女學生等巴士期間被一名婆婆請求幫忙買漢堡包，她因擔心錯過巴士拒絕，卻被對方責怪不幫助老人家。網民齊撐學生，批評婆婆道德綁架。
Thread圖片
婆婆要求女學生幫忙買漢堡包遭拒
該女學生於社交平台發文，講述自己日前在小西灣巴士站等巴士期間，一名婆婆突然上前請求她幫忙到麥當勞購買兩個漢堡包，並表示會付錢「當時佢係話佢俾錢，我淨係需要行過去幫佢買」。她向婆婆解釋因巴士快到站，擔心會錯過班次，所以不能幫忙。
《妳不是她》劇照
婆婆怪責不幫助老人 女學主表示不想牽涉金錢瓜葛
豈料婆婆聽到後竟怪責她：「你作為學生係咪好應該幫下老人家？你都會老架！」並試圖繼續游說她幫忙：「我攞住咁重嘅嘢 你唔係要我行咁遠去買個包吖嘛？」樓主於是以不想牽涉金錢瓜葛為由，再次拒絕道：「唔好意思啊，我冇義務幫你，同埋我點知會唔會我幫你買完你唔俾返錢，或者話我盜用你啲錢。」
婆婆反面兼「篤」女學生
婆婆聽後立即反面怒斥：「你遲啲老咗唔好叫人幫手吖，死𡃁妹！」更用手指「篤」樓主，樓主於是戴上耳機不再理會對方。樓主疑惑表示「如果係你會點答⋯其實係咪上咗年紀就好鍾意道德綁架人哋」。
示意圖片
網民批評婆婆道德綁架
帖文引熱議，不少網民撐樓主，認為婆婆恃老賣老「根本道德綁架」、「道德綁架呢d一係唔理佢，一係串返佢啦，起碼果刻順返自己條氣先」、「你作為老人家生存咗咁多年，係咪好應該學識自己的事自己做？」、「先唔猜度佢嘅動機，請人幫仲要老馮咁嘅態度， 我會答『我幫你唔到喎』，佢咁嘅態度我連唔好意思都唔會講」、「你試下話佢知前面有米派，我相信佢跑得快過保特」、「呢啲人恃老賣老，諗住學生女好蝦，利用同情心，可能慣犯」。
Getty圖片
帖文來源：thread
