邱士縉Stanley挑戰尺度　新歌〈Drunk in Love〉MV造型Sexy登場

推出跳唱作品，展現Man爆完美體態

相隔一年，邱士縉Stanley推出第二首個人跳唱單曲〈Drunk in Love〉，歌曲題材成為MIRROR成員中最Man的一個，而MV造型更是Sexy到底，Hot到爆燈，超乎大家想像。

相關影片可以按以下畫面觀看：

影片連結： www.youtube.com/embed/AkM3pY-hTjI

相信大家對於Stanley在MIRROR演唱會中與李駿傑Jeremy演繹〈Fever〉一曲時的爆肌演出記憶猶新，經此一役之後，Stanley跟公司都覺得自己的個人單曲可以朝著這個帶點成熟男人味，又帶少少性感的曲風方向發展，加上跳舞向來是自己的主項，Stanley於是跟監製T-ma溝通，Stanley道：「因為演唱會嘅〈Fever〉都係T-ma製作，同佢溝通後都覺得好適合，而且仲即刻有想法，就做咗〈Drunk in Love〉呢首跳唱歌。」〈Drunk in Love〉說的是一個人飲到有少少醉意時的狀態 ，Stanley續道：「同填詞人T-Rexx傾嘅時候，會覺得一個人飲到有少少Tipsy（醉意）望住一個女仔嘅時候，會放大對佢嘅感覺，對方一舉手一投足，例如簡單撥頭髮，都會覺得好靚好Sexy，我哋就係想創造一個咁樣嘅氛圍嘅歌。」

邱士縉Stanley推出第二首個人跳唱單曲〈Drunk in Love〉

Stanley跟公司都覺得自己的個人單曲可以朝著這個帶點成熟男人味

Stanley都愛杯中物，不過卻享受彌留在帶點醉意的狀態，好少會飲到斷片；人生中唯一一次斷片經歷，是發生在出道之後，Stanley分享道：「出道之後，參加好兄弟婚禮，佢嘅大學同學不停向我敬酒，結果我喺好勁嘅六星級酒店大堂嘔，超級失禮，然後仲要由兄弟抬我返屋企，中間過程係點樣返到屋企我係完全唔知，但一個鐘頭後我就醒返。」

Stanley都愛杯中物，不過卻享受彌留在帶點醉意的狀態，好少會飲到斷片

因應歌曲，Stanley在〈Drunk in Love〉MV的故事中飾演一位臨時演員，角色要扮飲酒，但男女主角不停NG，結果NG到道具飲品都飲清光，結果要飲真的酒水，這時候Stanley變得帶點醉意，進入了幻想嘅空間。這是一個滿有劇情的MV，但Stanley卻未能過足戲癮，他解釋道：「因為拍MV要顧住自己個樣，又要顧及角度，諗嘅嘢多過演戲，平時演戲就只需要投入去演，但拍MV要喺鏡頭前面呈現一個好靚嘅自己，所以演得唔夠爽，唔可以好投入角色之中。」Stanley要在MV中顧及造型實在無可厚非，因為幾套衫都能秀出完美體態，性感非常！Stanley表示：「今次MV中空多啲，性感有少少Deep V，因為啱啱過咗演唱會仲Keep到身材，又同花姐有討論過尺度去到邊，但當然冇演唱會尺度咁大只係著褸啦！但都Deep V了！其實主要因為身形仲喺度，留個倩影，唔好嘥啦！呢個都係我其中一個叻嘅地方，俾大家睇下啦！」

