Tyson Yoshi衛詩雅主分享選錶心得 湯君慈湯君耀演繹多款矚目新品

靚人戴靚錶！

創於1846年的瑞士鐘錶品牌Ulysse Nardin雅典錶與東方表行合作於尖沙咀圓方開設全新精品店，並於日前舉行開幕典禮暨新品發佈會，邀請Tyson Yoshi、衛詩雅聯同Ulysse Nardin雅典錶行政總裁Patrick Pruniaux、東方表行董事總經理楊衍傑、Ulysse Nardin雅典錶中國及北亞地區總裁吳定杰及東方表行營運總監陳仕榮主持剪綵及祝酒儀式，並由湯君慈及湯君耀演繹多款矚目新品，讓來賓近距離感受雅典錶的風采。

衛詩雅

衛詩雅掌握好每分每秒

衛詩雅鍾情於優雅外型與優越功能性兼備的腕錶

Tyson Yoshi

Tyson Yoshi重視時間分配

Tyson Yoshi每日盡量抽時間去做Gym

Tyson Yoshi、衛詩雅出席新品發佈會

Tyson Yoshi、衛詩雅分享選錶心得

Tyson Yoshi、衛詩雅

活動首先由佩戴了2024鐘錶與奇蹟高級鐘錶展（Watches and Wonders 2024）中最新發佈的Freak S Nomad奇想S行者腕錶的Patrick Pruniaux致歡迎辭揭開序幕，隨後，Tyson Yoshi及衛詩雅獲邀到台前分享有關時間管理及選錶心得，兩人分別對腕上的無指針設計Freak One OPS奇想腕錶及鑲鑽Diver Starry Night潛水系列星夜腕錶表示激賞。其後，兩位星級嘉賓聯同其他主禮嘉賓一同主持簡單而隆重的剪綵儀式。此外，湯君慈及湯君耀亦分別演繹兩款向品牌與海洋的深厚淵源致敬的矚目新品：Diver Net OPS潛水系列腕錶及Diver Skeleton OPS潛水系列鏤空腕錶，盡顯品牌時計臻品的迷人風采。

湯君慈

湯君慈

湯君慈

湯君耀

湯君耀

湯君耀

湯君慈、湯君耀

Tyson Yoshi表示：「工作雖然忙，但健身是我持之以恆的生活習慣，我每日都會盡量抽時間去做Gym，亦令我更重視時間分配，一枚優質腕錶絕對是時間管理的好幫手。作為創作人，我尤其欣賞在設計上敢於創新和突破、同時突顯個性的時尚腕錶，就好像我腕上的無指針設計Freak One OPS奇想腕錶，除了是我最愛的軍綠色，更用旋轉機芯去顯示時間，別具一格，非常特別！」

開幕典禮暨新品發佈會

衛詩雅表示：「要同時兼顧演員工作與經營個人頻道絕非易事，必須掌握好每分每秒。我特別鍾情於優雅外型與優越功能性兼備的腕錶，讓我在編排工作日程時更得心應手，時刻保持最佳狀態，做好每個角色。今天佩戴的鑲鑽Diver Starry Night潛水系列星夜腕錶，錶面猶如星空一般迷人，鑲嵌鑽石，再加上日期功能，堪稱內外兼美。」

Kenny豪言：「揀啦！」

衛詩雅（Michelle）近日除了密密為叫好叫座的電影《破．地獄》四出宣傳、謝票，將於出年二月結婚的她同時亦忙於籌備婚禮，早前她已經試過婚紗、裙褂及婚宴菜式，日前便孖住關智斌（Kenny）到英皇珠寶試首飾。二人身為婚嫁系列的全新代言人，作為師兄的Kenny表示要送上小禮物，更豪言：「揀啦！」Michelle純時心花怒放。

觀看相關影片按連結：https://youtu.be/v14sKL7Oi6A

二人在店舖邊選購首飾邊傾偈，Kenny問Michelle她的準老公周醫生有沒有送過禮物給她時，Michelle表示沒有，不過卻有比送禮物更浪漫的事，「佢送俾我嘅禮物係好有心思，佢會自己作詩。我講真㗎！佢作英文詩，我睇唔明，又要翻譯又唔知佢寫乜，哈哈。佢開始get到我唔識，就轉咗寫中文，但係寫中文我都唔明，哈哈。」在旁Kenny大叫浪漫，又問：「你覺得佢對你做過最浪漫嘅嘢係乜嘢？」Michelle即一副冧樣道：「佢完全唔識剪片，我覺得最勁係佢會特登剪片俾我，每日剪一條好短嘅，有啲英文、有啲中文咁樣寫落去。」

Michelle戴到成身金飾，笑指自己似「美少女戰士」。

Kenny都試埋一份。

隨後畫風一轉，Michelle分享了一件趣事，「有一年生日，佢送咗一個好大嘅盒俾我，你以為係嗰啲唔知乜嘢包包啦，我開心揭開，係一架Lego車。我唔明點解送一架Lego車俾我，我個表情真係控制唔到，一揭開我本來係笑住，仲要係一架唔知乜嘢嘅跑車，如果係送我揸緊嗰個型號我都明，我笑住問：『點解？』佢話：『冇呀，我好鍾意呢架Lego車，想你幫我砌，所以送俾你』。」二人即笑翻天。

Michelle又分享了一件未婚夫的趣事。

隨後，Kenny又問他們二人有否love language？Michelle指自己每次見到周醫生時，都會主動「攬住佢」，「我係嗰啲好陽光，佢冇我咁正能量，所以我見到佢我就會攬住佢。我同佢講有研究顯示情侶攬八秒，身體就會分泌一樣嘢令你開心，我就會咁樣攬住佢，呢個係我嘅love language 。」Kenny解說love language的重要性，Michelle即笑說Kenny十足婚前諮詢專家。

Kenny解說love language的重要性。

二人由金器揀到珍珠，Michelle將揀出來的首飾全都戴上身，不捨得除下，Kenny說：「我已經好多錢，亦都想再搵多啲錢。」Michelle即打蛇隨棍上，「咁我可以揀份大啲嘅結婚禮物。」Kenny即大笑：「揀啦！」

二人由金器揀到珍珠，揀得好開心！