「東張何太」疑妒火中燒算舊賬大爆何伯對亡妻出手闊綽：仲多首飾過我

社會事

「東張何太」疑妒火中燒算舊賬大爆何伯對亡妻出手闊綽：仲多首飾過我

2024年05月16日 02:33 最後更新：21:55

TVB節目《東張西望》最新一集繼續為大家跟進何氏伉儷的再婚故事，時至今日，不少人感歎如今事件早已不再按照當初向節目求助的何伯何太所想發展，而一切皆因那450萬存款，離不開錢錢錢。最新一集節目中，何伯不僅嬲到青筋暴起的反擊5名子女，更揚言子女「一個錢都冇幫手搵，冇養過我！」，痛斥子女不孝。

而在事件中，何太也落得虛情假意、處心積慮貪圖何伯錢財的「心機婦」之名的下場，特別是何太在節目中豪曬行頭，將何伯所贈定情信物、新婚禮物，從何伯所送價值超過13萬的鑽戒及超過10萬的名貴腕錶，到看得主持人都「嘩」出聲的逾成寸粗龍鳳金鈪情人節禮物，引得罵聲一片。

點擊看圖輯

《東張西望》節目截圖

何太在最新的節目中為自己的行為辯解，稱展示老公送她的珠寶只是想表達何伯有多愛她，「因為我知我老公咁愛錫我，我幸福呀嘛！」而新何太履新不管短短幾個月，便大爆何伯在前何太在生時，送過很多珠寶給太太：「我先生對佢前妻仲比我好，仲多首飾過我，而家啲首飾喺佢細女保險箱。」

對於疑似何伯子女的網民在網上發聲，何伯態度強硬表示：「佢哋一個錢都冇幫手搵，佢哋一個幾毫全部都冇存入銀行嗰度。細個嗰時由我養大，供書教學，佢幾時有養過老竇，冇養過我。嗰啲係我獨身一個……係我血汗錢嚟，佢哋一個仙都冇存入銀行。」

對於何伯子女疑似擬向她追討何伯送贈的禮物，何太亦情緒激動的表示：「追到㗎咩？我哋結婚收禮物，佢有咩資格去追討我呢？」

生活逼人，何伯又被子女取走積蓄，面對生活重擔，何太決定賣掉之前何伯送她的流星錘龍鳳鈪。據之前何太所指，這對龍鳳鈪接近4両，當時以10萬元購入，是何伯與她的定情信物，如今賣掉龍鳳鈪，更虧蝕2萬元。雖然現時要捱窮，但何太表示：「我點都支持佢，就算佢瞓街我都同佢一齊，我到呢一刻唔撐佢，我都唔係人啦！」語音剛落，何太悲從中來，於鏡頭前聲淚俱下的哭訴，「好慘」

往下看更多文章

東張何伯「屈蛇」斷正8號風球日遭逐出公屋何太哭訴被「迫害」：局長你出嚟交代

2024年11月18日 23:01 最後更新：11月19日 13:42

政府嚴厲打擊濫用公屋，房委會明年1月更將推出「善用公屋資源獎勵計劃」，為提供確切情報，令房屋署成功收回單位的實名舉報人士，提供3000元獎賞及感謝狀作為嘉許。而曾經處於輿論風口浪尖的東張「何氏夫婦」，近日再度因公屋問題引來網民熱議。

何氏夫婦因《東張西望》成為城中「網紅」，二人言行出位備受爭議，特別是公屋問題，更遭到網友群起投訴，數度遭舉報濫用公屋。不堪輿論壓力的何氏夫婦早前敗走內地，不過二人亦不時低調回港，但依然難逃網友法眼，走到哪裡都遭網民揭發行蹤。近日二人就遭投訴回到屯門公屋，由於何伯沒有戶籍網友更指他「屈蛇」。

有網民在網上撰文指何伯疑似回屯門公屋「屈蛇」，因何伯在何太屯門的公屋沒有名，所以並不能在上址留宿。何太17日就在社交平台發文，哭訴遭人「迫害」：「房屋署迫害我哋，今次遇上8號風球都要趕走，請有良心人士替我主持公道。」何太指自己只是回屯門的公屋逗留了三晚，房署一收到「黑粉」舉報就「做嘢」。

何太聲情並茂闡述自己如何「被迫害」，指8號風球當日房署有一位鄧先生找上門：「房屋署嗰個肥佬姓鄧，迫害我哋啊！我哋兩公婆落香港兩日，逗留兩日約咗日子睇醫生嘅，竟然都可以迫害我哋。係咪咁樣做嘢㗎房屋署局長，你出嚟交代！佢話代替你局長講嘢喎，係咪？我哋幾個女都冇返去嗰度，都冇喺嗰度住啦，有時返一日半日啦，係咪咁樣絕情？」何太更指房署絕情到迫何伯離開屯門公屋。

不過網民似乎一面倒力撐房署執法，紛紛大讚「房署好波」：「如果房屋署對你絕情就一早趕咗你哋走啦！人情唔一定要畀你咩？個個都要講人情咁就唔需要有法律啦！個個都話要人情呢個世界就大亂啦」、「房屋署職員行得正，企得正，合法合規替署長執行職務，積極杜絕一些浪費政府資源，濫用政府公共財產的行為，舉報的市民亦應予以嘉許」、「如果個個香港人將公屋當渡假屋嚟住，政府起多多公屋都唔夠喇，既然河氏夫婦內地有屋住，應該早日交返間屋俾有需要嘅人喇。」

你或有興趣的文章

「東張何太」疑妒火中燒算舊賬 大爆何伯對亡妻出手闊綽：仲多首飾過我