香港小姐2024丨第2批佳麗秦冀雯盧凱怡鍾翠詩出發塞班島拍攝 泳裝上陣親親魔鬼魚求Good Luck

以水着上陣的三位佳麗大晒健美身材！

2024香港小姐競選》15強外景拍攝已經陸續展開，第二批候選佳麗7號秦冀雯（Yvonne）、8號盧凱怡（Kerry）和12號鍾翠詩（Tracy）日前已出發到塞班島，並由兩位師姐馮盈盈及麥美恩（Mayanne）帶領進行外景拍攝。

鍾翠詩（左起）、秦冀雯、盧凱怡近距離接觸魔鬼魚！

馮盈盈（左）、Mayanne（右）都有玩埋一份。

大家玩得好開心。

大家玩得好開心。

大家玩得好開心。

三位佳麗昨日（22日）行程非常豐富，一大清早便出發沙灘拍攝泳裝鏡頭，之後在兩位師姐陪同下，齊齊與魔鬼魚作零距離接觸。以水着上陣的三位佳麗大晒健美身材，與魔鬼魚抱抱兼餵牠們吃東西，玩得不亦樂乎。兩位師姐亦有落場玩埋一份， Mayanne全程表現勁騰雞，拍攝期間有一條魔鬼魚在其腳邊游過，Mayanne即時嚇破膽露出痛苦表情包，場面搞笑。有指親親魔鬼魚會幸運7年，三位佳麗和盈盈聽畢都爭住錫，而細膽的Mayanne為了Good Luck最終亦鼓起勇氣錫錫魔鬼魚。

Mayanne嚇出痛苦表情包。

相反盈盈勁大膽，對住魔鬼魚又攬又錫。

Mayanne雖然好驚，但為咗Good Luck亦都轄出去錫錫魔鬼魚。

秦冀雯

鍾翠詩

盈盈、Mayanne與三位師妹共進午餐期間亦發生搞笑事，事緣三位佳麗根據自己口味選擇了自己喜歡的菜式，口味比較獨特的Yvonne竟揀選了苦瓜全餐，就連飲品都是苦瓜汁。之後因為製作組安排，兩位師姐需根據對三位師妹的第一印象為三人分配菜式，結果Kerry被安排品嚐苦瓜全餐，雖然「苦過弟弟」，但Kerry仍一邊吃一邊露出甜美笑容，相當專業。

盧凱怡

齊齊食好西。

盧凱怡硬食苦瓜全餐，今次真係苦過弟弟喇。

Mayanne（左起）、盧凱怡、鍾翠詩、秦冀雯、馮盈盈一同受訪。盈盈大爆秦冀雯（右2）好自律，就連坐飛機都自備減肥飯盒。

秦冀雯（左）話自己好聽話。

三位佳麗與盈盈、Mayanne一同受訪，講到是次拍攝泳裝事前有否做好準備？Kerry說：「我哋從參選開始一直都有Keep fit，每個人都好勤力，我發現Tracy同Yvonne都食得少過我。」盈盈聞言大爆Yvonne非常自律，就連飛機餐都親自準備，Yvonne笑言：「我好聽話架，大家都叫我減吓肥，因為上鏡會好睇啲。」Tracy則指不擔心拍泳裝鏡頭：「但我都會食少啲，因為怕有肚腩。」

盧凱怡（左）都話要注意吓飲食。

鍾翠詩話唔敢食太多，因為驚有肚腩仔。

盈盈話今次啲泳衣係行運動風，唔使驚走光。

Mayanne自爆帶咗媽媽套泳衣。

Mayanne自爆着媽媽泳裝上陣
至於師姐級的Mayanne則搞笑說：「咁想睇我哋着泳裝咩？有咩好睇，十幾年前咪着過囉！」盈盈笑言：「都有做啲準備，但全部（泳衣）都係好運動型，唔會走光，好安全。」Mayanne聞言再搞Gag謂：「我帶咗我媽套泳衣嚟，簡稱面堅尼，由頭遮到尾，美白好緊要呀！」講到Mayanne和Tracy同樣來自溫哥華，問到有否經驗分享給師妹？Mayanne說：「其實我已經變咗一個港女，你（Tracy）Feel唔Feel到我仲有溫哥華特質？」Tracy聞言明明想向師姐笠高帽，但卻被其餘四人誤解為爆Mayanne多嘴，場面搞笑；Tracy其實是這樣說的：「有（溫哥華特質）呀，就係好多嘢講，可以有好多話題，呢樣好好。」

