東張女神中學時期弄傷膝頭終可斷尾 「貓仔」黎寬怡：以前每逢打風落雨都會痛

最緊要斷尾！

東張女神黎寬怡（貓仔）最近於活動上透露於中學時期曾弄傷膝頭，每逢打風落雨其膝頭都定必會痛，幸好她找到了斷尾方法。

貓仔擔任活動主持

貓仔出席中醫診療所新店開幕禮

Brian老師、鄭丹瑞、徐大夫、徐大夫太太Rei、添Sir、William

多位《中年好聲音2》參賽者現身撐場

由註冊中醫師徐澤昌博士創辦的仁昌堂中醫診療所新店開幕禮，當天邀請了鄭丹瑞、張佳添、鄧達智、周國豐擔任剪綵嘉賓，一眾《中年好聲音2》參賽者亦有現身撐場，場面熱鬧。身為主持的貓仔分享學生時期的經歷：「可能以前不嬲都覺得睇醫生就係頭痛醫頭腳痛醫腳，好似都係普遍用咗睇西醫嘅方法去看待中醫診症，但係其實事實上並唔單只係咁樣。喺中醫嘅角度當然亦都係『唔舒服嘅時候當然需要睇，但其實平時冇病冇痛，亦都可以作為調理之用。』」

貓仔努力護腿

不時晒長腿

中學時期曾弄傷膝頭

膝頭痛症終於斷尾

分享斷尾方法

貓仔試過各種中醫治療，「除咗診症調理之外，我自己都幾鍾意中醫入面嘅針灸、推拿、刮痧等等治療。因為好多時進行過治療後，感受到身體成個人狀態好咗好多。以前中學嘅時候整親個左膝頭，每逢打風落雨都會痛，最後係靠一系列嘅針灸治療好返，而且可以斷尾。」她續說：「再加上𠵱家時代嘅轉變，中醫潮流亦都有涵蓋美容範圍。好似而家好流行嘅韓式美顏針，都大行其道。我真係覺得好吸引，好期待嚟緊可以搵徐大夫幫我照顧健康之餘，亦都可以變靚靚！每個人嘅狀態會因應體質會而有所不同，所以配合環境同飲食，大家都會換來不一樣嘅健康結果。所以都好鼓勵身邊嘅朋友平時都搵啱自己又有註冊嘅中醫師幫助調理一下。」

恭喜恭喜！

現年29歲的「貓仔」黎寬怡參選《2017年度香港小姐競選》後入行，並加入《東張西望》。原來她與拍拖多年的攝影男友Anthony下月舉行婚禮，日前更進行過大禮儀式。

黎寬怡

與交往多年的男朋友Anthony結婚

相中可見，除了鮑參翅肚、八大精美禮籃及龍鳳嫁囍禮餅外，還有兩對巨型龍鳳鈪，４條金頸鍊，禮品多到一張枱都「放唔晒」，還要加多兩張枱兼放滿地下，「貓仔」黎寬怡表示：「因為我係大女、我未婚夫阿Sing都係大囝，從未幫手做過過大禮，所以過大禮需要嘅物品連利是封點用都唔識分，好彩有Wedding planner Olivia幫手，教阿Sing點準備同埋帶齊工具幫手擺靚啲過大禮用品，先有咁靚咁得禮既場面。」她續說：「由房間行出嚟嘅一刻，真係有被震撼到！第一次畀咁多禮物包圍，真係好驚喜好意外！而過大禮當日成個氣氛超好，爸爸媽媽都極為滿意。媽媽見到啲佈置之後，興奮到立即換咗件靚衫出嚟打卡，而一向內斂嘅爸爸仲開心到一直幫我哋影相同拍片，好開心到父母兩個笑到見牙唔見眼，有大家一齊見證住我兩個呢個幸福時刻，真係好幸福。」

笑到見牙唔見眼

恭喜恭喜

好開心

好幸福！

sweet！

擺滿全屋

擺滿全屋

傳統過大禮儀式