雷深如宣傳新歌《一人之下》 女性版愛的愛言 J.Arie：女性都可以保護男人

J.Arie：「我哋都可以保護同照顧佢哋。」

歌手雷深如（J.Arie）日前到新城廣播接受昆頓主持的《說故事的人》訪問，宣傳新歌《一人之下》。今次是J.Arie相隔7年才推出的愛情慢歌，她形容這首歌是女性版愛的宣言，「女性唔一定要男人保護，我哋都可以保護同照顧佢哋。」

雷深如（J.Arie）接受昆頓《說故事的人》訪問。

宣傳新歌《一人之下》。

J.Arie透露自己15歲開始拍拖，惟一沒變的是「戀愛腦」，為男方付出所有，「我都唔想咁，所以學習緊點樣強勢之餘，又扮吓蠢、溫柔啲，比啲位男仔去做吓嘢，不過如果男仔太軟弱，我又會嫌佢悶或者乜都唔做，確實有男仔話我過份照顧佢，我都有反思，好過懶嘅男仔會令我忟，太強勢又會同佢火星撞地球，我寧願有一個會溝通嘅男仔。」

J.Arie自認「戀愛腦」。

昆頓取笑J.Arie照顧男方無微不至像傭人，J.Arie大笑謂：「我都唔想呀，我都唔知點解訓練到自己咁，不過係我嘅選擇，我想咁做，都係女權嘅狀態，同一時間，我都需要一段對等關係，需要個男仔為我擋子彈、擋車，但可能忽略咗男仔為我做嘅細微嘢。」

雷深如宣傳新歌《一人之下》 女性版愛的愛言 J.Arie：女性都可以保護男人

詳細節目內容，請留意8月12日，晚上10:00 – 10:30，新城知訊台《說故事的人》，網址：https://www.metroradio.com.hk/MetroInfo/

J.Arie為個唱造勢之餘，亦不忘支持酒吧業！

雷深如（J.Arie）將於2月15日在麥花臣場館舉行《J.Atriarchy》演唱會，距離演唱會僅餘1個半月，一向工作認真又凡事親力親為的J.Arie，為今次演唱會出盡努力，正積極排練之餘，日前並進行酒吧巡唱及落區Busking，為演唱會造勢並答謝樂迷買票支持之外，亦不忘為受到市道影響的酒吧現身演唱打氣。

J.Arie日前並進行酒吧巡唱及落區Busking。

亦不忘為受到市道影響的酒吧演唱打氣。

J.Arie日前分別到尖沙咀及港島連跑8間酒吧進行Bar Tour巡唱，每場都引起哄動。好朋友小肥及YouTuber Jonjon現身支持，與J.Arie合唱外，小肥更搞笑Promoter上身，高舉演唱會售票QR Code宣傳牌，即場呼籲掃Code買飛，果然一呼百應。她說：「雖然就快開騷，幾忙都好，呢個Bar Tour一定要做，我想幫酒吧業打氣，有幾間酒吧將面臨結業。」

連跑尖沙咀及港島8間酒吧進行Bar Tour巡唱。

好朋友YouTuber Jonjon現身支持。

小肥除了現身支持，還一同合唱。

更化身Promoter，高舉演唱會售票QR Code宣傳牌，呼籲掃Code買飛。

除了Bar Tour，J.Arie亦親民落區Busking，由新界唱到港島區，天水圍、屯門、旺角、銅鑼灣、中環再到赤柱，每到之處都吸引大批市民圍觀，十分成功。她非常開心說：「落區Busking認識到好多新朋仔，希望在演唱會見到多啲不同區的新朋友。」

除了Bar Tour，J.Arie到港九新界Busking。