陳柏宇攜Abi父女檔出活動 囡囡化身小粉絲為爸爸打氣

Jason同Abi父女檔現身！

為迎接四年一度的國際體壇盛事，港鐵商場杏花新城準備好與大家共度一個活力動感的暑假，並邀請到藝人陳柏宇（Jason）及其女兒Abigail（Abi）齊齊出席活動揭幕禮。

由7月15日至9月1日，杏花新城將會舉辦「杏運Summer Fun 2024」，為小朋友帶來繽紛大型充氣水果樂園，三個遊樂設施包括：「充氣西瓜入樽派對」、「水果盤充氣樂園」和「充氣菠蘿攀爬大冒險」，讓各位每天免費任玩，盡情放電！商場與本地著名設計師羅曉騰Ken Lo合作，在不同角落展示其原創作品。商場更推出夏日消費優惠及商戶限時折扣，並設周末限定夏日DIY工作坊，一同歡度活力開心暑假！

陳柏宇攜女兒出席活動

大型充氣水果樂園

囡囡Abi化身小粉絲為爸爸打氣

「杏運Summer Fun 2024」揭幕禮

陳柏宇（Jason）

商場邀請到藝人陳柏宇（Jason）及其女兒Abigail（Abi）齊齊出席活動揭幕禮，經常於社交媒體分享一家四口互動的Jason難得攜同愛女現身，Jason笑指：「Abi聽到有彈床玩就即刻話要跟埋過嚟！杏花新城好方便，今個夏天有彈床玩，仲有本地設計師創作嘅得意角色影相打卡，玩到攰又肚餓就即刻可以搵餐廳坐低食嘢！嚟緊放暑假都計劃咗一家人去唔同地方遊玩兼做運動，呢度有齊唔同嘅運動品牌，可以一次過買齊運動裝備，啱晒我同太太湊住兩個小朋友唔駛周圍走！」其後Jason即刻瞓身落場同囡囡一齊與粉絲Battle，挑戰難度升級版的「123紅綠燈」及「彈床糖黐豆」，囡囡全程投入，Jason亦全程護航，場面緊張刺激又溫馨！

父女檔現身

氣氛不錯

Sweet！

Jason難得攜同愛女現身

難得一眾粉絲專程到場支持，Jason玩完遊戲更即場獻唱《有天》，掀起全場高潮！囡囡Abi更化身小粉絲為爸爸打氣，被問到會否教女兒們唱歌，Jason回應：「作為家長，希望提供機會畀小朋友自己多探索！家姐（Abigail）比較活潑好動，特別鍾意做運動、游水、曬太陽。今個暑假就啱晒佢啦，一家人可以一齊睇國際體育賽事。大家都要多多支持睇直播，為一眾運動員打氣！」Jason之後為參加遊戲的粉絲送上特備禮物，並與現場觀眾影大合照。最後更鼓勵在場的家長趁住假期帶小朋友一齊參與「杏運Summer Fun 2024」一系列的精彩活動及盡享消費優惠，買齊運動裝備度過充實暑假。

陳柏宇 milet 世紀同台，首度獻唱中英版新歌

陳柏宇 Jason 昨晚 (7日) 於日本人氣歌姬 milet 的亞洲巡迴演出香港站《milet Asia Tour 2024 in Hong Kong》驚喜登場擔任演唱會嘉賓，港日同台獻唱特別版新歌，為全場觀眾帶起高潮。

陳柏宇 Jason 擔任 milet 演唱會演唱會嘉賓。

Jason 及 milet 繼今年 7 月於日本為中、英文版歌曲〈Cheat Day (feat. milet)〉、〈Out of the Loop〉錄音及拍攝 MV 後，相隔 4 個月後再度合作，首度現場獻唱〈Out of the Loop〉。甫上台 Jason 便說：「多謝你嘅邀請，我好興奮，因為今次係我哋第一次 live 演出，仲要係唱兩首歌嘅 mash up，知道你為咗唱廣東話落咗好多苦功！」milet 道：「廣東話啲發音真係好難！錄完之後其實都唔係太滿意自己嘅發音。」Jason 二話不說大讚 milet：「你做得非常好！（對著觀眾問）你哋話係咪呀？」樂迷隨即吶喊歡呼。故此，這次同台合唱的版本也特意保留〈Cheat Day〉的幾句歌詞，如「巴打 絲打 仲去死 chur 咪啦」「要一次攞晒啲大假 快啲去天腳底渡假」等，重新編排後的中英 mash up 版本為樂迷帶來耳目一新的感覺。

甫上台 Jason 便多謝邀請

二人見面後亦隨即交換禮物，Jason 除了送上鮮花、也準備了最新專輯《LIFE IS HARD》，當中收錄了與 milet 合唱的兩首歌曲。Jason 於日本首次與 milet 碰面時送上了她最喜愛的香港零食 － 黑加侖子軟糖，更將其縫製成一個斜孭袋給她穿上。今次當然也不例外，Jason 特意準備了更大包裝的軟糖，milet 接過後也開心得笑逐顏開。

二人見面後亦隨即交換禮物

milet 接過後也開心得笑逐顏開。

合照