Ben Sir憶20年前馬鞍山茶記拒收5毫 一句妙回店員無聲出獲讚

現在不少餐廳店舖都拒收5毫更幣，但香港法例其實並是無明文規定店家可以拒收的。

「Ben Sir」歐陽偉豪日前就在網上分享於20年前曾光顧馬鞍山茶餐廳，遭店員拒收5毫子的事，當時他一句妙回令事件得到解決，獲網民讚好！

示意圖。《愛回家》劇照

Ben Sir：我冇揀你啲嘢食，你做乜我揀啲錢？

「Ben Sir」歐陽偉豪日前在網上分享，他提起20年前曾光顧馬鞍山一間茶記，當時該茶餐廳由入座起限時用餐90分鐘，Ben Sir表示都尚可容忍這個規定，但當他付款時，卻因當中夾雜了5毫銀，而被店員拒收。Ben Sir 問對方不明白為何「畀足晒錢」仍唔收，店員只是一再強調「寫明唔收5毫」Ben Sir 當時已有怒氣，回應到「我冇揀你啲嘢食，你做乜我揀啲錢？」店員即時不知如何應對，之後另一個店員打圓場，表示：「算喇算喇」

Ben Sir歐陽偉豪FB圖片

網民力撐：都係錢，點解唔收？

網民都對Ben Sir的妙絕回應大力讚好，直言：「其實只要俾齊直接走，佢都吹你唔漲」並批評茶餐廳的做法，「夠膽死佢唔收毫子，但佢可以找贖比你」、「沒有無原無故的衰落」、「都係錢，點解唔收？」。

資料圖片

網民分享類似經歷

有網民亦分享類似經歷，「最燥底係佢個餐要$28.5，但餐廳唔收5毫」、「有次我在啟田街市，叫佢報警先肯收我兩個五毫子」；亦有網民無奈表示「餐廳不收毫子，但會找毫子俾你」更有人笑指「Ben Sir」記仇：「20年前的事你都仲記住？」

資料圖片

店家拒收不超過$2面額硬幣或犯法

有網民留言回應表示根據香港法例454章《硬幣條例》第2(1)條，面額不少於$1的硬幣，所支付的款額不可超逾$100；面額少於$1則不可支付超過$2。所以店家不能拒收不超過$2面額的硬幣，否則即觸犯法例。

不時有食客在網上分享嗌外賣中伏經歷，近日就有網民經美團旗下外賣平台KeeTa叫外賣串燒，誰知收到外賣一刻如五雷轟頂，他形容眼前的串燒「好似跌過落炭爐再撈返上嚟咁」，嬲到其要到網上撰寫「警世文」公開此次經歷。

示意圖片

網民發「警世文」分享中伏經歷

該網民在Facebook群組「飲食黑店大全（全港食店質素/價錢/服務關注組）」發帖，以「警世文」為題，事主指自己日前經KeeTa平台再一間位於太子的串燒小食店叫外賣串燒，然而當串燒送到後，令其傻眼。

FB圖片

串燒實物「好似跌過落炭爐再撈返上嚟咁」

改網民指，眼前的串燒外表焦黑，「好似跌過落炭爐再撈返上嚟咁」，仔細一看，串燒的燒燶位置還有被剪走痕迹。大感中伏的事主第一時間聯絡外賣平台客服，獲得的回覆是「有跟上商家反饋這個情況，但商家表示不同意」，不過外賣平台則自行採取補救措施，將30HKD心意券「加碼」到50HKD。

FB圖片

外賣平台補救措施獲讚

帖文一曝光掀起網友熱議，網民紛紛斥串燒店家太多分：「諗清楚先放入口，好似中咗輻射咁」、「衰過垃圾」、「係咪拜祭品？」、「咁嘅樣都夠膽出俾人食」、「請問其實係乜嘢燒烤串，可以燒到咁燶」

示意圖。設計圖片