娛圈事
俞可程非常感謝公司的體諒和支持。
TVB今日（7月11日）安排成功入圍的佳麗到金鐘進行髮型改造，最後現身俞可程（Kanis）由call time到結束足足坐了約五個小時才完成「變髮」，雖然看似變化不太，但她透露由於原本頭髮有做Highlight，而且髮色較淺，所以需要較長時間去修正，最後的成果她亦好滿意。
「變髮」前（本網記者攝）
「變髮」後（本網記者攝）
本職是測量師的俞可程透露，當昨日知道入選15強後已立即請向公司了一個月假，非常感謝公司的體諒和支持，讓她能全心全意投入比賽的訓練，目前她會努力保持好身心健康，不會給自己太大壓力，開心地享受過程。
本網記者攝
問到參選原因，俞可程表示想嘗試多些工作以外的事，而參選港姐就是個特別的體驗，而且不是人人都能參選，所以她覺得參選港姐能為她帶來難忘的回憶。
本網記者攝
三位港姐出身的鄧凱文、王迅文、俞可程成為東張新女神！
《萬千星輝賀台慶》「台慶序幕」排練多位藝人現身電視城，三位港姐出身的東張新女神鄧凱文、王迅文、俞可程在接受本網采訪時透露台慶當晚將會作為香港小姐著旗袍出場，仲會有跳舞環節，更爆指會著DeepV與超短褲跳舞好有睇頭，鄧凱文更表示會做足「功課」貼曬膠紙防止走光！
俞可程（本網記者攝）
王迅文（本網記者攝）
東張新女神鄧凱文、王迅文、俞可程（本網記者攝）
俞可程表示對比參選時的舞蹈，今次台慶都算有難度，所以都有認真練習，最緊要係學習點樣控制表情與用適合的表情去表演。王迅文表示因為係串燒歌曲，所以表情一定要好好練習：「因為會一段sexy，一段又開心啲，唔可以全程都係一個表情。」鄧凱文更自爆自己係唯一一個被老師點名嘅，甚至被罰要喺大家面前跳到識為止，因為手腳唔協調經常出錯。
俞可程表示對比參選時的舞蹈，今次台慶都算有難度（本網記者攝）
鄧凱文更自爆自己係唯一一個被老師點名嘅（本網記者攝）
俞可程透露大家都非常認真，完全唔夠膽走堂，因為只要miss一堂就有機會跟唔上，而且今次會同張曦雯同台，Kelly的表情演繹得好好都有做示範給大家。鄧凱文透露Kelly相當貼心，send長文教大家如何記得step同跳舞tips，更表示係第一次收到師姐咁大段文字覺得非常sweet，而且昨日更有曾志偉到場指導，教佢哋如何去摸自己身體同眼神放電！
俞可程透露大家都非常認真，完全唔夠膽走堂，因為只要miss一堂就有機會跟唔上（本網記者攝）
鄧凱文透露Kelly相當貼心，send長文教大家如何記得step同跳舞tips（本網記者攝）
王迅文、俞可程都係今屆港姐，短短一個月就有工開加入《東張西望》，俞可程表示非常開心：「我哋每一次出外景都跟一啲唔同嘅故事，我覺得好得意，而且可以幫到人。」關於驚唔驚在采訪期間受到攻擊，俞可程表示唔驚，因為入東張都係為咗經歷多啲唔同嘅事情。王迅文覺得加入東張之後學習到好多唔同嘅嘢，會發生好多意想不到嘅事情，並表示自己都有去天光墟做采訪，但唔覺得驚可能到時才會知道如何處理。
兩人都係今屆港姐出身（本網記者攝）
感情好好（本網記者攝）
完全唔驚採訪被人鬧（本網記者攝）
關於為何東張女神都要著緊身衫，鄧凱文表示都係巧合，而且方便工作，著鬆身衫會阻住發揮。俞可程則表示緊身衫上鏡都靚：「我哋著得又舒服，你哋睇得又開心，何樂而不為。」
為何東張女神都要著緊身衫（本網記者攝）
本網記者攝
