COLLAR成員芯駖同Gao嘅後援會聯同膳心小館,趁端午節向石硤尾區內長者派「福袋」。
近年Fans應援種類繁多,歌迷為偶像各出奇謀,不過COLLAR成員芯駖同Gao的後援會就搞「另類應援」,聯同社福機構趁端午節向石硤尾區內長者派「福袋」,當中有糭、麵、生果等等,盼長者在傳統節日中能感受到溫暖。
![COLLAR成員芯駖同Gao的後援會就搞「另類應援」。](https://image.bastillepost.com/800x/wp-content/uploads/hongkong/2024/06/20240609_EN_COLLAR07_source-licensed_.jpeg.webp)
COLLAR成員芯駖同Gao的後援會就搞「另類應援」。
![後援會聯同社福機構趁端午節向石硤尾區內長者派「福袋」。](https://image.bastillepost.com/1200x/wp-content/uploads/hongkong/2024/06/20240609_EN_COLLAR01_source-licensed_.jpeg.webp)
後援會聯同社福機構趁端午節向石硤尾區內長者派「福袋」。
雖然兩位COLLAR成員呢日未能參與,不過芯駖就話閒時都會參與義工服務,還想捐此禮物比有需要的人人:「感激Fans用額外時間為有需要嘅人服務,希望佢哋多啲聚埋一齊,除咗支持偶像之外,都會做多啲慈善活動。呢排因為撞咗工作而參與唔到,希望下次可以一齊幫手,Fans們要加油啊!每一個微小力量聚集,就會成為強大力量,將愛分享比大家。」芯駖就話鍾意食糭,仲話想學「包糭」應節,試過一口氣「鯨吞」兩隻糭,搞到飽足全日!
![芯駖同Gao雖然未能參與派福袋活動,但都好多謝Fans做代表。](https://image.bastillepost.com/800x/wp-content/uploads/hongkong/2024/06/20240609_EN_COLLAR03_source-licensed_.jpeg.webp)
芯駖同Gao雖然未能參與派福袋活動,但都好多謝Fans做代表。
Gao感謝Fans代表出力做義工服務,揚言做善事已經是最好的應援禮物:「好開心,因為好有意義!上次同芯駖就一齊去過做義工,今次就撞咗期而冇得去,如果未來再搞都想支持,因為一班人為同一個目標努力,係好開心嘅一件事!」佢仲話有秘技氹長者,仲可以乘機「偷師」:「只要有禮貌、真誠嘅心,雖然有時佢哋好可愛,不過唔好當佢哋係『小朋友』,用朋友嘅方式去相處,從談話中學到好多人生經驗,有好得意嘅得著。」
![二人都表現希望下次能參與。](https://image.bastillepost.com/900x/wp-content/uploads/hongkong/2024/06/20240609_EN_COLLAR10_source-licensed_.jpeg.webp)
二人都表現希望下次能參與。
這次派福袋活動由芯駖香港後援會及沈貞巧香港後援會聯合膳心小館及社工舉行,在石硤尾澤安邨向區內長者派發節日福袋。Fans秉承兩位藝人善心,將愛心在社會中傳遞。過去兩邊後援會都會定期舉辦義工活動,除了讓受助人感到關心外,亦希望為他們帶來節日的溫暖。
![這次派福袋活動由芯駖同Gao的後援會聯合膳心小館及社工舉行。](https://image.bastillepost.com/1200x/wp-content/uploads/hongkong/2024/06/20240609_EN_COLLAR04_source-licensed_.jpeg.webp)
這次派福袋活動由芯駖同Gao的後援會聯合膳心小館及社工舉行。
![福袋入面有1隻糭、1包蝦子麵、2個水果、1包馬仔、1張心意卡。](https://image.bastillepost.com/800x/wp-content/uploads/hongkong/2024/06/20240609_EN_COLLAR06_source-licensed_.jpeg.webp)
福袋入面有1隻糭、1包蝦子麵、2個水果、1包馬仔、1張心意卡。
![公公婆婆們都好開心。](https://image.bastillepost.com/800x/wp-content/uploads/hongkong/2024/06/20240609_EN_COLLAR05_source-licensed_.jpeg.webp)
公公婆婆們都好開心。