巴黎殘奧｜港隊輪椅羽毛球代表陳浩源連贏兩局勝出首場分組賽

巴黎殘奧羽毛球項目，港隊輪椅羽毛球代表、上屆殘奧銅牌得主陳浩源，在WH2組的小組賽，旗開得勝。

陳浩源FB圖片

賽事2號種子陳浩源，今仗面對智利球手阿蘭古斯，未有遇到太大阻力，分別以大比數，連贏兩局21:10和21:8，勝出首場分組賽。

陳浩源。Brand Hong Kong FB圖片

林奕匡 陳浩源接受新城《勁爆樂勢力之我們的驕傲》訪問

新城廣播知訊台今日（3日）起一連6日，早上11時半至12時播出由黎莉主持的特備節目《勁爆樂勢力之我們的驕傲》，每集都會請來星級嘉賓和運動員一同受訪，而頭炮嘉賓是林奕匡（Phil）和香港輪椅羽毛球運動員陳浩源（Daniel），兩人在節目中分享他們的追夢故事和所經歷的高山低谷，充滿正能量。

頭炮嘉賓是林奕匡（Phil）和香港輪椅羽毛球運動員陳浩源（Daniel）

黎莉以樂壇的驕傲和體壇的驕傲介紹Phil和Daniel，希望透過兩人的自身故事，鼓勵聽眾成為自己的驕傲，而Phil得知Daniel的故事後表示十分敬佩，「Daniel由殘障到要用拐杖，到現時唔需要任何輔助，在生活上不用身邊人特別擔心，我覺得好厲害，因為我幾個月前拗柴，由點樣換褲到做物理治療，過程真係好辛苦，Daniel嘅情況都可以克服，佢嘅意志一定好強。」

黎莉以樂壇的驕傲和體壇的驕傲介紹Phil和Daniel

事實上，Daniel早年由出門到球場練習，整個過程都十分艱辛，但他為了夢想而繼續堅持，「一來是為夢想，二來就是不希望家人擔心，因為我車禍意外時先22、23歲，我媽咪好擔心個仔，佢除咗要考慮我嘅經濟狀況，仲要考慮我心理狀況；另外，就係我太太，無論係你嘅身體企番起身，定係你嘅人生止番起身，都要先令到佢放心。」

Daniel早年由出門到球場練習，整個過程都十分艱辛，但他為了夢想而繼續堅持

Daniel自認幸運，因為小時候便認識羽毛球，他形容羽毛球是他「第二個老婆」，「因為真係好親密，每日都見好多個鐘，仲多過我太太，遇到羽毛球之後，透過努力佢畀到我好多嘢，包括其他人嘅認可、讚美，甚至找回自己嘅人生價值，亦都因為呢啲嘢令到我屋企人放心，所以我唔會放低羽毛球，我希望做到最好，令到佢哋唔使再擔心我，仲可以好似主題一樣，為我覺得驕傲。」

形容羽毛球是他「第二個老婆」

Phil亦分享了當初放棄在加拿大就業來港追夢當歌手的艱難時期，當時充滿自信的他，最終花掉所有積蓄，他卻沒有勇氣跟父母說，「我唔敢同佢哋講我走錯路，但依家望番轉頭，我已經做咗爸爸，其實父母唔介意繼續資助你或者幫你，聽到你話做咗啲唔成功或者唔開心嘅事反而唔要緊，最重要我哋一齊去面對。」

Phil亦分享了當初放棄在加拿大就業來港追夢當歌手的艱難時期