有網民到西灣河大家樂用餐時,目睹三位大媽霸位嘆冷氣,由下午茶坐到晚餐,更自帶餸菜開餐,又將花生殼撒滿枱兼呼喝職員。網民看不過眼拍照公審迅速成網上熱話。
![FB截圖](https://image.bastillepost.com/935x/wp-content/uploads/hongkong/2024/07/20240711_CR_source-web_cafedecarol2.jpeg.webp)
FB截圖
三大媽快餐店霸位嘆冷氣 自備外來食物
該網民於Facebook發上載照片,事發地點為西灣河太安樓的大家樂,照片可見有三名大媽正在開餐,但細心一看枱上有兩隻不屬於大家樂的碟。樓主指她們由下午茶時間一直坐到晚餐嘆冷氣,更「自己帶魚嚟,再加個自己炒嘅餸,坐出面嗰個買個最平嘅飯,叫加飯就可以3個人食」。
花生殼滿枱 呼喝職員
樓主又斥責她們「食花生食到成張枱都係殼」,職員好言相勸:「小心唔好跌落地下,已經掃地3次」,其中的白髮大媽更惡言相向:「叫經理炒咗你嗱,你咁老冇人請你!」職員不甘受辱反駁:「阿哥係埋面,你叫佢即刻炒我吖,睇吓有冇人做嘢吖!」樓主亦立即助攻「讚阿姐做得啱,唔係呢度食物,仲要服侍你執埋垃圾!」
![FB圖片](https://image.bastillepost.com/525x/wp-content/uploads/hongkong/2024/07/20240711_CR_source-web_cafedecarol.jpeg.webp)
FB圖片
網民揭三人是慣犯
帖文一出即被多次轉載,不少網民斥她們是慣犯「上次嚟都見到佢哋,幾個人就霸兩、三張枱,袋又一個位,放個杯又一個位,好多人捧住個餐都搵唔到位,但佢哋視而不見」、「慣常見到這幾個惡毒老乾婆,坐近門口窗戶的都同樣自私霸道」、「試過夜晚去食,見到其中一個人坐左係四人位,我見隔籬嗰張四人枱有位就坐洛去,個亞婆話個位有人黎緊,甘我就再搵過位,到我食完望返轉頭,都係得佢一個人霸住另外張枱唔比人坐,由頭到尾一個阿婆霸住兩張四人枱」。
![FB截圖](https://image.bastillepost.com/1024x/wp-content/uploads/hongkong/2024/07/20240711_CR_source-web_cafedecarol3-1024x625.jpeg.webp)
FB截圖
三人屢勸不改 同經理投訴都冇用
有網民質疑為何經理不出頭,樓主則回覆表示「其實唔止投訴比店經理知,甚至係區域經理都試過,區域經理話會親自落舖,只係好幾日,跟著就打回原形。唔係公審啲長者,而係正如呢度都有人講認得呢班人係霸枱黨,係唔比人坐,就算你坐落去,只有得個嘈字,因為周圍都係佢哋啲人,每個人都想舒服食佢每一餐,我都係長者,我都想揾到一個位坐底食飯啫,你如果住在西灣河,你可以用時間試吓落去睇兼食嘢啦!」
![FB截圖](https://image.bastillepost.com/837x/wp-content/uploads/hongkong/2024/07/20240711_CR_source-web_cafedecarol4.jpeg.webp)
FB截圖
帖文來源:Facebook