latergram?!
TVB小花陳瀅(Jeannie)近日正在歐遊,去完法國又飛到希臘旅行,並連日在社交平台分享大派福利,繼日前貼出超性感白色泳衣照後,日前又晒出新一輯靚相,睇到網民心心眼,但卻被高海寧催開工?
陳瀅在IG晒出新一輯靚相,可見她穿上黑色貼身魚網連身裙,大騷身材曲線,擺出側面、正面及背面多角度的pose時,都能見到她裏面的黑色比堅尼若隱苦現,性感度爆晒燈!不少網民及圈中好友,包括高海寧、王敏奕、王灝兒、葉念琛及蔡潔等都留言激讚,當中高海寧稱讚之餘更不忘催她開工,「好hot呀,但係你唔使拍劇咩?」非常搞笑!
據知,陳瀅有份參與邵美琪回巢TVB的新劇《臥底嬌娃》,劇集於7月尾開拍,未知是否未輪到陳瀅的戲份,還是旅遊靚相只是「latergram」呢。