Mayanne小喇叭 | 袁偉豪舉手自認唔襟撈 吳若希親揭「公審」老公真相咪咪姐都睇唔過眼？

4大嘉賓鬥數「襟撈」三大型男當中一人更是國際級知名人士！

清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，19日10點半翡翠台播映最後一集。Mayanne邀來林盛斌（Bob）、朱咪咪、吳若希及袁偉豪（Ben）擔任嘉賓，大談「襟撈」定義兼八卦地狂數三名「襟撈」型男，分別是郭富城、碧咸及陳豪！事緣阿Bob談到「願意合照」是藝人襟撈其中一個準則時，Mayanne興奮地大談與碧咸的一次同台經歷：「當時我做MC，安排緊啲客同碧咸影相，佢就擰轉頭同我講『Would you like a photo as well？』」隨即引發全場尖叫，城城則獲阿Bob點名讚「合照來者不拒」。阿Bob又謂「願意合照」其實是藝人絕佳公關：「嗰個人搵你影相，係因為佢鍾意你，佢咁同你影第一佢好開心，第二可能放社交平台讚吓你。」阿Bob續指農夫亦相當識做：「有時面對一啲新人或業餘主持人，佢哋上台前會問製作單位位主持叫咩名，上到台就會叫嗰個人個名，個主持人就覺得受尊重。」即場被票選為「襟撈」代表的阿Bob及咪咪姐，更大方分享演藝界「襟撈」金科玉律，密切留意。

最後一集嘉賓有吳若希、袁偉豪

朱咪咪同林盛斌

Mayanne講番當年碧咸主動問佢使唔使合照時，吳若希瘋狂尖叫。

袁偉豪成功過渡看淡負評：最好唔好講嘢

至於被即場票選為「唔襟撈」代表的吳若希，及舉手自認唔襟撈的阿Ben，亦先後獲機會「自辯」。其中自與太太張寶兒結婚後飽受不少負評的阿Ben，直認當初確實介意，但現在已看化：「我覺得你可以有自己睇法，但最好唔好講嘢，唔好喺網上表達自己意見，就算好簡單講句『我唔鍾意』，每個人接收你嗰句唔鍾意都有唔同睇法。」、「其實普遍大部分觀眾都唔認識我，同時仲會對我多咗個睇法，自己喺工作上努力咗咁多年會覺得唔抵；為頭家點點點，到頭來都有網民對你有另外睇法。當然嗰個係一個階段，呢刻你問番我，人生其實幾咁美好，生咗小朋友又可以同小朋友玩，亦冇咁在乎得失同人哋評價，咁其實就冇嘢。」阿Ben說畢，Mayanne及現場嘉賓即爭相指他放鬆了不少，對此阿Ben搞笑謂：「如果咁都唔鬆，真係唔使再撈喇！」

對於網民嘅聲音，袁偉豪明顯睇淡咗好多。

吳若希親解頒獎禮Over舉動背後真相

四位嘉賓還大派花生，Mayanne重提吳若希當年在《勁歌金曲》頒獎禮中，當宣布菊梓喬獲得女歌手獎時，如何overreact令全場爆尷的往事：「我喺個台度心諗：『吳若希你收斂少少好冇呀？你興奮過得獎嗰個，唔該你坐番低啦！」』吳若希即解畫謂：「因為我好緊張，當刻我心諗我未夠班，千祈唔好頒畀我呀，我攞咗又要畀人鬧喇。」Mayanne續指當時大會司儀都在台上盤數如何為吳若希打圓場，咪咪姐聞言即搞笑搭嗲：「點兜啫，做到咁出面！」Mayanne繼續「針對」若希謂：「我成日懷疑點解佢仲喺呢行，佢成日辣著網民，我同佢影合照放社交平台，啲人會喺我度留言問我點解仲同呢個人做朋友。」並指若希出事原因是經常「公審」老公，咪咪姐聞言勁驚訝：「呢啲私隱做乜擺上網？」到底自封「小辣椒」的吳若希會點樣回應？

