娛圈事
港姐冠軍馮盈盈當選之後，被揭早年在社交網站爆粗惹來非議，之後言行一直很小心。她與港男冠軍黎振燁出席大會汽車贊助商領獎活動時，卻又差些跌入「粗口陷阱」。
馮盈盈同黎振燁一齊出席領獎活動
馮盈盈接受訪問前先試試收音是否正常，大喊：「試咪，試咪，盧海鵬試咪！」在場記者大為錯愕，問了幾句才知她原來不清楚「盧海鵬試咪」含意，解釋「盧海鵬試咪」下一句就是粗口。
馮盈盈現在聞粗口都怕怕
「吓！無架啦，無架啦！淨係得呢句！」她聞言相當驚訝，活動隨即在少少尷尬的氣氛下進行。
馮盈盈表示今次造型係自己同造型師一齊選擇的，且完全唔擔心搶佳麗的風頭
全城矚目選美盛事《2024香港小姐競選》今晚（9月15日）假將軍澳電視廣播城舉行決賽，馮盈盈以超DeepV現身瞬間成為全場焦點，接受本網採訪時她透露其實今次造型的主題是「古典女神」：「而且我要符合今次港姐的主題『Proud To Be A Woman』，女性一行出嚟就係充滿自信同力量，所以今日造型就帶來呢個感覺！」馮盈盈表示今次造型係自己同造型師一齊選擇的，且完全唔擔心搶佳麗的風頭：「我哋今屆的佳麗同嘉賓都好靚，所以我覺得我哋係百花齊放，大家都咁靚嘅！」今次的禮服如此「透明」，馮盈盈表示自己「絕對」有做防走光的措施：「每次著呢個性感的服裝我都會做好防走光的安全措施，先可以做好又好睇又安全又穩震。」
馮盈盈狀態極佳！（本網記者攝）
成為全場焦點（本網記者攝）
唔擔心搶風頭（本網記者攝）
馮盈盈表示自己的心水佳麗就係一齊去塞班島的佳麗7號秦冀雯（Yvonne）、8號盧凱怡（Kerry）和12號鍾翠詩（Tracy）：「話我偏心都係啦，始終我哋一齊去塞班島拍節目wor，我對三位佳麗嘅了解都會比較深入，而且感情都會深厚啲。當然唔係其他佳麗唔支持，只不過佢哋三位就有感情分。」不過冠亞軍就一直都未有排名，因為想睇睇佢哋嘅臨場表現如何。
表示自己的心水佳麗就係一齊去塞班島的佳麗7號秦冀雯（Yvonne）、8號盧凱怡（Kerry）和12號鍾翠詩（Tracy）（本網記者攝）
期待佢哋表現（本網記者攝）
馮盈盈透露有send message俾心水佳麗，希望可以俾到佢哋鼓勵，不過都唔夠膽打擾佢哋太多，因為作為過來人，她明白在決賽大家都會好忙好累，所以俾支持佢哋就OK，至於tips同心得，其實去塞班嘅時候同麥美恩已經全天候傳授給她們，所以非常期待佢哋問答環節，睇下佢哋有冇用得上。
馮盈盈透露有send message俾心水佳麗（本網記者攝）
早前馮盈盈po出一輯超靚的潛水相，她透露其實都係去塞班島時拍攝的，她亦表示其實自己在有重大活動出席前都會努力保持身材，所以都會在飲食上面吃得清淡小小且會利用自己營養學的背景來選擇適合的飲食。
她亦表示其實自己在有重大活動出席前都會努力保持身材（本網記者攝）
希望可以利用自己營養學背景保持身材（本網記者攝）
本網記者攝
