方健儀京都目擊有團體客「伸手猛力搖晃櫻花樹」 行為缺德引網民激憤

方健儀上載短片：「請花28秒睇睇呢條賞櫻缺德片段。」

前主播方健儀日前與老公到京都旅行時，並曬出多張打卡的相片來分享旅遊的愉悅心情。15日突然曬出一段影片，透露自己意外目擊有團體客「伸手猛力搖晃櫻花樹」，該行為引起網民激憤：「太自私了」。

方健儀分享不少日本櫻花靚相

近日與老公到京都賞櫻花

同櫻花打卡

好靚！

同櫻花打卡

方健儀透露自己已經返港近一個星期，分享了許多日本櫻花的相片，但其實並不是每一刻都那麼美好，在IG上載短片：「請花28秒睇睇呢條賞櫻缺德片段。」她表示與老公於酒店餐廳用餐時，透過玻璃窗目擊到見到一群男女為拍下櫻吹雪美景，竟出手猛力搖晃櫻花樹枝，令花瓣落下：「呢班人冇收手，再搖、三搖、四搖、五搖，chok到樹枝都散，棵櫻花好慘好慘」。不少網民都留言直指搖晃極無公德心：「有冇搞錯⋯⋯自私得可怕」、「自私的人，為求達到自己少少目的，不惜破壞人家創造的美好環境」、「離晒大譜！應該嚴禁佢地入境啦！」

瘋狂搖樹

行為冇公德心！

遭網民鬧爆！

方健儀透露訪談頻道會好似方東昇咁樣「尋人」。

方健儀日前出席本地護膚品牌「日月星辰」發布會，分享使用品牌心得。她笑指「全職炒散」即將十周年，護膚、美容比當年做主播更為着緊：「以前淨係掛住報新聞，邊有時間護膚？反而自由身後有時間『錫』吓自己啲皮膚，仲不時有客戶贊助，靚咗之餘仲慳翻唔少添！」

方健儀日前出席本地護膚品牌發布會。

又即場分享使用品牌心得。

雖然自由身工作，但方健儀比以前更忙碌，諗頭多多嘅佢仲預告「大茶飯」：「嚟緊我會做新嘅訪談頻道，要觀眾睇完有激勵、鼓勵作用嘅，嘉賓會以大家熟悉為主， 依家好似方東昇咁樣『尋人』，希望搵到好嘅嘉賓同大家見面。」

方健儀預告有「大茶飯」。

提到「自由身」十周年，方健儀仲搞聚會同支持者見面：「啱啱我都搞咗個『網友聚會」，我唔敢講係『粉絲』，因為我唔係一個偶像，亦唔想同佢哋有高低之分，大家聚埋一齊整烏冬，成個氣氛真係好開心，老友記、年青人都參加，其實我一直對搞呢啲活動都冇乜信心，但係原來老、中、青嘅觀眾都比到啲信心我，所以決定用『真身』同大家交流。」

方健儀近日舉行聚會同支持者見面。

方健儀感謝老、中、青的觀眾給矛她信心，所以決定用「真身」現身同大家交流。