谷婭溦夢想從政做議員兼做廉政公署 7月17日舉辦免費音樂會答謝歌迷會

谷婭溦指自己有個宏大的夢想！

谷婭溦(溦溦) 將於7月17日晚假東蒲胡李名靜體育館舉行一場歌迷聚會《Voice of Vivian 谷婭溦「溦溦」道來流行歌會》，她表示十分感謝歌迷會一路上支持，為答謝大家，決定大派福利，舉辦一場免費音樂會，條件是歌迷需預先報名登記，以先到先得，免費入場，每位歌迷可獲兩張入場門票。

谷婭溦接受新城《原來生活好快樂》程凱欣、麥卓華錄音訪問。

溦溦日前接受新城知訊台台長程凱欣與麥卓華《原來生活好快樂》節目「自主人生」環節錄音訪問，訪問將於7月18日播出。谷婭溦在節目中形容自己性格大大咧咧，所以初入行時得罪人多，稱呼人少，「我個人直腸直肚，冇諗咁多機心嘢，說話欠缺婉轉，得罪咗唔少人。」

已入行15年的谷婭溦，直言性格並無改變，變的只是心態，「以前啲人會覺得我寸，了解我個人之後，知我講嘢方式係咁，我當你係朋友先講真嘢，同埋鍾意我嘅人永遠都會鍾意我，唔鍾意我嘅人，點討好都唔鍾意我，所以我只做自己，亦從來唔埋堆。」

程凱欣、谷婭溦

溦溦將於7月17日舉辦免費音樂會答謝歌迷會。

谷婭溦16歲開始研習聲樂，以全湖南第1名、全中國第2名的成績考進武漢音樂學院，後來成為美國波士頓伯克利音樂學院的在讀研究生（主修美聲），去年她在港開設音樂學校，如今已經桃李滿門，「我希望自己嘅歌聲比更多人認識，所以點解我要開音樂學校，就係想承傳更多人嘅夢想。」

程凱欣爆料，指有不少歌手表示跟谷婭溦學唱歌，都曾被她責罵，但做得好亦會獲得讚揚，谷婭溦即扮惡反駁，「邊個話我鬧佢？我從來唔鬧人，鬧人係最低級做法，我只會用第二個方法去解決，例如前排《中年好聲音2》有兩個學生開唔到聲，我叫佢同一個動作做50次，睇住佢做，做到啱為止。」可謂嚴師出高徒。

谷婭溦話唔做歌手，會去做ICAC。

至於未來有甚麼計劃？谷婭溦指自己有個宏大的夢想，就是做一個有影響力的歌手，「我想企得高啲，唔係為搵錢，我當咗香港係我第二個家，好想去為呢個地方出一分力，如果我唔做歌手，我會去做ICAC（廉政公署），因為細個睇電視劇，見佢哋攞住個證行出嚟好有型，所以追溯到最後我好想從政，記得5年前同朋友行街見到選議員，我好有衝動去選。」程凱欣笑言：「睇唔出你人仔細細志向咁大，咁我哋申報定，到時幫你助選。」

演唱會海報

詳細節目內容，請留意7月18日，早上9-10時，新城知訊台《原來生活好快樂》「自主人生」環節，網址：https://www.metroradio.com.hk/MetroInfo/

谷婭溦望保持初心做音樂。

本年度第一張樂壇成績表《新城勁爆頒獎禮2024》在12月28日發布，當中無限傳奇娛樂文化有限公司兩位歌手，包括創作女歌手谷婭溦以及樂壇女新人Irene林芊瑩，一共奪得三個獎項。

谷婭溦喜獲兩獎。

希望保持初心。

谷婭溦憑親自作曲兼作詞的《我管你》，獲得「勁爆國語力歌曲」銅獎，她在台上表示：「呢一兩年大家開始知道我會作曲、作詞，呢首《我管你》喺我自己作曲、作詞嘅國語作品。多謝每一位鍾意聽我唱歌嘅你哋，同埋我嘅辣椒粉。」除此之外，谷𣵾媺也獲得「勁爆躍進女歌手」銅獎，對於今年有新的開始、加盟新公司的她而言，多謝繼續支持她的每一位，希望可以保持初心去做音樂。

努力做音樂！

新人林芊瑩喜獲「勁爆女新人」金獎 。

至於今年女新人Irene，在頒獎禮開幕時有幸擔任表演嘉賓，與其他新人以及泳兒和陳柏宇分別演唱《致我們的運動員》 medley。Irene喜獲「勁爆女新人」金獎，她感動地答謝大家：「多謝公司和經理人Alvin，今年全年都做我歌曲嘅監製Gareth陳考威，多謝支持我同埋愛我嘅人，我係今年樂壇女生人林芊瑩，請大家多多指教。」緊接Irene即席獻唱《請不要說對不起》，當她正準備出場時發現原本拿在手上的咪高峰不見了，雖然音樂已經開始播放，Irene都非常緊張，當收到另一枝咪高峰時，Irene臨危不亂即時上場演唱。雖然演出未盡完美，沒有唱到頭幾句，但Irene一入歌已經準確到位，其後粉絲稱讚她作為新人的「執生」能力高！

新人臨出場前失咪高峰淡定完成演出。

「執生」能力高。