意國友人終極挑戰以廣東話闖九記嗌嘢食 網友「苦主」齊出聲：條氣都順晒

一講到本港的網紅食店，相信位於中環的九記牛腩絕對是無人不曉，作為一間百年老字號的牛腩店舖，九記牛腩除了以清湯牛腩及咖哩牛腩馳名，吸引無數本地市民及遊客慕名而來之外，九記的服務態度也向來「遠近聞名」。

FB示意圖片

外國友人勇闖九記牛腩用廣東話落單

近年來，大家一提起九記牛腩，大多數人都會第一時間想到他們為人詬病的服務態度，網友們直指九記牛腩服務態度「十年如一日」差劣，就連小紅書、微博上也有不少遊客批評。而日前一位居住在香港的外國友人，就嘗試了勇闖九記牛腩，用廣東話落單，挑戰九記牛腩侍應阿姐的情緒底線，為大家帶來「外國人最真實的九記食評」

觀看影片：https://www.youtube.com/watch?app=desktop&v=mkuRyJgbyZA

第一位侍應阿姐招架不住敗下陣來

該名「希望可以成為講廣東話最叻嘅意大利人」的外國友人，日前就夥同朋友一起來到九記牛腩，並搞笑寫到，「連香港人都唔敢去嘅九記，想去練下啲廣東話」 ，事主與友人經過精心磨煉與準備，鼓足勇氣擠進常年人滿為患的九記店內，「我想要牛腩麵，半腩半筋」，一開口，純正的外國人粵語震懾全場，第一位侍應阿姐已經開始招架不住敗下陣來，即場換人，召喚一個身經百戰滿頭銀髮的資深阿姐出場。

九記牛腩。示意圖片

「希望可以成為講廣東話最叻嘅意大利人」的外國友人。網上圖片

第二回合白髮阿姐企圖講英文擊退外國粵語

第二回合，白髮阿姐直接開始講英文，試圖打消外國友人嘗試講粵語的念頭，但她低估了外國友人的執著，事主堅持用令人懷疑人生的粵語落單：「多青，加d腩汁」，笑到令人肚痛，而白髮阿姐經過同事主的幾個來回過招，很快也鬥志全無，最後敷衍了事。

「希望可以成為講廣東話最叻嘅意大利人」的外國友人。網上圖片

網友：條氣都順嗮！多謝你哋幫苦主出氣

網友紛紛留言表示，「睇見佢哋好開心好放鬆， 同九記嗰啲員工夥計好繃緊的情緒，形成一種強烈對比」、「條氣都順嗮！多謝你哋幫苦主出氣」、「多謝您地，睇到好開心」、「多謝你們兩人玩殘九記啲侍應，為好多人出咗一口氣」、「未入舖已經覺得好好笑，我已經笑到眼淚水都出哂嚟！」

八達通是港人日常出行、逛街購物的必備之物，不過近日，有網民在網上發文求助，指自己不慎將八達通「一分為二」，由於裏面還有約$300餘額，故向神通廣大的網友求助。

網上圖片

網民爆笑留言「由八達通變2張四達通」

該網友在Threads上發文，指自己「唔小心整斷左張八達通，內有300-400餘額，點算」，事主走投無路，惟有網上發文向網友求助。而帖文曝光很快掀起網民熱議，有網民爆笑留言，「由八達通變2張四達通」、「是咪變四通八達」

《愛回家》示意圖片

「今次真係八達都不通」

還有網友「安慰」事主：「而家你有兩張各有$150-$200餘額嘅八達通」、「攞支AA膠，黐埋兩邊，放入微波爐叮30秒，張卡就識AA制㗎啦」、「今次真係八達都不通」、「變成四通八達」。

網上圖片

熱心網友提出解決方法：「可以去地鐵站客戶服務中心買過張卡」

亦有熱心網友提出解決方法：「可以去地鐵站客戶服務中心買過張卡」、「有無得入八達通號碼落電話八達通，可以嘅話就成功轉移到啲錢」、「拎去客服中心填form，申請退款」。