決賽前哨戰!8位歌手助力爭奪7強席位
歌唱真人騷《香港何濟公止痛退熱散呈獻:中年好聲音 2》,周日(17 日)晚9 點翡翠台播出,節目由車婉婉擔任主持。本集是最終樂章.第二回《決賽前哨戰!歌手助力賽!》,8強選手將聯乘8位歌手合唱,爭奪最終殺入決賽的7強名額,此回合繼續有肥媽、伍仲衡、 張佳添、周國豐和陳慧嫻擔任評審。今集出場名單如下,《一樣的月光》安雅希X林二汶、《Bad Boy》古淖文x谷婭溦 、《煩》劉威煌x彭家麗、《浮誇》顏米羔x吳業坤、《多得他》陳俞霏x王馨平、《我要我們在一起》黃劍文x林志美、《That’s why you go away》譚輝智x韋綺姍,以及《征服》沈宗賢x龔柯允。
點擊看圖輯
譚輝智與韋綺姍合唱《That’s why you go away》。
安雅希(右)與林二汶合唱《一樣的月光》。
雅希瘦咗唔少!
伍Sir話雅希瘦咗之後把聲都瘦埋。
佳添就話能量唔太夠。
「大魔王」安雅希與林二汶合唱《一樣的月光》,一紅一白造型上陣的兩人一唱一和非常合拍,雅希唱到尾段大晒功架飆高音,惟最近清減不少的她被批唱歌不夠氣,伍仲衡激動說:「減乜鬼肥啫,好明顯聽得出,人瘦咗把聲都瘦埋,感覺唔到我以前鍾意嘅安雅希,你睇吓二汶,佢把聲啲氣幾肥大!」肥媽說:「氣真係要練,唱歌唔係用喉嚨,係要用丹田。」張佳添則說:「如果識用丹田唱歌,肥同瘦其實係冇關係,但係減肥之後,能量可能會唔夠。」
譚輝智與韋綺姍合唱《That’s why you go away》。
輝智被笑指個樣似屙唔出屎。
周國豐(左)同張佳添真係有幻想力。
顏米羔(右)孖吳業坤合唱《浮誇》。
伍Sir話米羔啲假音太假。
「最強黑馬」譚輝智與韋綺姍(Rita)合唱《That’s why you go away》,輝智賽前坦言與Rita老師合作壓力大,但到正式比賽時,首度挑戰英文歌的輝智與Rita默契十足,唱出歌曲的傷痛感覺,周國豐笑言:「你雖然做到個痛苦表情,但你個樣畀我聯想到去廁所去唔到個表情!」張佳添說:「呢首歌除咗係英文之外,其實冇乜嘢可以畀到你發揮,你有嘗試用感情去push自己突破框框,但無奈做到有少少急屎嘅感覺!」伍仲衡則笑言:「輝智你做漏咗樣嘢,你要錫Rita老師一啖,你有冇睇吳大強舊年咀咗佢一嘢?」非常搞笑。
古淖文(右)、谷婭溦
劉威煌(左)、彭家麗
陳俞霏(右)、王馨平
伍仲衡教你Define假音
顏米羔孖住吳業坤挑戰高難度的《浮誇》,兩人一爆一靜擦出不一樣的火花,雖然米羔的演出充滿激情,惟他的假音被批出事,張佳添說:「呢首歌係啱米羔唱嘅,但你要練多少少假聲、換氣,呢首歌係超高難度。」伍仲衡則直言:「聽得出你啲假音太假,真正嘅假音係假得嚟真,輕得嚟重,無力得嚟有力,你可能要研究點唱假音!」想知道哪七位選手能殺入決賽?密切留意周日晚播出的《中年好聲音2》。
黃劍文(右)、林志美
沈宗賢(右)、龔柯允
冧爆拉姑啦~
堪輿學家麥玲玲帶領倪嘉雯(Carmen)、蔡景行(行仔)、施焯日(Arthur)主持的清談節目《玲玲友情報》,逢周六晚8點TVB Plus(82台)播映。今晚(9月28日)一集主題為「中年好新人」,嘉賓為歌手譚輝智。
今晚嘉賓是《中年2》歌手譚輝智。
今晚嘉賓是《中年2》歌手譚輝智。
現年40歲的譚輝智去年參加《中年好聲音2》贏得亞軍,憑美妙歌聲獲得一班歌迷支持。同時成立歌迷會,並舉行演唱會,人氣旺盛成為新一代「師奶殺手」。而最為人津津樂道的,是他其中一位超級粉絲,是謝霆鋒媽咪拉姑狄波拉。拉姑差不多出席偶像所有活動,同時擔任歌迷會永遠榮譽會長。
譚輝智贏出《中年2》未幾即舉行個人演唱會。
譚輝智人氣一直高企。
拉姑是譚輝智歌迷會永遠榮譽會長。
譚輝智於節目中親述跟拉姑結緣經過,話說有趟他出席金牌經理人陳淑芬的生日答謝晚宴,拉姑亦有在場,他說︰「嗰時場合好grand,人人都suit up、好端莊。無端端有個人喺後面大嗌我,嗰時都尷尬,心諗邊個呢。一擰轉面見到狄波拉,又唔肯定係咪佢,佢望鬼住我係度揮手。」資深傳媒人汪曼玲事後在網上爆料,早在譚輝智參賽時,拉姑已非常欣賞對方,又透露「他比賽唱歌的片段,可以重覆睇3、40次」。之後拉姑不單出席譚輝智的演唱會,更帶他出席囝囝謝霆鋒的電影首映禮。拉姑曾欣賞對方的理由簡單而直接︰「因為佢係譚輝智,佢把聲好聽囉。」
譚輝智讚拉姑是心目中女神。
譚輝智讚拉姑是心目中女神。
玲玲師傅分析譚輝智受中年女性歡迎的原因,是親切中帶陣靦腆,她說︰「傻傻地,有少少怕醜似粵語片年代靚仔,中年女性好鍾意。」又為他冠上「新‧師奶殺手」稱號,但即時被譚輝智更正說︰「我唔覺得佢(拉姑)係師奶喎,佢係我女神嚟喎。」急才獲在場幾位主持拍手認同,玲玲師傅更讚譚輝智「有兩度」。譚輝智自爆是怕醜仔一名,入圍後曾想過退出,他笑說︰「去到見到古淖文咁鬼靚仔,都唔係中年樣嘅,又驚畀人睇到輸咗好樣衰。」
譚輝智參賽時見到古淖文時,想過退賽。
譚輝智參賽時見到古淖文時,想過退賽。
現場工作人員列出「師奶殺手」要具備的條件。
此外,玲玲師傅提到跟譚輝智有過美麗的誤會,有趟她跟一班高層晚飯時,席間有人講起欠了一身演唱會門票債,不知如何解決時,玲玲師傅自告奮勇說︰「鄭秀文演唱會我仲有剩少少......」卻不知所講的是譚輝智的門票,玲玲師傅直言當時才知譚輝智演唱會一票難求,笑言「難買過Sammi演唱會。」
玲玲師傳笑言譚輝智演唱會一票難求。