羅啟豪靚聲吸引大量途人駐足！
羅啟豪（Ramon、英國豪）同另外十位中年好聲音歌手忙於籌備六月底嘅演唱會之際，亦不忘為自己嘅最新單曲《相信 相信》做宣傳。英國豪昨日（6月10日）於中環街市內作第一次嘅街頭演唱，爲觀眾帶嚟廣東歌、普通話歌及英文歌，靚聲吸引大量途人駐足包括中外遊客，幾乎逼爆中環街市。
羅啟豪昨日（10日）於中環街市內作第一次的街頭演唱。
是次Busking為歌迷會應援活動。
邀得李佳做嘉賓。
是次Busking為歌迷會應援活動，名為《相信 相信 • 羅啟豪 Believe in Ramon Lo Busking Tour》，英國豪解釋：「歌迷會嘅目的係將我嘅歌聲帶去香港九龍新界唔同地點，仲希望可以去勻十八區！但願佢哋呢個夢想真係可以實現！」原來Ramon亦藉住呢個計劃嘅第一站實踐自己一個個人願望，佢話：「因為有屋企人一手一腳打理細餐廳，所以知道經營小店有幾困難。加上知道疫情為香港經濟帶嚟唔少衝擊，所以平時都盡量幫襯小店以及本地品牌。中環街市裏面就有好多咁樣嘅商店，特別係佢本身係一個被活化咗嘅歷史建築物，所以自己好鍾意呢度，入行前都成日嚟。好開心今次唔單止可以同我嘅豪殼（歌迷暱稱）一齊探訪呢度，仲竟然可以喺呢度演唱畀咁多人聽，真係非常之有意義。」
粉絲逼爆中環街市！
啟豪甫開場，搞笑話首次開四面台嘅音樂會，因爲佢演出嘅位置正正係四面都被觀眾包圍住。另外，佢亦請到李佳嚟同佢合唱《當愛已成往事》同分享比賽期間合唱呢首歌時嘅趣事。而當Ramon唱完預備咗嘅最後一首歌，歌迷唔肯離開並高叫安歌，於是啟豪再演唱佢嘅成名作《疾風》，全場仲同佢一齊合唱，爲氣氛推至高峰。相信Ramon嘅歌迷一定好期待佢呢個Busking之旅嘅下一站。
喜愛享受美食、音樂又鍾意打卡的你，這個無論是I人定E人都適合的市集，一定會令人大開眼界，大家不容錯過！
由12月15日開始至26日，於赤柱美利樓2樓全層有一個為期七日的活動，名為「羅啟豪冬日約會迷你聖誕市集」，是舉辦多年、赤柱廣場聖誕市集的一部份。活動開幕日請到啟豪一眾圈中朋友齊為巿集剪綵，於市集最後一日（12月26 日），「生命小戰士會」合唱團更會到場表演，當然不少得啟豪現身，以美利樓如此有歷史價值的建築物作背景獻唱，以歌聲去為這個獨一無二的市集徐徐閉幕，氛圍感拉滿！
今個12月美利樓舉行以歌手羅啟豪為主題嘅聖誕市於15日開幕。
啟豪將會於12月26日以歌聲為市集展開閉幕。
配合啟豪愛回饋社會在場有社企產品售賣。
「羅啟豪冬日約會迷你聖誕市集」市集免費入場，並備有多個玩食買Chill做善事亮點，不容錯過！
1）美食滿滿：贈送多款免費窩心手工烘焙曲奇，以及特製暖心飲品供市民品嚐，如小熊沐浴曲奇、檸檬方磚蛋糕、紅心巧克力（士多啤梨熱朱古力）、花果協奏曲（柑桔檸檬伯爵茶）等；
免費熱飲答謝前往參觀《羅啟豪冬日約會迷你市集》嘅訪客。
免費美食答謝前往參觀《羅啟豪冬日約會迷你市集》嘅訪客。
2）CP滿滿：設有免費攤位遊戲贈送精美禮品及扭蛋機贈送微縮模型，另有手工藝工作坊及比賽；
非常精美、啟豪有份設計嘅市集周邊產品。
3）打卡位滿滿：多個好玩打卡點——包括一個2.5米高的聖誕花圈；市集採用晴空與大地融合之色調佈置，加上溫馨的北歐設計風格，以呼應設計系出身的主人翁；
4）善心滿滿：為配合常希望回饋社會的主角，同時為因要交換聖誕禮物而煩惱的朋友設想，市集會出售多家本地社企特色產品；在場更有啟豪的二手衣物義賣，以及拍賣由他親手上色的鴨仔，籌得之善款，會捐到服務癌症兒童及其家人的「生命小戰士會」，令市集更添意義。
啟豪為將會拍賣嘅鴨子上色，善款捐俾「生命小戰士會」 。
市集目的正希望透過今次活動，特別是當中一個沉浸式的影音空間，讓更多市民了解羅啟豪為何是本地難得一見的歌手。
「羅啟豪之冬日約會迷你市集」：
日期：12月15、21-26日
活動時間：中午12:00-晚上8:00（15日延遲至下午4時開幕、26日提早至下午4點閉幕）
活動地點：赤柱美利樓 2 樓
「羅啟豪之冬日約會迷你市集」閉幕日演出：
日期：12月26日
「生命小戰士」演出時間：下午3點半
羅啟豪演出時間：下午5點
活動地點：赤柱美利樓入口
