蘇韻姿8年來靠兼職追夢 專注工作直認無生活

蘇韻姿喜歡做演員，努力追夢。

今年4月離巢Tvb 的蘇韻姿，憑《愛回家》熊心如一角嶄露頭角，近日在接受《星光背後》的專訪時，坦言在TVB 8年期間要靠兼職維持生計，身為竹升妹的她要兩三年才看懂中文劇本，為追夢更無晒生活。

憑《愛．回家之開心速遞》中熊心如一角入屋

接受梁泰來主持的《星光背後》專訪

在多倫多長大的她，在單親環境下成長，母親一人打四份工養大她與弟弟。談及當時她選美入行後在TVB的月薪，她直言「唔夠兩萬」、「響香港租樓，係唔夠生活」，所以一直兼職人補習、教小朋友唱英文歌來維持生計，但仲未俾到家用媽咪。

她又感謝同劇演員湯盈盈教路，令中文不足幼稚園程度的她可以讀懂劇本，「最初好辛苦，好彩湯盈盈教我用iPhone閱讀功能，我聽住Siri讀就一邊寫我自創嘅拼音，最初NG多一定有畀人鬧，起碼兩三年先上手。」

竹升妹唔識睇中文劇本

談到兩年前突然被飛出劇組，蘇韻姿指「好突然」，「係睇到劇本知道，好突然，以往都有角色出入，以為公司有安排，點知幾個月無工開。」但她撫心自問無用粗口鬧珍姐，但亦不否認遲到，「坦白講，拍劇6年，無可能一次都無遲到，但我絕對唔會老奉，之後傳到我用粗口鬧珍姐，我好愕然，首先我中文差，講粗口只會講錯令到人笑，其次我好尊敬前輩同高層，絕對唔會做呢啲行為。」

離巢後努力接job，希望有一日可以俾家用媽咪

來港追夢的她自認男仔頭，無時間拍拖，對於與劇中CP「池子孝」阮政峰的緋聞，她說﹕「我同阮政峰一直係好兄弟，呢啲係捱義氣。最初好唔想珍姐、監製或者導演誤會我嚟溝仔，我唔係咁，我係嚟做嘢！我飛咁遠嚟香港，你俾咗咁大機會我，我只想專注工作！一放工就即返屋企食飯做功課，每晚拼音背嘢就瞓，第二日就返工，我無life，無咁嘅心機，更squeeze唔到時間了解異性。」

不過，她大讚舞台劇導演陳恩碩（Tom）有才華，二人因為音樂劇《我們的青春日誌》而認識，雖然她很欣賞有才華的男生，但表示與陳恩碩沒有機會發展，「其實我想搵個大過我嘅男仔，另外，我哋夾得滯，我諗過㗎，如果同一個同樣熱愛一件事的人一齊，話題太單一。」

有份參與音樂劇《我們的青春日誌》

蘇韻姿表示好有滿足感！

31歲的蘇韻姿（Andrea）憑《愛．回家之開心速遞》「熊心如」一角成功入屋，但去年曾傳出因工作態度而被雪藏兼被被踢出劇組，直至今年初獲「解凍」拍新劇，但今年4月約滿即離巢。離開TVB後，蘇韻姿跳出舒適圈尋求新挑戰，不但將為將為HOY TV拍攝劇集《我愛九龍城》，近日又以幕後導演助理身份參與慈善直播show的製作。

蘇韻姿將為將為HOY TV拍攝劇集《我愛九龍城》。

近日以幕後導演助理身份參與慈善直播show的製作。

蘇韻姿在加拿大讀大學時主修戲劇，副修音樂，除了幕前演出，也參與過幕後製作，近日她再次回歸幕後，並在IG分享以導演助理身份參與《天生我才達人秀》的照片，並留言：「相隔一個禮拜，終於有時間沉澱落嚟諗返起上個禮拜嘅今晚做嘅show ，真係好榮幸今次有份參與到呢一個咁有意義嘅活動。」

參與《天生我才達人秀》製作。

蘇韻姿感謝陳恩碩邀請她擔任導演助理，「能夠喺一個超過130年歷史嘅教堂出面做一個戶外show仲要有Projection Mapping⋯ 真係好癲！ 曾經做過幕後嘅我都真係好耐冇重拾過幕後嘅崗位。 今次呢一個show表演單位非常之多，係一個好好嘅挑戰亦都同時學到好多嘢。多謝導演嘅信任將show裏面部份嘅items交俾我排。見到各位表演者喺台上面發光發亮，真係好有滿足感！希望喺呢個show參與嘅每一位都唔會放棄自己夢想！」

蘇韻姿感謝陳恩碩邀請她擔任導演助理。

亦多謝導演的信任。

蘇韻姿IG圖片

蘇韻姿IG圖片

蘇韻姿IG圖片

最後，蘇韻姿表示：「今次呢一個籌款慈善網上直播show，係要龐大嘅團隊齊心努力籌備先做到，想借呢個機會都多謝每一個為呢一個show有付出嘅人！亦都想講一聲，我真係好proud of 演員們今次嘅演出！你哋嘅努力，相信大家都見到！希望你哋享受今次嘅過程，繼續向自己目標出發！p.s. 多謝咁多位同學仔搵我集郵，你哋真係好熱情。」

蘇韻姿又感謝團隊每一個人的付出！

蘇韻姿IG圖片

蘇韻姿IG圖片