網民實測港日版麥記「楓糖班戟漢堡」 港版一優點全勝！

日本麥記獨有的「楓糖班戟漢堡」「McGriddles」正式殺入香港，更掀起港人搶購潮，不少網民更在社交平台分享食後感，形容港版為「少甜版本」。

網上圖片

港版班戟漢堡是「少甜版本」

有港男在Thread 發文並上載相片，評論親自品嚐過日本及香港的「熱香餅漢堡」後的分別。他認為港版的班戟較乾和硬身，用了較少楓糖漿，是少甜版本，但口感上依然很「漏」，容易飽肚；而「日本那個pancake就軟身啲，甜啲」他指「楓糖班戟漢堡」非常熱賣，見到員工們不停製作，完全無停手，他大讚「係好食，只是2款係有分別」。不過他直言雖然港版已不太甜，但仍會覺得很膩，「到而家仲係好飽」。

Thread 圖片

Thread 圖片

網民大讚：冇咁甜我鍾意啊

帖文一出即引來網民熱議，不少網民大讚麥記為迎合港民味，而調整港版楓糖班戟漢堡的甜度，他們留言「港式風味」、「咁好似幾好，一直覺得日本嗰個太甜」、「香港嗰個冇咁甜我鍾意啊」、「香港嗰個甜度我覺得啱啱好」、「睇相only，香港好似靚啲」。

亦有網民同樣曬出在日本及香港食過的「楓糖班戟漢堡」的相做比較。(Thread 圖片)

不過亦有網民同樣曬出在日本及香港食過的「楓糖班戟漢堡」的相做比較，始終都係覺得日本出品的比較好食！

有港男在threads發文，說早前坐巴士，巴士突然急剎，恰好那時他正按在落車鐘上，待站穩後發現竟扯甩落車鐘掣，引來網民熱議。

示意圖

巴士急剎 扯甩了落車鐘掣

港男發文表示，巴士急剎時，自己「一嘢飛咗去，飛咗出去走廊啫」，而當被拋出走廊站穩後，才發現「手揸住啲嘢，點知一睇，X！」。原來是他扯甩了落車鐘掣，於是上網求助「黏返上去扮無事，定係攞返屋企練習撳鐘仔？」。

Threads圖片

網友笑爆：俾你留念

帖文引來不少網民留言，有人笑爆「俾你留念」、「CLS，搭巴士有手信」、「SLDPK（笑到X街的簡稱），大力出奇蹟」。有人「可以練下手速」、「寄番比九巴」、「九巴特別紀念版，未來應該好值錢，你應該留著佢給子孫後代！」。

地鐵頭頂波型扶手都出過事

有網民分享以往的經歷，「好多年前地鐵頭頂個扶手仲係個波嗰陣，有一次又係急剎之後，大家企定定，我發現對面個男人隻手多咗個波波扶手，我已經笑到X街，但佢好冷靜咁望咗一眼。然後架車到站，佢施施然咁踎低，輕輕力放咗個波波扶手喺地下，再慢慢起身拎轉面落車。全程神態自若，彷彿唔係第一次掹甩扶手咁」。

示意圖

有人懷疑真假 二手平台有得賣

不過也有人質疑樓主所言，認為他該按鐘掣是從網上買回來的。在二手平台carousell搜索，可發現九巴按鐘掣現售40蚊1個。

網上截圖