼得自己太緊，有陣時都要畀cheat day自己，如果唔係好容易會反彈。」

朱善美同顧晴天鬥嘴，句句有骨寸到入肉！

金長勝（羅天宇飾）得悉陳晉久擄走晴天，即找晉久當面對質。

長勝被晉久喺胸口位置打咗三拳，以作放人條件。

今晚（5日）一集李芷晴將與鄭啟泰上演車廂激吻戲，她分享與對方合作的感受，大讚對方是一位親切好前輩：「本身同泰哥合作過幾次，都覺得佢係一個好親切、好好嘅前輩。佢會分享好多佢嘅經歷畀我哋聽，見到我哋新人比較緊張，都會盡量同我哋傾多啲偈，放鬆心情，所以拍攝嘅時候都好順利。」

長勝硬食三拳胸口瘀晒，晴天幫忙捽跌打酒。

羅天宇參考麻甩老友學粗魯
另邊廂，金長勝（羅天宇飾）得悉晴天被擄，聯想到是昔日兄弟晉久所為，即找晉久當面對質，並被對方在胸口打下三拳以作放人條件。硬食三拳的長勝半裸上陣，獲晴天以跌打酒捽心口，天宇在此場口大騷結實胸肌及腹肌，向劇迷大派福利，天宇受訪時笑言：「開鏡前冇收到要騷肌，所以冇刻意操。反而角色上，我搵咗身邊比較粗魯嘅朋友作參考，好多時小動作同語氣，都喺佢哋身上參考返嚟。」另外，天宇在劇中清唱陳奕迅名曲之一的《最佳損友》，牙刷當咪高峰，大展歌喉；值得留意的是，《再見‧枕邊人》片尾曲均由其夥拍吳若希主唱，天宇受訪時透露事前特意找歌唱老師練歌，認真有心。

羅天宇喺劇中清唱《最佳損友》，大展歌喉。

李芷晴今晚將與鄭啟泰上演車廂激吻戲！

Mandy化身成粉絲的「姨姨」，帶對方遊覽香港，為對方彌補遺憾。

一直夢想自主拍攝節目來宣揚正能量的黃智雯（Mandy），最近終於圓夢，宣布在YouTube頻道推出半真人Show節目，而早前她更為節目，特意在網上籌集有關夢想及勇氣等故事；繼早前播出「前傳」為Fans Leader慶祝生日實踐對方夢想後，昨日（12月23日）終於播出第一集，主題是「遺憾故事」，而Mandy為彌補主角——來自馬來西亞「阿恩」的「遺憾」，專誠帶對方落區「掃街」、影貼紙相、夾公仔，引來不少街坊圍觀，亦勾起Mandy的青蔥歲月回憶。

觀看相關影片按連結：https://youtu.be/r9j1VkM0th4

打頭陣，成為Mandy半真人Show節目主角的「阿恩」，是來自馬來西亞的Mandy粉絲，她在一個快樂的大家庭成長，與姨姨關係特別親密，阿恩有個心願，是自掏腰包帶姨姨出埠旅行吃喝玩樂，一直以來阿恩很努力儲錢，可是年初她卻突然收到姨姨患癌的消息，阿恩從沒有想過一直儲蓄的旅費，如今竟然變成了姨姨的醫藥費，最婉惜是幾個月後再見姨姨，已經是最後一次見面，之後姨姨就離開了。

Mandy YouTube頻道的半真人Show節目第一集主題是「遺憾故事」，主角是來自馬來西亞的Mandy粉絲「阿恩」，

阿恩遺憾未能帶姨姨旅行吃喝玩樂，Mandy在節目中，化身成阿恩姨姨，邀請對方來港旅行，Mandy帶阿恩遊覽香港，並落區體驗本地小食文化、街頭夾公仔、影貼紙相等，Mandy表示：「今集最令我動容係，原本阿恩將內心嘅悲傷情緒一直壓抑，直到拍攝尾段，佢終於打開心深處嘅情緒盒子，同我分享咗好多佢跟姨姨嘅生活點滴。雖然短短嘅行程，我未必能夠為佢彌補啲乜，但我希望能為佢嘅心靈帶來一點安慰同力量。」

Mandy在節目中，化身成阿恩姨姨，為對方彌補遺憾。

Mandy帶阿恩遊覽香港。

並落區體驗本地文化。

街頭夾公仔夾得好開心。

難得落區「掃街」，亦勾起Mandy中學時跟同學放學後無憂無慮在街篤魚蛋、食燒賣、影貼紙相的畫面，她說：「已經好多年未試過『掃街』，有種好親切嘅感覺，就是中學時嘅回憶，嗰時同幾個同學放學著住校服一齊行街，會去旺角中心、花園街篤魚蛋、食燒賣。」

落區「掃街」時，亦勾起Mandy的中學回憶。

落區「掃街」時，亦勾起Mandy的中學回憶。