對於吳若希喺網絡「公審」老公，咪咪姐大表費解。

咁到底吳若希會點回應？

Mayanne重演番吳若希當年喺頒獎禮失態一幕。

吳若希就解釋番當時嘅心情。

至於阿Bob的大型花生，就是當Mayanne問他接Job有沒有底線時，他揞名爆曾推掉一部三級片，隨即惹起哄動，阿Bob更會娓娓道來當時推卻邀約的真相！之後若希追問：「如果搵你好似黎諾懿要露半個pat pat呢？」阿Bob竟爽快以五個字答案回應，到底又是甚麼？另阿Bob還親述曾親自回應網民負評的往事，最終成功將嬲到爆粗留言的網民最後變成留言為阿Bob打氣，打底阿Bob如何以奇招化解戾氣？密切留意今晚最後一集《Mayanne小喇叭》。

阿Bob一講話曾經有人搵佢拍三級片，震撼到Mayanne即刻企起身。

吳若希追問林盛斌裸露底線，阿Bob個答案當然絕啜核啦。

吳若希追問林盛斌裸露底線，阿Bob個答案當然絕啜核啦。

阿Bob講番當年同細細粒嘅激烈親熱戲時，一度嚇親咪咪姐。

對付負評，阿Bob有自己一套嘅應對方法。

呢一集曾展望會為自己一件好唔識撈嘅往事公開道歉，到底咩事咁大件事？

吳若希自封「呢個應該係吳若希出道以嚟最樣衰嘅造型」！

由林瑋澄監製、黎倩儀編審的無綫新劇《奔跑吧！勇敢的女人們》（以下簡稱《奔跑吧！》），逢周一至五晚八點半翡翠台播映，主要演員有蕭正楠、吳若希、朱敏瀚、賴慰玲、鄧智堅、何遠東、唐嘉麟、黃瀅仴及張詩欣等。

今晚一集嘅精彩畫面預告，大家留意吓啲表情，就知道Jinny有幾大犧牲架喇，證明佢份人為咗搞笑真係完全冇包袱，讚！

尋晚Jinny練舞嗰陣，都好搞笑。

呢位特約演員，都好投入吓喎。

吳若希「唐老鴨」上身再創扮聲經典？
之前憑《香港人在北京》的搞笑演出贏盡焦點、尤其變聲上《東張》一幕吸獲不少好評的吳若希（Jinny），昨晚在《奔跑吧！》再度大晒搞笑功力，除徹底拋下女藝人包袱狂做醜怪樣兼「唐老鴨」上身玩變聲，更不惜戴上娘爆金色假髮、身穿超老土懷舊造型大跳「殭屍style大媽舞」！據知，今晚將有Jinny「娘爆大媽舞」full version在新一集中播出，除了舞步夠騎呢、戲中戲的廣告歌曲亦相當洗腦，絕對無負Jinny「洗腦天后」封號。

呢場戲咁搞笑，謝可逸都應記一功，仲有造型師。

嗰吓反眼贏咗。

嗰吓反眼贏咗。

對此，Jinny接受TVB.COM訪問時，亦笑言期待相關廣告播出來的效果，並坦言為了這個短短場口，在古裝街拍了足足四小時：「呢個應該係吳若希出道以嚟最樣衰嘅造型，我哋為咗拍呢隻舞，都喺古裝街拍足四個鐘架，所以要期待吓，唔知最後出街出幾多秒呢？」談到海旁唐老鴨上身扮雞、兼且扮枯樹扮到反晒白眼一幕，Jinny透露最大心理障礙是拍攝時大風又寒冷：「呢場戲我主要負責即場諗啲唔make sense嘅動作出嚟，拍嘅時候都好笑嘅，但因為當時好凍，所以都好想快啲拍完。」另Jinny在劇中與飾演的經理人禾平的朱敏瀚（朱仔）有不少對手戲，二人的外型匹配度及年齡差在內地亦引發熱討，翻查資料，Jinny與朱仔不但同年，更是同年同月同日生，相當有緣份！對此，Jinny坦言與朱仔的性格及價值觀均很相似，但其實二人亦有很大的差異：「佢喺出面雖然冇乜嘢講，但對住好熟嘅朋友會係咁講嘢，但我就係喺出面好多嘢講，反而對住自己好close嘅朋友，就唔係咁多嘢講。」

扮唐老鴨聲之餘，連表情都神模仿唐老鴨。

估唔到朱仔同Jinny係同年同月同日生咁有緣份。

呢張劇照，係有好多信息量，究竟係乜？今個星期尾自有分曉。

其實Jinny扮起靚上嚟都好靚架！上星期呢一幕，好多網民都話佢保養得宜，一啲都唔似已經有兩個小朋友。