蔡卓妍壓軸登場跳《TOXIC!》 別具意義 Jeremy恨與郭富城大玩dance challenge

Jeremy感謝藝人好友挑戰高難度舞步，壓軸登場的還有阿Sa！

李駿傑Jeremy最新派台作品《TOXIC!》，挑戰高難度舞步，但他亦邀請粉絲及不少藝人大玩dance challenge，而昨晚來到最後一擊作出挑戰的藝人是蔡卓妍阿Sa，為大家帶來不少驚喜，而這次合作，Jeremy也覺得別具意義。

Jeremy邀阿Sa跳《TOXIC!》別具意義。

今次《TOXIC!》dance challenege參與的藝人眾多，除了MIRROR隊友邱士縉Stanley外，還有ERROR肥仔、Collar、楊安妮Winwin、903 DJ謝茜嘉、梁文禮、Woody、阿正、Elsie、鄧小巧、吳林峰、雷同二友、Herman@The Hertz、《TOXIC!》MV導演Borry及排舞老師木炭外，壓軸登場的還有阿Sa。Jeremy偷偷道出了找到阿Sa參與《TOXIC!》dance challenge的小故事，他道：「自己以前都會成日聽阿Sa同Twins嘅歌，所以今次玩時，都有透過熟人問阿Sa可唔可以一齊玩，佢好好應承參與呢個challenge，能夠同偶像團體前輩玩呢件事係好有意思同好正！」

MIRROR隊友Stanley

ERROR肥仔

Collar

除了一眾藝人外，不少fans也有參與dance challenge，Jeremy很感謝大家的參與，他說：「好多fans都有玩dance challenge，但今次舞步係有啲難，因為特登編難啲，所以為咗dance challenge自己都準備咗簡單版、正常版、超難版俾大家揀，去到後尾同歌手朋友玩嘅時候再簡化啲，令到就算冇咁叻跳舞嘅都可以一齊玩，所以最終有4個版本。玩完之後發覺下次可以舞步簡單啲嘅時候先嚟玩呢個dance challenge，大家會更加容易一齊玩。」

903 DJ Elsie、阿正

903 DJ Woody、謝茜嘉、梁文禮

Marf

同期出歌的還有Anson Lo，但今次二人未有互相參與dance challenge，Jeremy解釋道：「我同阿Lo成日玩cover，我自己都有問佢諗住一齊玩，但一齊做嘢嘅時候時間都一定好tight，冇乜時間可以去做呢件事，希望將來有時間玩到啦！」除了阿Lo，Jeremy更期待日後有機會跟郭富城一齊跳dance challenge！Jeremy心心眼表示：「跳舞梗係一定要有郭富城啦！佢真係好出色嘅跳唱歌手，一定好想同佢合作。」

鄧小巧

吳林峰

而這次dance challenge亦為Jeremy留下不少難忘畫面，Jeremy分享道：「咁多條dance challenge最難忘係睇到吳林峰跳舞，同埋睇到小巧好勤力去練習都係好難忘。因為我都知呢兩位係被我迫去玩，我哋玩之前其實係《三俠四義音樂會》嘅綵排日，我喺錄影之前一日先教佢哋，佢哋真係返屋企練習咗一日，到第二日真係拍時已經做完show，明明好攰但佢哋都跳得好好，又用心，所以都好多謝佢哋，同埋見到吳林峰跳舞係好cute囉！」

楊安妮

Jeremy一直是Häagen-Dazs™雪糕的忠實Fans！

冬日將至，又是跟親朋好友舉行派對聚會的好時節，Häagen-Dazs™今年再度與Sanrio合作，推出以三款人氣Sanrio角色為主題的限量版角色造型雪糕火鍋經典套裝，包括連續5年奪得「Sanrio Character Ranking」冠軍的大熱角色Cinnamoroll、近年爆紅的「Z世代」人氣王Kuromi及可愛「孖公仔」Little Twin Stars，更將皇室堡店幻化成限定主題店，店內以三款人氣角色穿梭Häagen-verse為主題，設有巨型幕牆與夢幻立牌，以及眾多夢幻兼甜蜜的打卡位，帶領一眾Sanrio粉絲踏上一趟奇幻的宇宙之旅！