大家聽到都笑爆嘴。

鍾翠詩竟然爆Mayanne好多嘢講，認真大膽！

加強互動元素‧網民投票可影響最終三甲賽果？！

《2024香港小姐競選決賽》將於9月15日（周日）晚8點假將軍澳電視廣播城舉行，並於翡翠台現場直播。已進入倒數階段的《2024香港小姐競選》，大會今日再公布15強佳麗（1號陳紫佟Jessie、2號倪樂琳Ellyn、3號王汛文Candice、4號謝淑怡 Zoie、5號莊曉婷Kimmy、6號李曼思 Adria、7號秦冀雯Yvonne、8號盧凱怡Kerry、9號陳甜甜Rose、10號吳芷靖Clary、11號梁嘉莹Emily、12號鍾翠詩Tracy、13號程姜月Dolores、14號楊梓瑤Amina及15號俞可程Kanis）的官方晚裝照片。照片所見，一眾佳麗分別以桃紅、淡粉紅、淡黃、棗紅、蜜桃紅、湖水藍、紫紅、彩藍、鮮黃、Tiffany Blue、墨綠、鮮粉紅、紫色、紅色及深藍共15種不同色彩的高貴晚裝上陣，相當繽紛耀眼。另一特別之處是，15強佳麗身形均相當勻稱，大部分更是標準葫蘆身形，難怪被外界一致認為今屆佳麗質素很不錯。

今屆港姐除了破天荒全女班陣容呈獻盛典，今年的超強互動元素亦值得關注。為提高網民參與及投入度，大會今年其中一個宗旨是「港姐你有Say」，讓網民及觀眾僅透過參與以下三大步驟，就能有份投選心水佳麗及有機會贏取豐富獎品之餘，更有機會影響當晚決賽進程及賽果，相當刺激。第一步，由即日開始，全球網民可進入港姐投票頁面（https://tvb.app.do/mshk2024 ）投選「我最喜愛佳麗」，每人每次可投選1-3名心水佳麗，而投票截止日期，為決賽當晚的節目時段！之後即緊接進行終極階段投票，全球網民可參與決定今屆港姐冠軍，詳情稍後會正式公佈，密切留意！

15款不同顏色晚裝剪裁獨特盡顯葫蘆身段

15款不同顏色晚裝剪裁獨特盡顯葫蘆身段

15款不同顏色晚裝剪裁獨特盡顯葫蘆身段

投選「我最喜愛佳麗」

全球網民有機會參與港姐傳統答問環節

第二步，由即日開始，全球網民可於TVB各大官方平台，包括無綫官方FB專頁https://www.facebook.com/share/p/rbK3mDjjX4Jvr2si/、香港小姐官方FB專頁https://www.facebook.com/share/p/2vBPuHaw2nhpDvTC/ 、及香港小姐官方IG https://www.instagram.com/p/C_IvXYVic-D/ 留言，向15位佳麗提出各樣刁鑽提問或意見，當中別具創意、有趣或有意義的問題，將有機會被選用於決賽當晚由相關佳麗直接回應。

第三步，於決賽當晚，除了各大TVB網絡平台，myTV SUPER更會於節目直播期間開放Chatroom，讓觀眾即時留言互動，討論賽事，同時，於當晚佳麗才藝表演環節，更可於myTV SUPER直播Chatroom進行投票，一起參與今屆新增，100%由觀眾話事的「才藝女神大獎」投票！另外，今年港姐決賽，myTV SUPER更首度提供豎屏直播，為觀眾帶來全新觀看電視節目體驗！