陳樂頤Geor全新暗黑形象首試唱rock 自身經歷紀錄曾戀中二病男生

陳樂頤Geor親彈40秒忘我鋼琴solo，為新歌《中二式戀愛》作曲及首度填詞。

唱作女子組合Beanies成員之一的陳樂頤Geor（阿左），於2023年以獨立歌手身份出道，推出過《食鹽之道》及《鋼琴後的塵》。日前，阿左再推出第三首自己創作的歌曲《中二式戀愛》。

Beanies成員之一的陳樂頤Geor（阿左）於2023年以獨立歌手身份出道

阿左再推出第三首自己創作的歌曲《中二式戀愛》。

過去推出過的兩首solo歌曲，都是阿左親自作曲，與樂迷分享自身經歷，而新歌《中二式戀愛》亦不例外，阿左除了負責作曲，還首次嘗試填詞，「始終我創作嘅歌，好多都係我親身經歷後的感受，所以，今次好快有個melody出現咗。不過，我竟然有衝動做埋填詞部份，係我第一次填，從來都未試過。」歌曲邀請了Frankie Yip編曲，及Justin Yau監製。

阿左除了負責作曲，還首次嘗試填詞

最後，阿左發現，原來當自己在情緒內的時候，靈感會大爆發出來，「好多字好多詞，一諗就寫到出嚟，無論曲風及歌詞，都很base喺我本人當時的直接感受。」已經不再是新人的阿左，知道要更加努力，所以，她希望唱不同的曲風，就像新歌《中二式戀愛》，「我今次係第一次以咁rock咁型嘅形象去呈現我嘅solo歌，我都幾期待畀人見到新一面嘅我。」不過，講到最令人驚訝的，一定是曲中一段近40秒的鋼琴solo，原來是阿左親彈該part忘我的鋼琴演奏，可說是《中二式戀愛》整首歌的靈魂所在。

阿左發現，原來當自己在情緒內的時候，靈感會大爆發出來

今次阿左以一個比較暗黑的形象現身，妝容與髮型都很凌亂，與過往簡潔親民的她有很大的分別，她說：「第一次以咁極端嘅妝容呈現喺大家面前，化咗個瘀妝再抹污糟，口再吹咗少少煙出嚟，其實係想帶出一個喺toxic relationship（毒性關係）受苦，同埋陳樂頤一個混噩嘅狀態！」阿左指這個新形象對她來說是一個很大膽的嘗試，亦是配合《中二式戀愛》歌曲主題最合適的造型。

今次阿左以一個比較暗黑的形象現身，妝容與髮型都很凌亂

第一次以咁極端嘅妝容呈現喺大家面前，化咗個瘀妝再抹污糟

阿左指這個新形象對她來說是一個很大膽的嘗試，亦是配合《中二式戀愛》歌曲主題最合適的造型。

至於MV及創作的概念，阿左直言是想在一個中二病的主題下，去紀錄一個人失戀時的狀態及心路歷程，「呢首歌係講緊一個人同一個有中二病嘅人拍拖，之後嗰個人失戀，當佢回想起拍拖時有幾咁辛苦，遺失咗自我價值，好唔開心嘅過程。最後，佢點醒咗自己，決定要離開負面情緒，重拾自我價值。」阿左感謝MV導演Alex放了不少心思在內，帶出中二病這個主題。「入面有好多件靚衫，其中一件上身恤衫下身長裙，有一幅係寫住『普照天下』，我一睇到就覺得好啱呢首歌嘅主題。」另外，阿左指MV要用到綠幕，「想做到一個人凌空有falling或floating嘅感覺，我拍嘅時候四肢要離開地面扮浮，綠幕呢個過程係有啲困難及攰嘅，多謝拍攝團隊當時嘅體諒同遷就。」

阿左直言是想在一個中二病的主題下，去紀錄一個人失戀時的狀態及心路歷程

阿左感謝MV導演Alex放了不少心思在內，帶出中二病這個主題。

陳樂頤Geor表示希望：「如果你處於人生低潮，或者遇到挫折，唔好忘記身邊其實有好多人擁抱緊你。危難當前既然避免不過，與其將痛楚放大，不如學識從旁尋找美好。」

唱作女子組合Beanies成員之一的陳樂頤Geor（阿左），今年5月推出了自己創作的歌曲《中二式戀愛》，日前再推出最新solo作品《從天際破滅找到祝福》，同樣是Geor親自作曲，請來容兆霆（Stanley）填詞，Chick Chan編曲及Chick Chan與Yam監製。

Geor推出最新solo作品《從天際破滅找到祝福》。

Geor今年家中有一位至親離世，令她有想法去寫一首鼓勵人的歌曲，「我人生最唔開心嘅時候，身邊有好多朋友撐住我，朋友、同事、家人編咗個更表，肯定我無時無刻都係有人陪住。」因為身邊的愛，令Geor深受感動，因而寫了《從天際破滅找到祝福》這首歌，「除咗想多謝佢哋嘅陪伴，都想透過呢首歌帶啲訊息畀大家，如果你處於人生低潮，或者遇到挫折，唔好忘記身邊其實有好多人擁抱緊你。」

由年今年家中有一位至親離世，因而令Geor有想法去寫一首鼓勵人的歌曲。

因為經歷過傷痛，令Geor莫名地多了一份使命感，「所以今次呢首歌再唔係分享自己嘅經歷咁簡單，係想透過歌曲帶一點點嘅影響力比大家，正如我介紹歌曲的文案所講『危難當前既然避免不過，與其將痛楚放大，不如學識從旁尋找美好』。」

Geor希望透過歌曲帶一點點影響力給大家。

有跳傘的想法，原來是Geor收到填詞人Stanley為新歌命名而出現，Geor說：「《從天際破滅找到祝福》令我覺得呢首歌嘅MV，一定要有我喺天上飛嘅畫面。」除此之外，另一個最大的原因，是因為Geor家中至親離世的關係，Geor說：「今年年初，個天比咗個好大嘅考驗我，係一場痛苦嘅離別。因為呢段經歷，我覺得呢個世界已經冇嘢會難到我，所以，我飛咗去澳洲，感受一吓最貼近天空嘅感覺係點樣！不知不覺多咗個小習慣，就係成日都會望向天空，諗吓佢而家過成點。」

Geor表示收到填詞人為新歌命名為「《從天際破滅找到祝福》，便令她想到MV一定要有她天上飛的畫面。

飛到澳洲挑戰跳傘。

感受最貼近天空的感覺。

亦養成經常抬頭望天空，想一想已離開的家人。

至於拍MV有沒有趣事或難忘事，Geor表示原本在澳洲拍了好多片段，回港後交給好朋友雨橋剪輯成MV，「點知佢發現將我有嘅片段剪埋一齊後，實在太似National Geographic嘅紀錄片（我影咗好多動物，反而好少影自己），所以佢決定喺南丫島幫我補拍。」計劃往往趕不上變化，當Geor與雨橋擇日去南丫島拍攝當日，一抵達目的地，天文台宣布紅雨，雖然天氣不似預期，幸好最後都拍攝順利！

Geor透露原本MV有太多她在澳洲拍攝的動物片段，太似National Geographic的紀錄片，所要要在南丫島補拍有她的畫面。