真情剖白拍攝《福祿壽訓練學院》心路歷程 陳懿德勉勵大家：你係「德」嘅！

德德表示，希望透露這篇帖文提醒自己，同時希望鼓勵遇到困難的大家。

「東張女神」陳懿德（德德）近日在TVB真人騷《福祿壽訓練學院》擔任「扮公室助理」，更放下靚女包袱，以多個不同的趣怪造型登場，加上表現淡定，深受觀眾喜愛，更封她為「麥美恩接班人」！近日，德德就在社交平台撰長文分享拍攝《福祿壽訓練學院》的心路歷程，並籍此勉勵自己及勉勵大家！

德德是2021年香港小姐八強，並於2022年參加《香港小姐再競選》奪得季軍。

近日在《福祿壽訓練學院》擔任「扮公室助理」。

德德在IG貼出扮籃球架的照片，並寫下拍攝的心路歷程，「講個秘密比大家聽，兩個月前錄完兩集黑板之後，我崩潰了，就完廠嘅時候爆喊了一場，I mean…幾場，Quote返當時嘅我係話自己 做！得！好！差！我唔知大家睇唔睇得出，但我個兩集入面係有點虛的。」

德德自言非常珍惜拍攝《福祿壽訓練學院》的機會，所以每次都好想做到最好，但卻忘記了今次很多嘗試都是她的「第一次」，「我期望自己每次都講得好有信心、好實在、搞到氣氛，又記得自己唔可以太大聲/hyper，但當日我覺得自己做得唔好，好內疚，冇好好把握呢個機會，所以怪責同反思咗自己幾日。有種原諒不了自己嘅感覺。但我忘記了其實…今次都係自己嘅第一次、第一次有唔同嘅賽則、第一次即日睇兩集嘅稿+錄，第一次兩集嘅內容跳拍、第一次顧及唔同方面嘅野，包括環境、造型（我以為係唔會影響 但原來掛住咁大塊板係頭都真係會影響我嘅諗野速度/反應），我唔認為一個出色嘅司儀係會被影響，而我會被影響係因為我真係唔夠功力。」

德德自言非常珍惜拍攝《福祿壽訓練學院》的機會，所以每次都好想做到最好。

不過，她卻忘記了今次很多嘗試都是她的「第一次」。

德德真的非努力！

雖然德德對自己的表現並不滿意，但她明白到要學會擁抱自己、改善自己的不足、反思自己，同時不要對自己太嚴苛，「比返啲credits自己，『無錯，我當刻真係做得唔夠好，我會克服！我會令自己更叻！呢個情況唔會再喺下次出現』，我就係咁樣諗之後嘅錄影都好順利了」。

雖然對自己的表現不滿意，但德德明白到要學會反思自己，同時不要對自己太嚴苛。

德德又指自己其實有考慮過到底要不要將自己內心的感受說出來，「因為可能唔講大家都未必會好仔細審視我做成點，係咪？但呢篇文字我希望提醒自己，亦都希望鼓勵遇到困難嘅大家。生活總會有跌低或者無力嘅時候，但希望你記住，這只是暫時的，只要你知道自己嘅不足係咩？目標係咩？就向住個方向衝過去啦！你係德嘅！！一齊加油，共勉之！」

德德希望透露文字我堤醒自己，並希望鼓勵遇到困難的大家。

最後，德德以台灣影帝吳慷仁早前受訪所說過的金句勉勵自己、勉勵大家，「也許我們不是最有天份的，但是我們總是可以做最努力的那一個。」

德德勉勵自己、勉勵大家。

不少網民看過德德的帖文亦紛紛留言鼓勵她，「德德加油~~大家都睇到你嘅努力」、「繼續努力，德德一定得」、「你會反思， 知道自己不足，已經唔會輸。請繼續相信自己，德德係得嘅」、「諗得通無trap住好叻！睇住你初初做東張到依家，已經進步咗好多，第一次hold個節目，你嘅表現係合格對上上！吸收今次經驗，期待你下次表現得更好」、「你的付出及努力一定有人睇到的，加油，撐你！」

網民留言

網民留言

網民留言

網民留言

陳懿德背後準備功夫做足100分！

無綫奧運開播至今，無論是巴黎特派專員、或是直播間的主持及評述均贏盡好評，繼何振然、方力申、連翊希、鍾志光及黃庭鋒後，2021年港姐出身、現役「東張女神」陳懿德（Rachel）亦迎來好評。

