P牌私家車違泊雙黃線 阻巴士站出入口引車龍 網民斥自私亦有人咁話

有P牌寶馬私家車違泊停雙黃線上，頂住巴士總站出入口，令開出的巴士無法駛離。有網民怒斥私機自私，但亦有人認為右線空間夠過。

FB照片

私家車違泊雙黃線阻巴士去路

有網民於Facebook群組「車cam L(香港群組）」上載照片，顯示一輛掛有「P牌」的寶馬私家車違泊停在雙黃線上，堵塞巴士總站的出入口，導致後方出站的40X巴士不夠空間轉彎駛離。當時私家車位司機位置無人，而副駕駛座則有乘客以手遮面，表現尷尬。巴士車長亦了下車，站在馬路上查看，十分無奈。

FB照片

網民怒斥司機自私行為

帖文引熱議，不少網民批評私家車司機自私的行為「垃圾P牌仔阻x住地球轉」、「重新考過啦P仔，連common sense都冇」、「個牌淘番黎？」、「何解今時今日大家都視雙黃如無物？ 停都唔應該更何況係泊」、「真係走唔到就報警，搵拖車拖走佢」、「違泊已經唔啱！仲泊到咁衰！點幫得落」、「好憎人架車泊到離行離罅，不如停喺馬路中心啦笨」。

示意圖片

網民認為空間夠過引爭議

不過，有網民認為右線空間夠過「最長車，但你要佢走實走到嘅，4、5手呔應該扭到」、「有啲巴士司機，好明顯攞位攞得唔靚，就賴車頂住佢，完全冇諗過自己需要補下鐘」、「巴士佬夠出佢都唔出，明眼人就知巴士佬專登攪大佢」；有人則反駁「唔需要搏，因為撞左無人會可憐」、「巴士都有唔同長度，唔同型號，中擔車尾擔車，有尾軸輔助轉向，有啲無輔助轉向，所以一兩部夠過唔代表全港巴士都夠過，希望你明白同理解巴士司機都有難處，如非必要都唔想搵自己份工黎搏」。

帖文來源：Facebook群組「車cam L(香港群組）」

有港男在threads發文，說早前坐巴士，巴士突然急剎，恰好那時他正按在落車鐘上，待站穩後發現竟扯甩落車鐘掣，引來網民熱議。

示意圖

巴士急剎 扯甩了落車鐘掣

港男發文表示，巴士急剎時，自己「一嘢飛咗去，飛咗出去走廊啫」，而當被拋出走廊站穩後，才發現「手揸住啲嘢，點知一睇，X！」。原來是他扯甩了落車鐘掣，於是上網求助「黏返上去扮無事，定係攞返屋企練習撳鐘仔？」。

Threads圖片

網友笑爆：俾你留念

帖文引來不少網民留言，有人笑爆「俾你留念」、「CLS，搭巴士有手信」、「SLDPK（笑到X街的簡稱），大力出奇蹟」。有人「可以練下手速」、「寄番比九巴」、「九巴特別紀念版，未來應該好值錢，你應該留著佢給子孫後代！」。

地鐵頭頂波型扶手都出過事

有網民分享以往的經歷，「好多年前地鐵頭頂個扶手仲係個波嗰陣，有一次又係急剎之後，大家企定定，我發現對面個男人隻手多咗個波波扶手，我已經笑到X街，但佢好冷靜咁望咗一眼。然後架車到站，佢施施然咁踎低，輕輕力放咗個波波扶手喺地下，再慢慢起身拎轉面落車。全程神態自若，彷彿唔係第一次掹甩扶手咁」。

示意圖

有人懷疑真假 二手平台有得賣

不過也有人質疑樓主所言，認為他該按鐘掣是從網上買回來的。在二手平台carousell搜索，可發現九巴按鐘掣現售40蚊1個。

網上截圖