有港媽指其兒子和同學乘搭Uber時遺留手機，司機揸車歸還索「茶錢」，兒子最終搶回手機。網民反應兩極。
FB截圖
港媽兒子搭uber遺留手機 司機索「茶錢」
該港媽於社交平台發文，表示她的14歲兒子和男同學日前乘搭Uber，不慎把手機遺留在車內。事後她聯絡到司機，對方要求收取「茶錢」作為歸還手機的條件，港媽亦答應支付額外車費「沿途車反過來俾番車錢他」，惟沒有事先傾好「茶錢」金額。
翌日司機相約兩位男生下午4時交還手機，但延遲至傍晚6時才現身，且態度不甚友善「又話4點有喇6點佢地兩個喺條街度等左兩個鐘，喺哩度態度好差，又冇大人係度，一來就凶小朋友」。
FB影片截圖
兒子欲付$100作「茶錢」 司機要求$400
港媽的兒子原本準備支付100元作為「茶錢」，但司機要求400元，雙方隨即發生爭執。港媽透過電話與司機交涉：「師傅咪玩啦，啲小朋友邊有咁多錢喺身？」司機則解釋因開工受阻。港媽質疑司機欺負小朋友，指責對方拾遺不報，並表示會報警處理，司機則反嗆會將手機送去警局。
港媽教拍片兼報告 兒子成功取回手機
港媽又教兒子拍片並報警，影片中，司機表示：「100？我支旗都塞咗半個鐘，阻住做生意」，期間兒子多次大聲詢問「係咪要報警？」，最終兒子成功搶回手機。港媽不滿司機行為「唔喺佢態度咁差，俾幾百蚊佢飲茶無所謂，其實有大人喺度，有錢喺度，俾佢無所謂，佢態度一路都好似欠左佢咁，態度好差對兩個小朋友，同我講電話，兩個𡃁仔無錢喺度，琴日咪講左俾多程車錢你，但仔好似我欠有佢咁頭係想打交咁，我火都嚟」，於是發文公審司機。
FB影片截圖
FB截圖
網民批評司機「獅子開大口」
帖文引熱議，有網民讚揚少年應對得當，「個仔壓得住個阿叔，已經贏咗好多成年人」，亦有人批評司機獅子開大口「獅子開大口，真係好肉酸，個電話唔係屬於佢，仲好意思喺到講價」、「咁樣態度一蚊都唔俾照報警」、「之前搭Uber漏咗嘢 Uber淨係要求我比$100」、「好多香港人好x街，執到電話歸還俾機主一定要收報酬。以前就拎去放」。
FB影片截圖
網民認為付「茶錢」合理
不過，也有網民認為兩名年青人自己大意留下手機，要司機特登揸車送回，索取$400報酬無可厚非「其實真的要比 四五百，錯是錯在司機沒事前講明白，聲大夾惡就錯在司機上。我係司機掉咗佢，也不用受氣。你聲大夾惡因為 uber 唔合法啫」、「咁你個仔自己唔小心留低電話，人哋唔係要老奉送返比你，揸車過嚟要時間油錢，正常都要比茶錢」、「呢個故事教訓我哋，下次執到電話送去警局」。
FB影片截圖
帖文來源：thread