德德做奧運主持，唔單止贏得奧運嘅好評。

仲贏得前輩鍾仔嘅認可。

為奧運金牌得主安洗瑩半準決賽臨時拉夫任評述獲讚
今年在主持工作大放異彩的德德，除了在《東張西望》的表現獲讚生鬼跳脫，之前為《福祿壽訓練學院》擔任「扮工助理」，亦憑執生技巧，及唔怕扮醜、抵得諗的性格贏盡好評及記憶點，被委任奧運直播主持重任亦是合情合理。而德德擔任奧運主持期間亦展現了顯著的進步，由初初帶點緊張的節奏，去到近期已演變至恰到好處，就連語速及語氣亦與專業評述無異，加上對資料的熟悉度，及經常向鏡頭展現的燦爛笑容，過去兩星期一再成功圈粉，不少網民紛紛湧到德德社交網留言讚好，更有網民指因追奧運成了德德粉絲：「安洗瑩semi-final嗰場，你講得好好，有少少體育評述feel，and not only主持」、「見住你越嚟越進步，人都靚啲」、「你做奧運主持好好，專登留言follow你」、「keep up the good work」、「值得支持」、「宜家睇緊你主持，掂呀」、「你表現越嚟越出識（色），期待你會有劇集演出」、「今年你表現得好好，好有印象」。談到為韓國羽毛球代表安洗瑩的半準決賽擔任評述獲讚，德德接受無綫官方社交網訪問時透露只是臨時拉夫：「平時我哋有專業評述，但咁啱嗰日評述喺巴黎度塞車，未可以On Air住。我嗰日都有做咗啲功課，例如搵咗安洗瑩同當時佢嘅對手各自嘅資料，例如世界排名同之前對戰過幾多次及戰績等等，加上平時聽佢哋講評述聽得多，我就學咗少少咁。我好開心咁啱有呢個機會應用到（學咗嘅嘢），等觀眾可以更了解場賽事，我覺得我哋做奧運主持，運動員先係主角，所以我希望每次做主持時，啲觀眾會對嗰項運動同相關運動員加深認識。」

德德應小編要求，展示當晚錄影前準備嘅筆記。

真係好震撼咯！

談到奧運主持工作獲好評，德德謙虛地一再感謝一眾同廠前輩，德德接受無綫官方社交網訪問時說：「一定要多謝鍾sir同King sir同咁多位專業評述，我每日都會觀察同睇佢哋點樣去做live同講比賽，因為每一位主持或者評述嘅風格都唔同，所以就可以吸收到唔同嘅嘢。而我每日完咗廠，都會問番體育組、節目監製、導演、鍾sir 佢哋覺得我做成點，有冇咩要改善嘅地方；之後返到屋企會再睇番自己做嘅錄影，反思一下，例如支咪有冇攞得太高，或者比起其他主持我係咪太正經、唔夠放鬆。就算唔係我當值，我都會留意其他主持做成點，從中學習。」德德又感恩有觀眾撰寫長文為她加油：「好感恩有啲觀眾會寫好長嘅觀後感畀我，話我知佢哋覺得我邊啲位做得好或者唔好。」

除了奧運期間，德德的事前準備功夫亦是做到十足，更近乎斷六親地步：「我奧運前幾個星期已經冇出去食飯或約朋友，一係返工，一係喺屋企準備資料，例如睇番啲選手之前嘅比賽片段，等自己掌握基本背景資料之餘，亦了解埋選手嘅比賽風格同side story，等主持嘅時候可以多啲角度同觀眾分享。」談到準備功夫，鍾志光早前在節目中大讚德德開廠前做足準備，其中詳盡的筆記更是德德的秘密武器：「佢筆記紙寫一大張架！」據製作人員透露，德德無論做任何節目，未正式埋位前都會默默地拿著紙筆，將之前錄影時所需的台辭逐句逐句寫出來，寫時口中更會唸唸有詞，以方便「溫功課」，相當認真專業。德德亦應無綫官網小編要求，展示當晚入廠前的「筆記」，海量文字資訊相當衝擊眼球，名副其實做足功課。

德德就算做緊奧運期間，都有繼續努力做功課同求進及向前輩偷師，佢仲話好開心工作氣氛好好，因為台前幕後都好熱血。

德德參選港姐前係肥妹仔，但佢憑住驚人毅力，極速喺3個月內減咗22磅。

談到奧運返工安排，德德坦言在17天之中有兩天休息日，最長試過連續開10日工：「有時係下午直擊，有時係深夜，有時係chat room，所以都有適當嘅休息，大家唔使擔心。」德德更大派熱血Bite謂：「我覺得有用得上我嘅地方係一種幸福，其實我哋好多幕後嘅同事瞓得仲少，例如體育組、製作組，鍾sir同巴黎嘅特派專員，所以做奧運絕對係一件好開心、好熱血嘅事，因為大家都好團結、好想做好件事。」隨著奧運熱潮的降臨，愈來愈多人意識到運動員所需付出的努力及犧牲是何等極致，這點亦深深感動了這兩星期「陪住」運動員作賽的德德：「成功唔係淨係用獎牌就可以衡量到，當了解到運動員背後嘅故事，例如有啲係為咗改善家庭環境做運動員、有啲係為紀念或多謝某個人而爭奪獎牌；又或者為咗追夢，好多運動員都受過傷或犧牲好多，成件事已經超越咗勝負。無論有冇獎牌，佢哋背後嗰種拼命去創造歷史嘅努力同態度，都好值得被敬佩。」

德德喺《香港小姐再競選》嘅腹語表演，真係一鳴驚人。

德德身形弗到漏。

佢喺《福祿壽》呢個扮相，相信大家都好印象深刻。

於香港中文大學新聞及傳理學系畢業的德德，由2021年參選港姐開始已展現出驚人意志力及毅力，參賽前體重曾高達132磅的她，靠「168斷食法」及低碳低糖低鹽飲食三個月內激減22磅，當時已惹起一定關注；之後在翌年的《香港小姐再競選》中，德德憑技驚四座的腹語表演再次吸獲大量好評，最終陳懿德於台慶當晚的決賽奪得季軍。除了驚人毅力、德德本身更坐擁聲樂八級實力，潛力不容忽視！

網民好評截圖。

網民好評截圖。

網民好評截圖。

網民好評截圖。