港女於大埔某餐廳以$34買了一份「上湯浸生菜」外賣，回家打開發現份量少得可憐，她即向店家反映，對方的態度令她更嬲。
FB圖片
港女不滿$34外賣生菜份量少
該港女於Facebook群組「大埔TAI PO」發文，表示日前到區內某越南餐廳買外賣，點了「炭燒豬頸肉撈檬」、「炭燒豬頸肉撈檬湯河」、「越式雞檬」及「上湯浸生菜」，連外賣盒共$212。回家後，樓主打開其中價值$34的「上湯浸生菜」一看，發現份量極少極不合理，於拍照公審「大家評下理，呢盒菜收$34」。
FB圖片
店家解釋「生菜會縮水」
從上載的照片可見，外賣盒內目測只有數片生菜，生菜份量更不足以填滿1/5個外賣盒。而從單據可見，該份生菜並非跟餐加購，是單獨一份小菜。樓主隨後向店家反映，豈料對方竟回覆「生菜係會縮水㗎」，令樓主更生氣「我明白出邊食係有成本，但都冇可能咁離譜」，並表示「唔會再有下次」。
Getty示意圖
網民批評餐廳「食水深」、「食剩俾你咁」
帖文引熱議，不少網民批評生菜份量少得過分「xx 佢啦，人哋食剩俾你咁」、「34蚊都唔係問題，問題係份量太少囉」、「間鋪食水太深」、「又真係過分左，fine dining?」、「三十幾蚊賣D咁既野比人，個老細都好等錢洗」、「仲貴過酒店」、「咁同打劫有咩分別呀？」、「好過去搶～」、「10蚊都比多」、「好大個兜呀！」
示意圖。設計圖片
帖文來源：Facebook群組「大埔TAI PO」
網上經常流出投訴的士服務質素的影片，日前就有港男在深夜乘搭的士，但司機未關車門就已開車，並要在乘客多次提醒下才按製關門，有如搭上了「亡命的士」。
threads 影片截圖
車門完全打開就開車竟慒然不知
這名乘客將事發時的情況拍下，上傳至Threads，只見片中乘客後排座位旁的車門完全打開，看到外面的路旁景色，而且的士車速不慢，情況相當驚險。樓主寫到「揸車之後都冇咩搭過的士，跟住一搭的士就咁刺激，車門都唔使閂」
threads 影片截圖
即使提醒幾次都不停車只撳掣
有看完片的網民問到「司機冇留意到未閂門咩？」，樓主回覆指「冇，如果我冇同佢講佢真係諗就咁車到我返屋企」，又表示「最慘係咩叫住佢仲行緊，叫咗佢幾次佢淨係喺度撳掣唔停車，所以先拍條片出嚟」，似乎司機對車門未關上的情況愛理不理，也不覺有危險。樓主強調「已經提咗佢啦，佢唔停車，淨係喺度撳嗰粒掣」，「一上車就咁樣，唔通跳車」。
threads 影片截圖
網民調侃：的士收費但機動遊戲體驗
網友們都熱議留言，開玩笑地說到「似玩機動遊戲」、「正喎的士收費但機動遊戲體驗」、「人地開蓬跑車，你坐開門跑車」、「其實都幾爽」、「夠大風，唔怕熱」、「冷氣都唔洗開」、「方便落車，又方便逃單」、「沿途望出車外，是命喪的感慨」、「當坐電單車囉，咁你會覺得好安全！」
資料圖片
網友：跌出去碌死咗，告謀殺定誤殺？
當然亦有不少人指責司機危險駕駛，「如果你真係跌左出去，唔只你受重傷，司機都要負責任」、「即係代表咗呢個司機唔會望後鏡、側鏡，安全意識好差」、「跌出去碌死咗，告謀殺定誤殺？」、「司機危險駕駛，一定告得入信我」、「提早跳車連的士錢都慳返，仲可以告佢疏忽賠埋湯藥費，到時仲唔發過豬頭」。
