走出「雪櫃」為TVB開工？炎明熹晒趣怪錄音自拍：慢慢嚟，放鬆

粉絲都好期待Gigi的作品！

19歲的聲夢小天后炎明熹（Gigi）最近疑因續約問題與TVB鬧不快，有傳她因不續約而遭「雪藏」，雖然Gigi曾在活動的訪問中澄清，但「雪藏」傳聞依然甚囂塵上，日前Gigi更在李玟逝世一周年當天上載唱歌唱到喊的黑畫面片段，令網民相當擔心她的情緒。不過，Gigi的續約問題近日似乎有轉機！

Gigi出道短短兩年就成為樂壇小天后。

不過近日捲入離巢風波。

Gigi在李玟逝世一周年當天上載黑畫面片段，更唱李玟的《你留下的愛》唱到喊。

Gigi的續約問題近日似乎有轉機！

Gigi昨日（7月8日）在IG分享開工錄音的照片，並留言：「係咪第一次做手機呢？手機的視覺如何？唔洗緊張，慢慢嚟。放鬆，放鬆。大家估到今次我錄什麼了吧？希望大家多多支持✨《🧑🏻🌾👩🏻🚕🐱🏬🕺🏻✌🏻》」。從Gigi的堤示及分享的照片可見，她正為TVB節目《他和她的貓店長2》開工，似乎已走出「雪櫃」，心情輕鬆到不禁做出趣怪的表情。

Gigi在IG分享開工錄音的照片。

可見Gigi正左為TVB節目《他和她的貓店長2》開工。

似乎已走出「雪櫃」。

心情輕鬆的Gigi不禁做出趣怪的表情。

Gigi還分享了貓店長的照片。

粉絲見到Gigi的帖文都紛紛留言表示支持，「加油。加油。加油。 重要嘅嘢要重複講三次，是對的事， 做返自己便可」、「小天后做乜都支持」、「一定Gi持」、「支持你！但不要委屈自己」、「做乜都支持你！」

原本聲音導航的炎明熹（Gigi）將粉墨登場

今晚（26日）TVB Plus（82台）晚上8點半，將播出《他和她的喵店長2》最後一集，繼續揭開一段段治愈又觸動人心的「人貓故事」。今晚原本聲音導航的炎明熹（Gigi）將粉墨登場，探訪有62年歷史的彩虹邨。節目開始Gigi原本很開心宣布近日榮升貓奴，不過當介紹節目時，卻出現蝦碌︰「好開心今日可以親身嚟拍攝『我』……唔記得咗個名。」

節目一開始Gigi便出現蝦碌事件。

Gigi探訪邨內一間香港所餘無幾的租書店，店主張先生透露全盛時期，經營有7間店，目前只餘這一間，他略帶無奈說︰「疫情前都開始沒落，加埋疫情呢行已經玩完，嚟到彩虹邨應該係最後一間，已經計劃緊退休。」店內養有星星及黑白兩姊妹，都是流浪貓的後代，被張先生夫婦視如囡囡。老闆娘張太透露以往邨內有很多流浪貓，除餵養外還留了一條通道讓牠們自由出入，有流浪貓在店內誕下兩姊妹。星星跟黑白稍為怕陌生人，但在零食威力下，很快跟Gigi打成一片。張太慨嘆見證行業衰落︰「呢度有兩間中學、兩間小學，以前啲學生就算唔買、唔租，放學時間、食晏時間都會嚟打下躉。」她笑言不時有學生遲還書被罰錢，最多一次收到3千多元罰金，她感慨說︰「租書容易，要佢還書就難，還書係一個責任感問題。」接住Gigi問起遇過最遲還書是多久時，卻被張太一句K.O.︰「佢唔需要還就係最遲啦。」搞到Gigi接不下去。

租書店張先生夫婦育有星星及黑白兩隻貓店長。

原本怕人的黑白敵不過零食威力。

（左）貓店長星星及黑白。

Gigi被老闆娘一句說話K.O.。

《聲夢2》Vivian為師姐及貓店長擔任攝影師。

Vivian的攝影作品有板有眼。

Gigi還探訪在邨內有60年歷史的藥房，貓店長為叻叻，藥房老闆方先生說︰「叻叻4個月時拎返嚟，而家已經5歲，合眼緣。」方先生表示叻叻當時左眼已經受傷失去視力，最後遵照獸醫指示縫合減少發炎機會。藥房內經常人來人往，客人都會逗叻叻玩，因此養成牠不太驚人的習慣。此外，Gigi師妹《聲夢傳奇2》學員江廷慧（Vivian）亦有同行，還為師姐及貓貓充當攝影師，作品非常專業。

Gigi今集登場探訪彩虹邨的藥房貓店長叻叻。

Gigi乘機幫襯中醫調理身體。

叻叻長駐藥房，一副悠然自得。