張繼聰性感過謝安琪。
憑藉其主演電影《4拍4家族》入圍香港電影金像獎最佳女主角及最佳原創電影歌曲的謝安琪，今日（14日）以全黑裙與老公張繼聰行紅地毯，阿Kay自認衣著無睇頭，反而老公張繼聰Deep V搶鏡，Kay直言﹕「我幫佢揀呢套衫嘅時候無留意到。」。
點擊看圖輯
張繼聰指今日嚟食花生，亦是頒獎嘉賓之一（本網記者攝）
《4拍4家族》劇照
今年沒有提名的張繼聰搞笑地說今日嚟食花生，不宜太搶鏡，又說穿著Deep V是因應今日天氣又濕又熱。被問及仔仔囡囡會點樣支持，Kay和張繼聰指，今年座位非常少，因此他們會在電視機前打氣。
仔仔囡囡電視機前支持媽咪
張繼聰仲性感過老婆 （本網記者攝）
Kay揀了一件較低調嘅裙（本網記者攝）
今年所提名的公5位最佳女主角都是新一代演員，因此Kay指有提名已非常開心，而張繼聰指老婆會處之泰然。
張繼聰指今日嚟食花生，亦是頒獎嘉賓之一（本網記者攝）
而Kay則指有提名己非常開心（本網記者攝）
《裡應外合》未上映已獲國際級影展關注！
由《盜月者》賣座導演袁劍偉領軍，身兼監製、導演及編劇，張繼聰、楊天宇及馬思惠領銜主演，周家怡、余安安、藍靖、莊鍶敏，高戰及張娜聯合演出之英皇電影《裡應外合》宣布將於10月26日（星期六）上映。
楊天宇為角色操肌。（《裡應外合》海報）
《裡應外合》未上映已獲國際級影展關注，先後獲邀參加第23屆紐約亞洲電影節，並先行於七月舉行全球矚目首映，主演之一楊天宇早前更親身飛往紐約現身首映。而好消息一浪接一浪，電影再度獲邀參與享譽全球最大奇幻影展之名的西班牙錫切斯奇幻電影節，更勇闖影展競賽部份之全景單元，於節期之中舉行歐洲首映。
對於電影正式定檔，主演張繼聰大呼興奮：「心情好興奮，因為大家都為呢部戲花咗好多努力，同埋係我比較少接觸嘅角色，拍嘅時候大家都好認真，所以都相當期待。阿聰更表示拍攝《裡應外合》動作場面時難免受傷，他透露：「比較文戲，我今次更想挑戰動作，所以花咗好多時間準備。最難忘拍攝時候受傷，喺一個傷患嘅狀態下拍攝，所以好多謝劇組嘅體諒同遷就。對我自己都係一個好好嘅經驗，忍住痛去完成整個拍攝，幸好出嚟效果好好，今次經驗令自己更加強大。
《裡應外合》劇照
而首度榮升男主角的楊天宇（Angus）得知《裡應外合》將會上映，坦言既興奮又緊張：「心情興奮得來，亦都有少少複雜。始終今次擔任比較重要嘅角色，顧慮嘅嘢會比以往多咗，譬如觀眾對於呢一齣戲嘅反應等等。因為我認為表演係一種「遺憾藝術」。當日你認為自己做得最好，但係過咗一個星期之後，你再思考返，又有可能諗到更好嘅方法去演繹嗰一場戲，更何況呢一套戲係兩三年前拍攝。但係更多於壓力嘅係感恩！我係抱着好感恩嘅心有機會參與呢部電影，亦都會將喺呢部電影所吸收到嘅嘢發揮喺未來嘅作品入面。」
《裡應外合》劇照
提到今次首次與Angus 楊天宇在電影上交流演出，阿聰對其大表欣賞：「我覺得楊天宇係一個好認真、好努力嘅演員，呢部戲佢都好辛苦，所以好戥佢高興，可以喺大銀幕俾觀眾見到佢嘅努力。
《裡應外合》劇照
有別於一般劇情片，《裡應外合》開拍以來一直保持神秘感，有見落實映期，劇情首度公佈一條30秒概念影片，簡單描述電影獨有的世界觀－正常的世界下面，有一個潛藏江湖，而江湖有江湖的規鉅，而所有人都盡力保持平𧗾，唯獨「火龍」破壞盡所有規矩，他太大野心，他要話事，建立自己一套規矩。雖然這條概念影片未有任何真實的演員出現，卻建構起電影獨有的意識及狀態，相當引人入勝。
楊天宇、馬思惠（《裡應外合》劇照）
余安安、周家怡（《裡應外合》劇照）
