軒仔興奮地的表示見到一位外籍女士識唱《餘震》,是他第一次見到有外籍人士唱他的歌!
張敬軒日前正式展開「The Prime Classics HINS CHEUNG LIVE張敬軒演唱會」美加巡迴,首站於美國拉斯維加斯舉行,這亦是繼去年倫敦三場、澳門十四場後,第十八場「The Prime Classics」的演出。
點擊看圖輯
演唱會在拉斯維加斯Caesars Palace的The Colosseum舉行。
Celin Dion及Adele都曾在同一場地舉行演唱會。
軒仔感謝歌迷在微軟全球死機下都排除萬難到場睇show。
張敬軒美加巡迴演唱會首站於美國拉斯維加斯舉行。
作為美加巡首站,這次場地位於拉斯維加斯Caesars Palace的The Colosseum,以往有不少國際級歌手曾於這個場地演出,如Celin Dion及去年軒仔來看她的show的Adele,絕對是殿堂級的場地。據知,場地已多年未有邀請華人歌手到場演出,難怪軒仔表示既榮幸又興奮,而且亦覺得別具意義,「今晚可以企喺呢個舞台上面,好開心,我仲用Adele嘅化妝間同埋坐佢張櫈㖭呀!」
演唱會在拉斯維加斯Caesars Palace的The Colosseum舉行。
Celin Dion及Adele都曾在同一場地舉行演唱會。
雖然相距一年再於拉斯維加斯開show,再加上日前微軟死機,令各地機場大癱瘓,但各地歌迷如紐約、芝加哥、洛杉磯、西雅圖及墨爾本等,依然排除萬難到場睇show,軒仔十分感謝,「多謝大家不理千里、萬里嚟到拉斯維加斯嚟睇我嘅演出,知道增加咗佢哋嚟嘅難度,有啲要飛廿幾個鐘、有啲飛咗去某個地方,然後要坐十個鐘頭車到,各式其適以唔同嘅方法抵達演唱會場地,好彩大家都可以齊齊整整嚟到。」
軒仔感謝歌迷在微軟全球死機下都排除萬難到場睇show。
當晚演唱會歌單除了新歌《青春告別式》,亦有不少軒仔的代表作,如《櫻花樹下》、《笑忘書》、《餘震》等,都變成「大合唱環節」,當大合唱完《餘震》後,軒仔興奮地說:「你哋知唔知啱啱嗰刻知唔知發生乜嘢事?我喺台度,好多朋友同我一齊唱呢首歌,突然之間見到呢位外籍女士,佢識唱《餘震》呀!佢真係好犀利!突然間令到我覺得自己好似一個外國明星,好犀利呀!我第一次見到有外籍人士唱我啲歌,除咗我『遮遮』之外。好神奇!我想話,你(外藉女士老公)都真係好有福氣,你老婆愛你愛到連廣東歌都學。」隨即全場歡呼。
軒仔唱出新歌《青春告別式》及其他代表作。
歌迷一齊大合唱。
又大騷舞技。
演唱會亦有落台握手環節,不過落台前,軒仔語重深長地着歌迷要冷靜一點,原來因為去年新加坡站的「陰影」,更笑說大家不用錫住他,最緊要錫住支咪,「上次我哋喺新加坡,因為大家太熱情已經撞跌我支咪,我支咪特登send去德國整,整咗我兩隻勞力士嘅價錢,所以希望陣間大家唔錫住我唔緊要,一定要錫住我支咪,知唔知?哈哈。我好易搞嘅啫,但係我支咪難搞。」歌迷亦十分聽話,最後軒仔人咪安全返回台上。
軒仔更落台與粉絲握手。
除此之外,向來寵粉的軒仔這次亦帶了T恤送給歌迷,而且他更「效法」Adele去年演唱會上派發給歌迷T恤的方式,不過是「加強版」,「佢送禮物送T恤俾觀眾係有支槍嘅,一射就射到好遠,但今次我冇準備到支槍,但我準備咗一支炮!因為佢應該可以射到好遠,哈哈。好彩今晚唔係好多小朋友喺度啫,事不宜遲,呢個時候我請我支炮出嚟先,呢個美國friend好勁,佢可以射得好⋯⋯ 呀,唔係,揈得好遠㗎。」隨後二人瘋狂將tee拋向觀眾,氣氛熾熱。拋完Tee後,有歌迷大叫「拋埋軒仔」,於是美國朋友立即抱起軒仔作狀將他拋出,全場立即狂呼,最後,軒仔安全於台上着陸,「嘩!嚇死我呀!你哋知唔知我咁大個仔第一次俾人抱起。」引得全場爆笑。
拉斯維加斯站圓滿結束。
未買到飛嘅粉絲準備好未?
繼去年於澳門倫敦人綜藝館舉行14場《The Prime Classics張敬軒澳門演唱會》後,張敬軒今年再獲邀請,今年10月重臨澳門舉行12場《Dahlia Blossom HINS CHEUNG PRIME CLASSICS LIVE 2024 張敬軒澳門演唱會》,由於門票無論於優先訂購還是公開發售時都被搶購一空,在一票難求的情況下,為了讓一眾撲不到飛的歌迷能欣賞軒仔的演出,主辦機構決定加開11月15-17日三場,共15場演出,門票於8月28日起於金光票務公開發售。
《Dahlia Blossom HINS CHEUNG PRIME CLASSICS LIVE 2024 張敬軒澳門演唱會》加場門票將於8月28日起於金光票務公開發售。
由於門票早前透過歌迷會網站開賣,網站受到黑客攻擊,而為了能令歌迷順利購票,這次加場預售有關方面特別加強網絡保安系統,因此令購買時間比以往加長,但亦於四小時內沽清預留門票。雖然如此,但亦避免黑客攻擊,樂迷成功購票。
張敬軒
而為了慶祝軒仔打破自己於澳門舉行演唱會場數的紀錄,主辦方不惜大耍金錢,早前已有一幅大型隧道口海報展示,適逢加場門票即會公開發售,主辦方即時加碼製作第二幅巨型隧道口海報,又於香港多處地點刊登大型戶外廣告,包括八個大型TV wall、數十個大billboard及巴士站等熱點,除此之外,亦澳門多個地標大賣廣告,實行落足力宣傳。
主辦方大耍金錢,在香港及澳門多個地標大賣廣告,實行落足力宣傳。
主辦方大耍金錢,在香港及澳門多個地標大賣廣告,實行落足力宣傳。
主辦方大耍金錢,在香港及澳門多個地標大賣廣告,實行落足力宣傳。
主辦方大耍金錢,在香港及澳門多個地標大賣廣告,實行落足力宣傳。
主辦方大耍金錢,在香港及澳門多個地標大賣廣告,實行落足力宣傳。
主辦方大耍金錢,在香港及澳門多個地標大賣廣告,實行落足力宣傳。
主辦方大耍金錢,在香港及澳門多個地標大賣廣告,實行落足力宣傳。
主辦方大耍金錢,在香港及澳門多個地標大賣廣告,實行落足力宣傳。
提到打破自己澳門開show紀錄,軒仔表示當然開心,但他最希望能夠將自己的音樂跟大家分享,「首先多謝澳門倫敦人邀請,可以再踏上呢個舞台,亦令我有機會將呢個行咗三年嘅show當中,有重新嘅編排及演繹,加上新元素,將最好嘅表演呈現俾大家。其實每一次演唱會,自己都會有好多感受、情緒放咗入去,希望大家亦會用心去感受。」
軒仔透露會有重新嘅編排及演繹,加上新元素。
希望將最好的表演呈現給歌迷。