再見‧枕邊人丨黃智雯毛巾蔽體與羅天宇上演「韓式壁咚」 尹詩沛首度登場「刀鋸美人」神秘現身

Mandy爆天宇勁怕醜：「見到佢面紅耳熱就好搞笑！」

由廖晉碩監製、林麗媚擔任編審的《再見‧枕邊人》，逢周一至五晚八點半翡翠台播映，主要演員包括馬德鐘、黃智雯、張曦雯、羅天宇、徐榮、鄭俊弘、尹詩沛及杜燕歌等。

金長勝（羅天宇飾）衝入浴室英雄救美！

與晴天（黃智雯飾）上演「韓式壁咚」，睇到令人臉紅心跳！

播了二十集的《再見‧枕邊人》下周將踏入結局周，更掀起誰是推顧晴天（黃智雯Mandy飾）落懸崖真兇競猜熱潮。除了劇情夠追看性，男女主角的感情線互動亦成為網民焦點，尤其火花兼趣味十足的「晴勝CP」更深受觀眾喜愛，昨晚（22日）一集「晴勝CP」終於上演一場令人臉紅心跳的「韓式壁咚」場口，可惜滿滿的粉紅氣泡最後遭打斷，長勝（羅天宇飾）最終示愛失敗！

尹詩沛飾演嘅韓晨曦首度登場，神秘現身於志騫（劉宸熙飾）生日會。

晨曦對楊萬森（馬德鐘飾）充滿敵意。

認為楊萬森就係令晴天失蹤嘅罪魁禍首！

踢爆天宇拍親熱戲怕醜又緊張
劇情講述晴天洗澡時巧遇大廈停電，老鼠「摸黑」出沒，嚇到晴天大叫，長勝聽到即man爆衝入浴室英雄救美，抱住僅以毛巾蔽體的晴天到床上，二人四目交投火花四濺，長勝更脫下外套給晴天披著，一如既往盡顯紳士風度。原本在晴天沖涼期間已盤算開口向晴天表白的長勝更準備「將錯就錯」表白，可惜在氣氛正好之際，保安叔叔突然登門，表白計劃暫時受阻。談及相關場口，Mandy踢爆羅天宇怕醜又緊張：「我知天宇比較怕醜，所以我會主動啲，去令佢安心，唔需要擔心、唔需要驚。我哋係非常專業，度好晒位去拍呢啲場口，但見到佢面紅耳熱就覺得好搞笑！」

晴天沖涼慘遇停電之餘，仲被老鼠嚇親！

長勝抱住僅以毛巾蔽體嘅晴天返上床，成就咗呢一幕「韓式壁咚」。

晴天推開長勝後，長勝發動攻勢欲向晴天表白，點知被保安叔叔打斷。

晴天推開長勝後，長勝發動攻勢欲向晴天表白，點知被保安叔叔打斷。

另邊廂千呼萬喚首度登場的尹詩沛，在劇中飾演晴天失憶前好友「韓晨曦」，在長勝安排下以「刀鋸美人」形式現身志騫（劉宸熙飾）生日會，更以宣戰口脗向楊萬森說：「我返嚟為咗見晴天，為咗唔再畀人傷害佢。」晨曦認定晴天七年前失蹤與萬森有關，之後更將晴天失蹤前寄給她的指紋USB物歸原主，晴天發現內裡除有「大細凌生」凌頌恆（張國強飾）和凌振聲Alex （鄭俊弘飾）的照片外，還有一篇小敏（區明妙飾）死訊的報道，小敏的死明顯跟凌氏兩父子有莫大關係！據知詩沛是次演出甚有突破，在官方大合照劇照及海報中，亦處處可見其身影，足證角色舉足輕重。昨晚，原本看似人畜無害的晨曦，當見到老公（周志康飾）後，神色一度有異，相當有可疑，到底晨曦回歸是真的想幫晴天、還是另有居心？密切留意下星期結局周的《再見‧枕邊人》。

