Ash舉辦白色情人節派對！
從大馬來港的《全民造星V》十強參賽者盧信宥（Ash）宣傳新合唱歌，與好友鄧家杰互送禮物祝福對方，並於MV演出獻出個人的第一次。
盧信宥（Ash）
鄧家杰擔任嘉賓
Ash於商場內表演
跳唱炒熱氣氛
獲不少嘉賓撐場
Ash於將軍澳中心舉辦白色情人節派對及新歌MV首播會，找來同樣是《造星V》的鄧家杰、創作女歌手黃曦桃（TAOTAO）、新人黃梓僑和李雨青擔任嘉賓。活動上盧信宥和家杰互送情人節禮物，Ash送上女性睡衣，家杰送上保溫杯，Ash表示看到家杰緋聞雖然不知真假，希望他找到好的另一半照顧他，家杰知道Ash新年病了，同樣祝福他有人照顧。可是兩人工作的心超強，Ash在馬來西亞剛投資開設演藝學校，香港剛又推出新歌，兩邊地區都要兼顧，下半年更會推出自己作品。可能之前缺乏休息，個人免疫系統出現問題，之後會多加注意身體。家杰同樣滿肚大計，四月推出新歌MV跟Ash一樣有驚喜演出。
盧信宥新歌《我一個孤單空虛發覺夜漫長》與創作女歌手黃曦桃（TAOTAO）合唱，MV分三個不同故事，其中一個是Ash跟新人黃梓僑有BL情節演出，拍攝當日兩人初次見面就要表現溫馨整蛋糕，Ash大讚黃梓僑對鏡頭敏感，兩人演技大爆發很快完成拍攝。另外，TAOTAO要感謝造星節目粉絲的媽咪推介Ash給他合唱，初次見Ash就是在錄音室，已感受到他唱歌的力量。
將真實殯儀儀式搬上舞台！
由風車草劇團主辦，風車草黑心喜劇《Di-Dar音樂劇場》，於8月9日起於葵青劇院演藝廳公演，並於8月29日起移師香港演藝學院歌劇院繼續演出，劇團主腦梁祖堯、湯駿業（AhDee）、邵美君、將首度夥拍葛民輝、岑珈其、何洛瑤（Sica）、鄧家杰（KaKit）、杜曦駿（Larry）、胡麗英（Grace）及梁浩邦一同演出。
風車草黑心喜劇《Di-Dar音樂劇場》
風車草劇團主辦
葛民輝、梁祖堯
於8月9日起公演
葛民輝
為演出準備
即將公演
《Di-Dar》以面臨殺校邊緣的中學作為背景，並以殯儀業作為故事主軸，為了呈現殯儀業的真實一面，一班男演員特別去學習破地獄儀式，認真程度爆燈。早在撰寫《Di-Dar》劇本之時，負責編劇的梁祖堯已預定要寫一個跟殯儀有關的故事，他道：「一開始寫劇本已經知道要講中式殯儀，其中廣東殯儀裡面好多細節都好奧妙，今次有個殯儀顧問傑叔，佢教咗我哋好多嘢，知道細節後，發現原來每一樣嘢都有意思，例如轉18個圈係代表十八層地獄。」在劇中，阿祖飾演法科師傅，而劇情的瘋狂走向，更令原本是飾演中學校長的阿葛、劇中老鬼線的AhDee和珈其，還有後生線的KaKit和Larry都要參與破地獄的過程，而為了呈現當中的真實性，一班演員除了前往喪禮現場參觀破地獄的儀式，他們更認真地學起破地獄的每一個步驟。在《Di-Dar》加入破地獄環節完全是別有用心！阿祖道：「一來好想傳承呢個精神，想多啲人知呢個好傳統嘅儀式，二來我哋未做過，喺舞台上做破地獄，好似好勁，有火噴出嚟好似好好睇。」
將真實殯儀儀式搬上舞台
加入破地獄場面
風車草黑心喜劇《Di-Dar音樂劇場》
岑珈其、梁祖堯
過去大家都曾參與過一些喪禮，看到師傅們的破地獄過程，其中珈其最難忘的是小時候的經歷，他說：「自己一定有睇過破地獄，身邊總有屋企人過身時睇過。細個當表演睇，但屋企人會鬧，會叫我正經啲，唔好拍手。」AhDee則在今次跟隨顧問參觀時有很深感受，他說：「跟去睇人做破地獄，負責師傅喺度轉同噴火嗰下，唔知點解係激動，雖然先人我係唔識，但有一股感動湧出嚟。呢個設計，令到就算睇冇情感投放，都會撩動到大家嘅反應，傳統智慧好犀利。」阿葛則回想到過去拍電影時曾拍攝破地獄場面，他回憶道：「家人往生時，嗰種心情睇落去同珈其一樣，會俾家人話，燒嘢啦，好多嘢做緊，但拍電影《天才與白痴1997》嗰陣，許志安喺度破地獄，嗰陣我係坐蓮，坐喺蓮花上面，睇住啲人頌經、許志安破地獄，已經20幾年前，但感覺似一個表演，睇到好激動，而家仲記憶猶新。」
葛民輝
葛民輝
梁祖堯
風車草黑心喜劇《Di-Dar音樂劇場》
早前一眾演員第一次綵排破地獄儀式，但一試就知道難度極高，阿祖道：「最困難係穿步，我哋搞好耐，但傑叔本身做咗幾廿年，一嘢就做到。」阿葛也表示：「佢梗係簡單，行咗幾廿年，我都唔知點樣搞，佢做唔到慢嗰個版本俾我哋跟，好彩我哋有位高人AhDee，靠佢嘅法眼，洞悉成個局勢。」的而且確，AhDee拍下了傑叔的示範，然後慢慢拆解，看穿了當中的穿插竅門！AhDee解釋道：「我發現穿步有個pattern，我哋有5位師傅要穿，行好自己條path（路徑）就可以。開頭都擔心，因為自己都摸下摸下，亦唔知大家理解幾多，但大家好聰明，好快就get到晒。」其中珈其更是一聽就明，隨後更化身「助理編舞」，幫忙教導大家走位。
風車草黑心喜劇《Di-Dar音樂劇場》
劇團主腦梁祖堯
《Di-Dar》
《Di-Dar》
至於扮演法科師傅的阿祖在過程中更要擔演重要場口，包括自轉及在跨過小火盆前期間噴水，第一次綵排時過程也人一步一驚心。阿祖道：「頭先第一次試，傑叔都教咗我，話試過燒著件袍，同埋辣親大髀，所以我都驚驚地，特登著長褲，平時都係著短褲排戲因為太熱，頭先有啲驚，一噴落去，以前我以為噴酒，但原來噴水，就好似煲蠟，一噴落去，我感受到一股暖流，終於知道乜嘢叫做火燒後欄。雖然今日第一次試，但都值得。」
葛民輝
岑珈其、梁祖堯、葛民輝
劇團主腦梁祖堯
《Di-Dar》講述香港某一間面臨殺校邊緣的中學，財政緊絀，校長走投無路之下，決定弘揚中國文化，在學校硬推中樂，獲取巨大活動資助金吊命。學生反應未如理想，校長聯同訓導主任無計可施之下，決定學生加入中樂團就可換取大過變小過，小過變缺點的優惠。果然吸引到一班壞學生加入。一波未平一波又起，學校突然傳出鬧鬼傳聞，校工和女學生言之鑿鑿在校內撞鬼，為防止恐懼蔓延，校長唯有聘請法科師傅在校內舉行驅邪大會。法事進行，當打齋佬吹起又如號角一般響亮的啲打，竟然燃點起大家內心深處的表演魂。
