失狗闖九巴嘆冷氣 暖男車長不忍趕落車 助尋飼主獲網民大讚

一隻狗仔闖入巴士車廂內嘆冷氣被一位男車長帶下車，之後又跟著他登上另一輛巴士繼續嘆冷氣，暖心男車長最終助狗仔尋回主人獲網民激讚。

FB圖片

失狗暱入巴士嘆冷氣

該男車長於Facebook群組「車cam L（香港群組）」發文尋狗主，他表示一隻狗仔被發現於一輛停泊在總站的巴士車廂內，而負責該巴士的女車長因為怕狗，於是請他幫忙帶狗仔下車。

狗仔跟暖男車長登上另一巴士繼續嘆冷氣

狗仔好醒目，知道樓主是愛狗之人，下車後又跟著樓主上了另一輛68號巴士，繼續嘆冷氣「狗狗喪流口水睇落怕熱，咁我上番我部車準備開車。狗狗就好醒跟埋上嚟我車，自己去左後座坐低，狗狗其實都好乖」。

FB圖片

暖男車長助狗仔尋回主人「Happy Ending」

樓主見狗仔看起來乾淨且有頸帶，估計有人養，於是暫時收留了狗仔，並報警求助。約半小時後，狗主終於現身把狗仔接走。樓主欣慰表示「略盡棉力，幫得幾多得幾多，Happy Ending 大團圓結局就好」。

FB圖片

網民大讚車長好人好事

帖文引熱議，不網民大讚車長善心之舉「多謝你救起左佢，你做得好好呀」、「好彩有你咋，如果唔係都唔知點算」、「好人好事，每人行多步，你就係義工」、「好人好事，多謝你幫手 hold 住狗狗」。

亦有網民批評狗主大懵

亦有人罵狗主失魂「呢個主人都幾大頭蝦，咁大隻狗都拖唔實嘅」、「有無搞錯，咁大隻狗都可以走失」、「狗主這個主人没心養，希望接走狗狗養到終老」、「立例攞牌，走失三次終身不能養新寵物」。

FB圖片

帖文來源：Facebook群組「車cam L（香港群組）」

有港男在threads發文，說早前坐巴士，巴士突然急剎，恰好那時他正按在落車鐘上，待站穩後發現竟扯甩落車鐘掣，引來網民熱議。

示意圖

巴士急剎 扯甩了落車鐘掣

港男發文表示，巴士急剎時，自己「一嘢飛咗去，飛咗出去走廊啫」，而當被拋出走廊站穩後，才發現「手揸住啲嘢，點知一睇，X！」。原來是他扯甩了落車鐘掣，於是上網求助「黏返上去扮無事，定係攞返屋企練習撳鐘仔？」。

Threads圖片

網友笑爆：俾你留念

帖文引來不少網民留言，有人笑爆「俾你留念」、「CLS，搭巴士有手信」、「SLDPK（笑到X街的簡稱），大力出奇蹟」。有人「可以練下手速」、「寄番比九巴」、「九巴特別紀念版，未來應該好值錢，你應該留著佢給子孫後代！」。

地鐵頭頂波型扶手都出過事

有網民分享以往的經歷，「好多年前地鐵頭頂個扶手仲係個波嗰陣，有一次又係急剎之後，大家企定定，我發現對面個男人隻手多咗個波波扶手，我已經笑到X街，但佢好冷靜咁望咗一眼。然後架車到站，佢施施然咁踎低，輕輕力放咗個波波扶手喺地下，再慢慢起身拎轉面落車。全程神態自若，彷彿唔係第一次掹甩扶手咁」。

示意圖

有人懷疑真假 二手平台有得賣

不過也有人質疑樓主所言，認為他該按鐘掣是從網上買回來的。在二手平台carousell搜索，可發現九巴按鐘掣現售40蚊1個。

網上截圖