港女點雙腸煲仔飯驚見原是此「雙腸」 大呻：食個飯都欺騙感情！

雙腸煲仔飯中的雙腸通常會用臘腸和潤腸，但日前有港女光顧秀茂坪一間食肆，發現點的煲仔飯竟是用脆皮腸及黑椒台灣腸，發文詢問網友們「係咪我理解能力差？」

示意圖。《愛回家》劇照

樓主嚇呆：唔係應該係臘腸潤腸咩？

樓主在threads發文表示，日前光顧秀茂坪一間食肆，點了一個雙腸煲仔飯，雖然餐牌上無寫明是哪一款腸，但樓主預期應該是傳統煲仔飯的臘腸和潤腸，點知一開蓋「吓呆X咗」，問到「雙腸煲仔飯唔係應該係臘腸潤腸咩？」，她驚見隨飯而上的竟是脆皮腸及黑椒台灣腸，無奈地慨嘆「食開煲仔飯嘅人係唔會諗到臘腸潤腸會變咗脆皮腸台灣腸啩」，更大呻「（食）個飯都欺騙感情」

threads圖片

網民發笑：創作力量同幻想會嚇你一跳

帖文隨即引來熱議，網民笑言「覺得係詐騙啊」、「呢個世界冇咗信任」、「創作力量同幻想會嚇你一跳」。「佢咁寫又好似冇錯喎」、「佢食埋個普通話音，『雙腸』、『香腸』」、「正常點會用呢啲腸嚟做煲仔飯㗎」。

threads圖片

食肆賣非一般煲仔飯

而樓主後來徇眾要求開名，網友們根據樓主的資料，上網查閱該食肆在外賣平台網站的資料，雙腸煲仔飯是有寫明是脆皮腸和台灣腸。不過網民留意到此食肆的煲仔飯款式「非一般」，如有雜丸煲仔飯、回鍋肉煲仔飯、榨菜肉絲煲仔飯等，「睇到雜丸煲仔飯都知呢間嘢大癲」！

threads圖片

有港男在threads發文，說早前坐巴士，巴士突然急剎，恰好那時他正按在落車鐘上，待站穩後發現竟扯甩落車鐘掣，引來網民熱議。

示意圖

巴士急剎 扯甩了落車鐘掣

港男發文表示，巴士急剎時，自己「一嘢飛咗去，飛咗出去走廊啫」，而當被拋出走廊站穩後，才發現「手揸住啲嘢，點知一睇，X！」。原來是他扯甩了落車鐘掣，於是上網求助「黏返上去扮無事，定係攞返屋企練習撳鐘仔？」。

Threads圖片

網友笑爆：俾你留念

帖文引來不少網民留言，有人笑爆「俾你留念」、「CLS，搭巴士有手信」、「SLDPK（笑到X街的簡稱），大力出奇蹟」。有人「可以練下手速」、「寄番比九巴」、「九巴特別紀念版，未來應該好值錢，你應該留著佢給子孫後代！」。

地鐵頭頂波型扶手都出過事

有網民分享以往的經歷，「好多年前地鐵頭頂個扶手仲係個波嗰陣，有一次又係急剎之後，大家企定定，我發現對面個男人隻手多咗個波波扶手，我已經笑到X街，但佢好冷靜咁望咗一眼。然後架車到站，佢施施然咁踎低，輕輕力放咗個波波扶手喺地下，再慢慢起身拎轉面落車。全程神態自若，彷彿唔係第一次掹甩扶手咁」。

示意圖

有人懷疑真假 二手平台有得賣

不過也有人質疑樓主所言，認為他該按鐘掣是從網上買回來的。在二手平台carousell搜索，可發現九巴按鐘掣現售40蚊1個。

網上截圖