Bosco被傳緋聞傳到怕。
大灣區視帝黃宗澤近日曝光率極高，忙於四圍宣傳新戲《紮職3》。日前，他與周勵淇（Niki）到網上節目《絲打圍爐》做嘉賓，仲大談多個緋聞。
Bosco近日忙於宣傳新電影
黃宗澤（Bosco）與周勵淇（Niki）相識多年，二人首次合作為TVB劇集《天幕下的戀人》，Bosco被問到有否追求過Niki，Niki即否認，並指自己不是Bosco杯茶，二人更沒有傳過緋聞，所以能夠成為好朋友。
二人於2006年首次合作
節目中主持人娟姐抽出多個關於黃宗澤緋聞的問題，黃宗澤不諱嫌地逐個擊破，包括與蔡潔的緋聞，他馬上否認：「梗係冇啦！我同佢係好friend。」不過聽到與蔡一傑的緋聞，Bosco聽到拗晒頭，毫無頭緒二人有傳過緋聞。另一位主持人唐詩詠聽後即指，很多緋聞是無中生有，然後Bosco即自爆曾經有記者問他是否給富豪包養，他直言：「我心諗如果係就好啦！唔使咁辛苦，所以係假嘅，我都唔識佢。」
堅稱與蔡潔只是很好的朋友
Bosco更講到明自己是不婚族，對生小朋友更有少少抗拒，所以喜歡Bosco的女孩子要有心理準備。
講到明係不婚族
周勵淇最近「全面復工」密密接job，除了接拍護膚品廣告，早前顆夥拍陳偉霆、影后劉雅瑟及馮德倫的劇集《太陽星辰》亦即將上架。
Niki最近密密接job。
《太陽星辰》是騰訊視頻跟Netflix首部同步聯播的華語懸疑劇，劇集更入選今屆「康城春季電視節」的MIPDrama Screenings Selection，是唯一一套亦是首部入圍的亞洲劇集。周勵淇（Niki）透露她於劇中飾演一名犯罪心理學醫生，是馮德倫的太太，Niki謂多年前已於電影《天行者》跟馮德倫飾演情侶，這次再度合作「升呢」做夫妻，感覺有趣。
有份演出的劇集《太陽星辰》即將上架。
Niki透露她在劇中飾演一名犯罪心理學醫生，是馮德倫的太太。
除此之外，Niki表示這次最大挑戰是飾演影后劉雅瑟母親，坦言一知道即「O嘴」，「第一次同雅瑟合作，佢做我個女，對於我嚟講係有啲挑戰，一開始覺得：『咦，可唔可以做到佢媽媽呢？』我哋由後生飾演到老，所以喺造型上都幫助到唔少。」又大賣關子，「到時大家睇就會知道點解我會飾演到有一個咁大個女嘅媽媽，哈哈。」
Niki笑言這次最大挑戰是飾演影后劉雅瑟母親。
對於「全面復出」，Niki笑說「冇退出過」，「小朋友都開始大，我覺得都可以喺幕前做返多啲嘢，陸陸續續工作得比以前多，有好嘅劇本、好嘅角色都想嘗試。嚟緊會做劇嘅宣傳，同埋會喺內地一段時間拍攝。」除了電影、電視，Niki表示想嘗試做舞台劇，「因為我覺得舞台劇都係充滿好多挑戰，好多神秘感喺裏面，希望有機會有一日可以成為一個舞台劇演員。」
Niki指小朋友開始大，可以做更多幕前的工作。
又表示想嘗試做舞台劇。
