藤原拓海現日出康城？ 白色車行「無路山坡」震驚住戶 議員揭真相係咁

有居民目擊一輛白色車輛在將軍澳康城附近的山坡上緩緩駛下，更在無車路的草叢內穿梭，網民形容「下坡道坑渠走法，藤原拓海現康城」。

「藤原拓海」驚現將軍澳康城

有網民於Facebook群組「車cam L（香港群組）」上載影片，影片顯示，一輛白色車離奇地從將軍澳康城附近的山坡駛至山下，在一片綠色的草叢內穿梭，除了一條疑似「坑」的路線，現場根本沒有車路，影片亦沒有交代車輛的目的地。樓主笑稱這一幕堪比經典動漫《頭文字D》中主角藤原拓海的「下坡道坑渠走法」。

FB影片截圖

網民猜測「定位引錯路」、「工程車」

影片引熱議，有網民笑言「路，係行出黎嘅！」、「前路由我創」、「可能行到一半都冇退路，唯有行落去」、「有咩問題？！冇超速，唔阻人唔阻車，幾好」；有人猜測「肯定係google帶錯」、「一定更新咗google map!」、「到底係邊個地圖出事？定係佢撳錯咗行人模式？」、「導航顯示行人步行路線，揸車照跟住行？」有網民估計「似工程車，上山做完嘢落返嚟有乜問題 ！」、「好似係農夫車嚟㗎喎」。

FB影片截圖

該區議員揭曉事情真相

西貢區議員方國珊在Facebook上表示，經向環保署及承辦商查詢，確定該車輛實際上是將軍澳已修復堆填區承辦商的工程車，負責巡察堆填氣體監察井。環保署指出，當時工程車正接載工作人員前往堆填區的監測設施進行環境檢測工作。

FB影片截圖

帖文來源：Facebook群組「車cam L（香港群組）」

不少人去街市買餸或超市購物都會拖架買餸車，以免拎到身水身汗。但日前有網友竟在街頭見到，有主婦拖着保溫買餸車，但內裝的不是菜而是一名幼童！

網上圖片

幼童安靜坐買餸車全程無扭計

近日Threads上流傳一條影片，片中一名主婦拖着保溫買餸車在人來人往的街道上行走，而車內卻坐着一名幼童，只僅露出頭部。雖然買餸車拖行時有些顛簸，坐在車內的幼童也隨着路面起伏而輕擺頭部，但他全程表現安靜並沒有吵鬧，還不時望着身邊路過的途人。

網上圖片

網友擔心：係咪想熱死？

影片引來好多網友的關注，認為雖然幼童坐在車內好可愛，但以這種方式「運送」甚為危險。「好危險，但呢個畫面又好得意」、「最勁係佢唔扭計」、「而家湊仔真係要考牌先」、「佢仲要坐咗喺個保溫袋入面，係咪想熱死？」、「拖還拖，帶返個兒童頭盔好啲」、「不如拎返BB車」。

網上圖片

有婆婆以同樣方式運BB結果翻車

而有網友指都曾經見過有婆婆以同樣方法載住個BB，但豈料一路太顛簸，婆婆抓不住車子，幼童連車一起摔到地上，BB個腦撞到地，「我見佢抱起個B，冇見紅，仲識喊。我仲叫個婆婆最好同個B睇一睇醫生，同醫生講聲咁樣撞到個後腦」。

網上圖片

網民懷念：我細個都係咁坐！

不過原來也有不少網民小時候也試過坐着買菜車，在街市中穿梭，他們對此表示非常懷念「細個都有坐過類似，唔知有冇人都係咁，紅色格格網車加個奶粉罐當櫈坐」、「我細個都係咁坐」、「童年回憶」、「細路應該覺得好玩」、「我想坐入去」。