一名大叔公然在巴士內指甲，港男面斥不雅勸止，卻慘被對方爆粗辱罵，港男決定公審還擊：上網見！
FB影片截圖
大叔巴士內剪指甲 港男勸阻引爭執
有男網民於facebook群組「香港突發事故報料區及討論區」上載影片，事發地點為路線276B的九巴上層位置，影片顯示，一名中年大叔公然在車廂內用指甲鉗剪指甲，坐在大叔附近的樓主見狀便出言勸阻「唔好剪指甲啦好冇呀？巴士嚟㗎」，豈料對方竟以暴粗反駁「X ! 巴士咪巴士囉，X你老X，傻傻哋」。
FB影片截圖
大叔狂爆粗辱罵 港男公審還擊
樓主無被大叔嚇窒表示「公共地方嚟㗎」，大叔則繼續出言侮辱「挑釁我呀？你都戇XX，你拍我擺上網咪擺上網囉，X頭，最X多X事」，樓主即說「得啦，上網見」，大叔反駁「我剪指甲咪剪指甲，我又唔係搲爛腳，唔鍾意就報警啦，X頭」。樓主自知有理說不清，唯有冷靜回應「感謝你嘅表達」，再將片段上載公審。
FB影片截圖
網民批評大叔行為欠公德
影片引熱議，不少網民指責大叔有欠公德心「真係好X憎呢啲人，其實d指甲碎會彈到週圍都係」、「年青人做得好， 啲人做咗幾廿歲人，正常說話都唔識講淨係識講粗口」、「真係唔明點解廢老咁鍾意巴士剪指甲，正常人真係唔會咁做」、「唔係自己屋企，就可以放任整污糟d地方，阿伯你好自私又唔衞生，車資唔包你既排污啊」、「最憎啲人坐巴士地鐵就當正自己屋企一樣，又剪指甲剪腳甲」、「巴士有條例唔可以在車內剪指甲，同車長講，請佢落車！」
FB影片截圖
根據九巴乘客須知第十九條，應為其他乘客設想，不應在車內作出令其他乘客感到煩擾的行為（例如高聲談話、剪指甲、大聲播放流動設備音響、用腳頂著前面椅背或將腳踏在座椅上等）。而香港法例第230A章《公共巴士服務規例》則指明，乘客不得對巴士的任何部份或其設備故意作出或故意安排作出任何事情，而該等事情導致他人受傷、不安、煩擾或不便，而且不得從巴士拋出或故意掉下任何物件，一旦違例，可被判處罰款5,000元及監禁6個月。
FB影片截圖
帖文來源：facebook群組「香港突發事故報料區及討論區」