Stanley在〈Drunk in Love〉MV的故事中飾演一位臨時演員，角色要扮飲酒

這是一個滿有劇情的MV，但Stanley卻未能過足戲癮

除了推出Solo歌，Stanley今年還有劇集、電影推出，加上MIRROR的工作，Stanley會如何平衡歌手與演員的身份呢？就由Stanley親自剖白：「我會繼續以演員方向發展，呢個係我目標同理想，演員嘅路仲有好多地方未行過，特別係電影方面，我都好想參與更加多，但正如我喺Chill Club頒獎禮嘅得獎感言所講，我嘅崗位無論多或少，輕定重，我都會緊守到底，即使唱歌未必係我嘅主項，但我都會做好我嘅作品，就算唱一句我都會唱好佢。當然演戲仍會係我好努力去追求嘅事情，我會用7:3去平衡我嘅演藝道路，7係演戲3就係音樂作品，比重雖然輕啲，但音樂嘅質素都會依然做得好好。」相信作為行動派的Stanley，都會按照自己的心意，在演藝路上付諸實行。

相信作為行動派的Stanley，都會按照自己的心意，在演藝路上付諸實行。

阿Sa表示非常喜歡劇組送的生日蛋糕，「鍾意個餡呀，哈哈！」

由本地製作有限公司、美亞電影製作有限公司、瑞京嘉實電影制作有限公司、羅耀輝執導的賀歲片《祥賭必贏》即將於2025蛇年登場！電影集結蔡卓妍（阿Sa）、張繼聰、邱士縉、吳家忻（Kayan）、朱栢康、胡楓、洪嘉豪、楊偉倫、楊偲泳，合力組成最強陣容賀歲，為觀眾蛇年喜慶開運！

《祥賭必贏》日前正式煞科，劇組更特意在片場為11月22日生日的阿Sa提前慶祝。

《祥賭必贏》日前正式煞科，劇組特意在片場為阿Sa提前慶祝11月22日的生日，現場充滿歡樂氣氛，當晚煞科戲份於麻雀館拍攝，阿Sa、阿聰、Kayan與修哥等演員齊聚片場慶祝，劇組準備了一個獨特的生日蛋糕，配有啤牌、籌碼、麻雀及金幣等賀歲元素，並藏有寓意「大紅大紫」的現金驚喜，阿Sa邊揭生日牌，邊拉出一張張紅色和紫色大鈔，驚喜萬分地說：「現金啊，係現金啊，我第一次收咁嘅蛋糕呀！好鍾意個蛋糕啊，鍾意個餡呀，哈哈！」阿聰更帶領劇組高唱生日歌，阿Sa搞笑接唱「Happy Birthday to me」，場面熱鬧非常。

劇組為阿Sa準備了一個獨特的生日蛋糕。

蛋糕內更藏有大利是。

阿Sa開心的表示：「好鍾意個蛋糕啊，鍾意個餡呀，哈哈！」

電影轉眼拍攝一個月，來到煞科日阿聰難捨開工歡樂時光，每日都跟大家即興創作爆笑橋段：「我哋今日就煞科啦，我覺得成個過程係超開心，亦都非常之愉快。我希望將呢個快樂放落電影，剪接到一個好快樂嘅作品畀大家睇。」阿Sa則表示：「好耐未試過拍一套戲個過程係咁開心，每一日都好期待返工，可以同大家玩啊，一齊創作更加多好好笑嘅情景同埋人物。我覺得太正喇，有少少唔捨得。」

張繼聰（左二）難捨拍攝的歡樂時光。

首次參演賀歲片的Kayan笑言：「今次係我第一次同咁多前輩合作啦，超緊張同埋超開心，感受喜劇嗰種好即場發揮嘅魔力，跟住同埋好耐未試過笑到嘎嘎嘎。」阿Sa更爆料阿聰拍戲笑到扭傷頸，阿聰補充：「朱康笑到話第日起身周身痛，拍咗武打片咁，拍到腹肌痛啊真係！」修哥亦分享拍攝感受：「今次好高興能夠同幾位後輩合作，非常非常之開心，雖然係煞科，但係都唔捨得㗎，希望呢套戲叫好叫座。」

謝安琪、張繼聰、蔡卓妍、吳家忻、胡楓

演員努力搞笑賀歲，《祥賭必贏》勢必為觀眾，帶來一場滿載喜慶與幸運的好戲！蛇年賀歲，人人贏到開巷！