拍檔廚房丨陳煒眼紅紅首談與亡母難忘回憶梁競徽為年邁父母學「拆骨」

娛圈事

拍檔廚房丨陳煒眼紅紅首談與亡母難忘回憶梁競徽為年邁父母學「拆骨」

2024年06月19日 13:30 最後更新：16:38

陳煒與梁競徽都分享了一個感人故事。

由方力申、黃翠如主持的煮食節目《拍檔廚房》本周嘉賓是陳煒（煒哥）和梁競徽，分別夥拍餐廳行政總廚譚以健（Ken）和酒店行政總廚邵德龍組成拍檔，經過三輪激烈比拼，梁競徽組以44分暫時領先、煒哥組則以42分落後，兩隊超高班拍檔組合，被顧老闆形容為「武林高手」。

點擊看圖輯

（左）方力申、黃翠如擔任主持。

梁競徽與邵德龍師傅

煒哥與Ken

煒哥同梁競徽今集都分享了一個感人故事。

煒哥組與梁競徽組嘅「主題故事Omakase」菜單

煒哥組炮製嘅頭盤：藍龍蝦，百合彩色車厘茄，話梅沙律汁

主菜：蟹湯燴刺參蟹汁年糕

甜品：花膠龍眼意大利奶凍配36個月西班牙火腿配食用菊花糖

煒哥激罕談亡母，講到眼濕濕！

梁競徽組炮製嘅頭盤：酸辣紅蝦牛油果

主菜：拆骨魚頭煎蛋

甜品：鮮百合翡翠甘露

梁競徽講到一度哽咽。

評判：鄧達智、顧紀筠、幟哥、蘇潔明

今晚（6月19日）播出的第九集，來到最終回合的「主題故事Omakase」，煒哥組和競徽組分別以「思念的滋味」及「愛與承」為主題，兩人分享時均忍不住熱淚盈眶！

先講煒哥與Ken炮製的三道菜式：「藍龍蝦，百合彩色車厘茄，話梅沙律汁」、「蟹湯燴刺參蟹汁年糕」及「花膠龍眼意大利奶凍配36個月西班牙火腿配食用菊花糖」，結合了兩位廚師對過世親人的思念。煒哥透露母親多年前因病離世，在母親患病期間，煒哥不時煲花膠及海參給病母補身，有次病母得知女兒所買的食材如此昂貴後竟和女兒吵起來，陳媽媽當時更激動至流下眼淚，陳煒憶述：「相信佢係覺得個病拖累咗我，所以唔開心流眼淚。嗰時同佢嘈咗兩句我返咗房，過左十零分鐘，突然聽到『嘭』一聲好大聲，好似有嘢跌落樓嘅聲！我嗰刻好驚，個心跳咗出嚟，好慌咁即刻衝出廳，好彩我媽媽仲坐喺度睇緊電視。嗰刻我終於知道自己錯，可能我覺得好嘅嘢，唔代表喺媽媽立場係一件好事。」煒哥眼紅紅表示從沒跟人提過此事，如今說出來後反而感到釋懷：「希望媽媽在天會接受我嘅道歉。」

而梁競徽與邵師傅所炮製的三道菜式為「酸辣紅蝦牛油果」、「拆骨魚頭煎蛋」及「鮮百合翡翠甘露」。梁競徽坦言近年對感情、親情、友情有更深體會，尤其到內地工作後、才意會到父母年紀真的不小了，他一度哽咽地說：「唔珍惜嘅話好多嘢都會錯過。爸爸媽媽都好鍾意食魚，但佢哋唔係好識噒骨，加上年紀又大，怕咗唔敢食。邵師傅就諗咗呢個拆骨魚頭煎蛋，等佢哋可以好放心咁去食魚，呢個係『愛』同『承』，係傳承咗中菜嘅文化、技巧同諗法。」

「一啖一份愛，一啖一份淚！」兩組鬥足四個回合後終於分出勝負，比拼分數更創下新高達五十多分，最終兩組只是一分之差，到底哪組可以成功出線？密切留意今晚一集《拍檔廚房》。

Tags:

西班牙陳煒

往下看更多文章

拍檔廚房丨滕麗名獲老公指定做御用主廚蕭正楠被批技巧不足獲老婆黃翠如「犯規」畀貼士

2024年06月24日 12:30 最後更新：06月26日 20:26

《拍檔廚房》本周嘉賓是滕麗名和蕭正楠。

由方力申、黃翠如主持的煮食節目《拍檔廚房》今（6月24日）、明（6月25日）晚播出的第十和第十一集，嘉賓是滕麗名（阿滕）和蕭正楠（阿蕭），同樣夥拍90後廚師，分別為餐廳行政總廚莫佑和私房菜行政總廚張東正組成拍檔，爭奪最後出線機會。

阿滕表示婚後升呢做家庭「煮」婦，是老公的「御用主廚」並花式放閃說：「我老公好鍾意食嘢，但係唔鍾意食姐姐煮嘅嘢，於是一定要我煮。」蕭正楠則透露曾在迴轉壽司餐廳做學廚暑期工，自此遇到好吃的會記住種味道，然後回家研發菜式：「屋企有邊個呢？就係得翠如，所以佢係我嘅白老鼠。」

首個回合的「拍檔聯乘」比拼，阿滕與主廚拍檔莫佑合力炮製「串茄核桃沙律」及「金不換頭抽煎雞」，阿滕化身莫師傅超強助手，幾乎所有重要功夫均由她主理，包括斬雞、起骨、調味，絕對有板有眼，翠如指莫師傅對她信心十足，阿滕笑言：「佢冇望過我，自己喺度批緊芥蘭！」

而阿蕭組的菜單為「陳皮咕嚕玻璃肉」及「三蔥蟹鉗煎腸粉」，阿蕭獲張師傅傳授正確切「玻璃肉」的逆紋技巧，方便咀嚼之餘，更能提升口感。不過製作主菜時卻發生小插曲，負責斬蟹的阿蕭不慎濺到在旁觀察的王幼倫：「開蟹唔止有水，蟹殼仲會周圍飛。」張師傅指阿蕭今次有血有汗，並爆出一句「好彩今日冇血咋你」，難道阿蕭賽前練習曾發生血光之災？

第二回合的「藝人五分鐘速煮」比拼，阿滕以「紫菜墨魚酥」出戰，製作過程已被幟哥問「如何鎖住墨魚汁」，食過夜粥的阿滕沒有被幟哥的尖銳問題拋窒，指內裡加了一款食材鎖住鮮味，說畢更獲向來超嚴格的幟哥大讚：「叻！叻！叻！」一眾評判評分時對阿滕的墨魚酥讚不絕口，形容口感如燒肉一樣脆卜卜，到底阿滕秘訣是甚麼？密切留意節目。

而阿蕭則以自創「酸菜和牛拿破崙」出戰，所謂「拿破崙」其實是煎麵底，製作時老婆黃翠如「犯規」給提示：「聽到評判們講話冇乜技巧喎，嗰邊步驟多啲，你就……做番步驟多啲，呢個係我畀你嘅貼士。」不過可能時間太短，「地獄判官」幟哥認為麵底不夠脆：「比賽裡面見到高低，多少關翠如事，佢話你喺屋企成日煮碟頭飯畀佢食，技術要求唔高，所以差咗少少。」至於「廚師主理」環節，張東正與莫佑分別以「鱻．魚湯花膠皇浸東星斑」、「牡丹蝦球」出戰，兩位主廚除了以名貴食材「以本傷人」之餘，還大晒刀功！