夏日炎炎來一杯冰凍汽水感覺最清涼，但日前有港女在麥當勞叫餐時，要求汽水要走冰，怎料打開個蓋時發現杯汽水的份量變少了，質疑職員減了冰卻無添滿汽水！
AP資料圖片
禁質疑職員減了冰後 拒絕添滿汽水
有港女在facebook 群組出Post，指日前到麥當勞午膳，和職員要求汽水要走冰，怎料杯汽水是走了冰，但份量亦變少了，「一打開蓋少咗咁多汽水嘅，唔通減咗啲冰份量？」她不禁質疑職員減了冰後，卻拒絕添滿杯汽水。
FB群組圖片
網民解釋：汽水機自動set 咗份量
有不少網民回應解釋，「因為改咗自動制，您飲幾大杯，職員就按乜制，出完再加番滿冰。
所以唔好諗住，唔要冰會多啲嘢飲」、「因為汽水機自動set 咗份量，除非職員再加滿佢，但咁忙通常都唔得閒同你加」、「可能新手或者忙，因為佢禁完一次會有好多氣泡，通常要等氣泡散開之後再禁多一次先滿」、「人哋有份量架。 你要少冰啫， 唔係要多汽水嘛」等。
示意圖。設計圖片
經濟差想縮皮或是原因?
亦有網民認為現時經濟情況較差是最主要原因「以前會加滿，不過經濟壓力底下，佢地都豪唔起比你了，體諒下」、「而家各出其謀縮皮嘛」 。
示意圖。設計圖片
部份網民唔撐樓主 指汽水少了合情合理
但亦有好多網民認為走冰汽水份量少了是合情合理「叉燒飯走飯會多四両叉燒？」、「我叫牛扒餐走薯條配菜佢係咪會畀多塊牛扒我？」、「當然，否則啲人叫紅荳冰走冰走奶，咪成杯紅荳。」、「道理上佢又無錯喎」等。