原來當年晴天失蹤前，寄過一隻指紋USB畀晨曦保管，裡面存放咗凌姓兩父子嘅相，同埋小敏一篇報道。

楊萬森查出小敏原來係長勝妹妹。

羅天宇被追擊對婚姻有冇憧憬 ！

一共十集的《香港婚後事》逢周四及周五晚十點半翡翠台播映，節目主持為陳自瑤（Yoyo）、賴慰玲（Winki）、黎諾懿及羅天宇，今晚（9日）播出的第5集嘉賓是圈中恩愛夫妻單立文（豹哥）和胡蓓蔚（豹嫂），兩夫婦在節目中不時打打鬧鬧互相開玩笑，甜蜜互動盡顯默契，當中豹哥大晒幽默本色瘋狂答非所問，激到一班主持紮紮跳，氣氛歡愉！

今集嘉賓係單立文（左4）、胡蓓蔚（左3）夫婦。

單立文大晒幽默本色，經常問非所答，笑到大家碌晒地。

單立文、胡蓓蔚瘋狂打打鬧鬧互相開玩笑，呢個就係佢哋相處之道。

相愛28年的豹哥、豹嫂恩愛如昔，身為「單身狗」的羅天宇請教兩人愛情保鮮法，豹哥大拋婚姻哲理：「婚姻係兩個人三唔識七喺埋一齊，之後產生一種化學作用叫愛情，之後到你Commit要照顧一生一世，講就易囉，當你途中遇到咁多嘢嗰陣，你個心會唔會動搖？會唔會想放棄？你要重拾正軌去鞏固番個婚姻，係好艱難，一段婚姻共富貴係好容易，共患難就唔容易。」豹嫂則指最近因一事令她有新的領悟：「最近我激親我老公，激到佢睇醫生，原本係好小事，但大家喺度互頂，佢話：『你收聲！』我話：『我好冷靜，你有咩資格叫我收聲，我做咩要收聲，我依家叫你收聲！』之後佢個胃就唔舒服，個肚好多氣，Gur咗幾日，跟住佢去睇醫生，食咗兩個月胃藥。」豹哥笑言：「佢依家好似好輕描淡寫，但當刻係好挑釁！」豹嫂自認性格比較直和倔，經此一役後學識對老公要溫柔一點。

胡蓓蔚話最近激到老公睇醫生，佢仲重演當時嘅情景。

單立文谷到成肚氣，搞到食足2個月胃藥。

單立文覺得結婚只係一場儀式，係做畀長輩同埋朋友睇。

豹哥、豹嫂拍拖12年後才走進婚姻的殿堂，問到他們當時為何想結婚時？豹嫂坦言：「係我同佢講結婚嘅，當時好多朋友都係做藝術方面嘅工作，佢哋話結婚生仔冇可能，點知一講完佢哋就結咗婚，之後再生咗兩個小朋友。之後我去探我個朋友，佢好語重心長同我講，其實你哋都要諗諗係咪要結婚，之後我返到屋企，我就話邊個話我哋係咪要結婚呢，佢聽完之後就話好呀。」豹哥則認為：「我覺得結婚唔係一件大不了嘅事，簽一張紙就代表你一生一世愛呢個人咩？唔係吖嘛，呢個形式係做畀啲老人家睇，或者係做畀朋友睇，係一場大龍鳳嚟。」談到千年難解的婆媳關係，豹嫂大讚奶奶非常開明，從來都不會給她壓力。

單立文重提拍三級片嘅過去。

「西門慶專業戶」單立文冇後悔拍過愛情動作片，覺得接咗個角色就要做到最好。

講到豹哥，不得不提他的外號「西門慶專業戶」，豹哥更大方分享拍過三級片的過去：「蔡瀾當初簽咗我三部（電影），佢話第一套冇嘢㗎，係個書生喺度打啲妖咁，Lur住帶過咁囉。」豹哥坦言沒有後悔過拍愛情動作片：「如果你應承要做，你就要努力做好佢。」豹哥更雲淡風輕拋下一句：「都係歷史人物啫，冇咩大不了！」相當瀟灑。節目尾聲，豹哥矛頭直指有「女神收割機」之稱的羅天宇身上，追問他對婚姻有沒有憧憬，天宇還會在節目中公開對被封為「女神收割機」的感受。想知道天宇有甚麼睇法？密切留言今晚播出的《香港婚後事》。

單立文轉移攻擊有「女神收割機」之稱嘅羅天宇！

單立文轉移攻擊有「女神收割機」之稱嘅羅天宇！

羅天宇公開剖白被封「女神收割機」嘅感受。