MIRROR成員李駿傑（Jeremy）親臨Häagen-Dazs™皇室堡Sanrio派對限定主題店打卡。

Jeremy自認雪糕大胃王！

童心未泯Jeremy見Sanrio公仔即愛不釋手
為隆重其事，Häagen-Dazs™專誠邀得Jeremy李駿傑@MIRROR親臨皇室堡Sanrio派對限定主題店打卡；一向有童話王子氣質的Jeremy，跟Cinnamoroll、Kuromi及Little Twin Stars的夢幻感覺不謀而合，同樣甜蜜滿瀉！Jeremy到店後跟巨型幕牆及Sanrio角色夢幻立牌合照時即露出童真笑容，對Kuromi、Cinnamoroll和Little Twin Stars造型的雪糕火鍋經典套裝更是愛不釋手，嚷著要一次過帶回家！

Jeremy自認一直是Häagen-Dazs™雪糕的忠實Fans：「一直都喜歡食Häagen-Dazs™雪糕，昨晚完成MIRROR Fans Meeting後，我也選擇食雪糕來慰勞自己，絕對是我的comfort food之一！大家別以為我的身形較纖瘦便吃得少，對於雪糕，我可是擁有另一個胃！剛才也趁拍攝時吃了幾啖，真的很好吃，所以今次能夠跟Häagen-Dazs™合作恍如成就解鎖，希望可以『長食長有』啦，哈哈！」

大讚Sanrio角色造型火鍋爐可愛爆燈兼用途多！

欣賞Sanrio角色造型火鍋爐用途多
除了是Häagen-Dazs™的忠實Fans，Jeremy同樣喜愛Sanrio卡通人物，激讚Kuromi、Cinnamoroll和Little Twin Stars造型的雪糕火鍋爐可愛爆燈，最欣賞是可以發揮自己的創意，將火鍋爐變成擺放飾物或種植小盆栽等的小工具，同時極具收藏價值，讓可愛的Sanrio角色融入家中。他說：「Kuromi的造型以紫色為主，跟我的應援顏色很相襯；至於擁有一雙藍眼睛的Cinnamoroll騎著獨角獸，獨角獸正是我的Fans—Unicorns呀，就像我跟Unicorns們一樣形影不離；『孖公仔』Little Twin Stars就像我與隊友結伴同行，齊齊成為閃亮的星星，哈哈！Sanrio系列的雪糕火鍋經典套裝一套有32個雪糕球，十分適合聚會與朋友分享，用來做聖誕禮物亦是不錯的選擇！」

Jeremy期待與摯愛好友開冬日Party。

與摯愛好友開心Share Häagen-Dazs™歡渡冬日佳節
身為「米媽」的Jeremy當然不會獨食，一定會與摯愛好友開心Share Häagen-Dazs™，齊齊歡渡冬日佳節！他說：「每款套裝均包括32個指定口味迷你雪糕球及濃厚朱古力醬，而且今年更有全城熱捧的開心果朱古力醬登場，隨指定堂食及外賣雪糕火鍋套裝推出，我當然會與家人及好友一同Dip & Crunch，點嚐快樂之最！」Jeremy續說：「MIRROR的聚會有時會在不同隊友的家中進行，所以隨雪糕火鍋套裝額外附送的3張優惠劵，更可與家人朋友一同分享，哈哈！」想跟Jeremy擁有同款Sanrio主題的雪糕火鍋套裝，與親朋好友共渡冬日佳節，各位Unicorns由即日起便可入手雪糕火鍋套裝禮劵，締造甜蜜冬日！

Jeremy率先試食Haagen-Dazs™ x Sanrio角色造型雪糕火鍋。